Спорт
„Жалам што порано не заплакав во финалето на Ју-ес опен“
![](https://makfax.com.mk/wp-content/uploads/2021/12/novak-djokovic-loses-us-open-2021.jpg)
„Екип“ го прогласи Новак Ѓоковиќ за спортист на годината. Светскиот број 1, во интервју за угледниот медиум, направил ретроспектива на 2021 година.
Ѓоковиќ годината ја заврши со освоени три гренд-слем титули. Според бројот на најголемите трофеи се израмни со Роџер Федерер и Рафаел Надал. Не успеа само во намерата да го комплетира календарскиот гренд-слем и да стане апсолутен рекордер во оваа категорија. Ѓоковиќ не успеа да го освои Ју-ес опен.
„Ова беше една од оние години кои имаат посебно место во мојот живот. Не само поради резултатите, туку и поради рекордите, пандемијата, емоциите на и вон теренот. Кога ќе размислам драго мие што завршува 2021“, рекол Ѓоковиќ.
Светскиот број 1 се присетил на поразот од Данил Медведев во финалето на Ју-ес опен.
„Тој ден Данил играше подобро од мене. Имаше јасен план и перфектно го спроведуваше. Искрено, не ми понуди многу шанси“.
И покрај тоа што Медведев подобро играше, Ѓоковиќ имаше шанса да се врати во мечот. Преплавен од емоции, кога публиката застана на негова страна, во третиот сет, тој почна да плаче.
„Не сум фаворит кај навивачите и бев подготвен за тоа. Се изненадив кога почувствува дека целиот стадион навива за мене. Тоа не го очекував, ме фатија неподготвен. Плачев поради неверојатната поддршка. Солзите беа од радост. Поради целата таа љубов. Потоа тие солзи се претворија во солзи на тага. Не се предава, но знаев дека ќе биде тешко да се вратам. Жалам што не заплакав порано. Тоа ослободување дојде премногу доцна. Потоа направив брејк, па освоив уште еден гем. Не велам дека ќе победев, тоа сега никој не мпже да го знае. Верувам дека се во животот се случува со причина. Како универзумот или Бог да решаваат што е ќе се случи тој ден“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Англиските Ирци и пресудија на Република Ирска
![](https://makfax.com.mk/wp-content/uploads/2024/09/1725726879-GettyImages-2170696921.jpg)
Англија со победа над Ирска во Даблин ги започна натпреварите во Б дивизијата во Лигата на нации. Победата на Англија и ја донесоа Ирците, кои решија во сениорска конкуренцијата да го носат дресот на „гордиот албион“.
Деклан Рајс и Џек Грилиш во Дабил беа пречекани со транспарент кој ги споредува со змии. Двајцата постигнаа по еден гол, Рајс не го прослави за разлика од Грилиш.
🐍"YILANLAR GERİ DÖNDÜ"
İrlandalı taraftarların İngiltere maçında Declan Rice ve Jack Grealish'e gösterdiği tepki ters tepti.
🔔DEVRE: İrlanda 0-2 İngiltere
⚽11' Declan Rice
⚽26' Jack Grealish 🅰 Declan Rice pic.twitter.com/fayUiaY0HG— Sporx Ekstra (@sporxekstra_) September 7, 2024
Рајс, пред да дебитира за Англија во 2019 година, одигра три натпревари за Ирска. Сега постигна гол на стадионот на кој во 2018 година играше во дресот на Ирска против САД. Грилиш играше за младинските селекции, У18 и У21 на Ирска. Неговата мајка е од Ирска, но тој реши го прифати повикот од Англија.
Спорт
Анчелоти за помошник донесе тренер од англиската Трета лига
Карло Анчелоти (65), според англиските медиуми, повлече шокантен потег. Искусниот Италијанец во својот стручен штаб го донесе помошникот тренер во англискиот третолигаш Стокпорт Каунти.
Станува збор за 38-годишниот Енди Менген, кој беше член на стручниот штаб на над 300 натпревари во третото, четвртото и петтото ниво на англискиот фудбал.
Менген е поранешен напаѓач, кој ја заврши својата кариера во 2018 година. Настапуваше за десет клубови, а во кариерата одигра 425 натпревари и постигна 118 гола.
Никогаш во кариерата не играч на повисоко ниво од Третата лига.
Англиските медиуми пренесуваат дека Менген е близок пријател со Давиде Анчелоти (35), синот на Карло Анчелоти, кој исто така е дел од стручниот штаб на Реал Мадрид.
Тие двајца заедно ги земаа тренерските лиценци, па освен што се пријатели се и поранешни школски другари. Кога Менген ќе ја добие работната дозвола за Шпанија, ќе му се приклучи на стручниот тим на Реал.
Спорт
Гризман. Бевме ужасни против Италија
![](https://makfax.com.mk/wp-content/uploads/2024/09/Untitled-1-17.jpg)
Французите се разочарани од играта што ја прикажаа нивните најдобри играчи на натпреварот против Италија на стартот од Лигата на нации.
„Аѕурите“ сосема неочекувано победија со 3:1 во Париз.
Триколорите поведоа веќе во 14. секунда со голот на Баркола, но во преостанатиот дел од натпреварот Димарко, Фратеси и Распадори целосно го свртеа резултатот.
Еден од најискусните репрезентативци на Франција, 33-годишниот Антоан Гризман заигра по 136-ти пат во дресот на „триколорите“ и не памети вакво лошо издание.
„Ништо не беше во ред. Како репрезентација мора да продолжиме да работиме напорно и да го анализираме овој натпревар. Не бевме добри ниту во напад, ниту во пресинг, ниту во одбрана. Им честитам на Италијанците, овојпат беа подобри“, изјави Антоан Гризман за француските медиуми.
Во следниот натпревар, во понеделник на 9 септември Франција ја пречекува Белгија во Лион, додека истиот ден Италија гостува во Будимпешта против Израел.