Свет
Путин: Се трудам сам да изберам новогодишни подароци за моите внуци
Рускиот претседател Владимир Путин изјави дека секогаш се труди сам да избира новогодишни подароци за своите внуци, иако лично не оди на шопинг.
Путин зборувајќи за својот приватен живот за руски медиуми, на прашањето дали ќе ја помине Новата година со членовите на семејството и ќе одбере подароци за внуците, одговори потврдно, додавајќи дека не оди на шопинг лично.
„За жал, не одам во шопинг, но бидејќи денес има многу можности да изберам нешто, се трудам сам да го направам тоа. И се надевам дека ќе им се допаднат подароците“, рече Путин.
Тој рече и дека планира да ја дочека Новата година со членовите на семејството со кои ќе го слуша новогодишното обраќање до нацијата.
На прашањето како планира да ја помине новогодишната ноќ, тој со насмевка одговори: „Ќе бидам со семејството, ќе ја дочекам Новата година и ќе го слушам говорот на претседателот“.
Портпаролот на Кремљ, Дмитриј Песков, претходно изјави дека рускиот претседател традиционално ќе ја дочека Новата година со семејството и пријателите.
Тој додаде дека празниците за Путин делумно ќе бидат работни, објаснувајќи дека претседателот на Русија ретко тој период го поминува како новогодишни празници.
„Мислам дека тој, како и сите други, ќе ги искористи првите неколку дена за одмор, иако не може да има целосен одмор. Шефот на државата мора постојано да работи, особено во време кога ситуацијата во Европа е загрижувачка“, рече Песков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.