Црна хроника
Уапсена голема криминална група за производство фалсификуван алкохол
Полицијата спроведе акција за расчистување нелегално производство, криумчарење и продажба на алкохоли, извршени од страна на организирана криминална група од подрачјето на Скопје, Струмица, Битола и други градови која подолго време во временскиот период 2008 и 2009 г., соопшти МВР
Криминалистичката истрага под оперативно име „Аперитив“ се спроведувала последните седум месеци од страна на Одделот за организиран криминал при МВР, по што со следење други специјални истражни мерки биле обезбедени докази за криминалната активност на групата.Во акцијата биел зивршени претреси во вкупно 21 објект на подрачјето на Скопје, Битола, Куманово, Струмица, Виница, Кочани, Радовиш и Штип, од кои 11 во домовите и други простории на членовите на криминалната група и десет во правни лица од тоа во осумте продавници: „СН-Компани” во Скопје, „Драма Ана” и „Алек” во Радовиш, „Мац Промет” во Виница и Кочани, „Екстра маркет Ќошар”, „Ќошар” и „Ќошар Компани” во Куманово, и две печатници „Графосервис” во Струмица и „Полиграфика” во Битола. Бил направен и претрес и во четири возила од кои две пикап возила и две патнички од нив три во Скопје и едно во Струмица. При извршените претреси пронајдени и привремено биле одземени поголемо количество шишиња разни видови нелегално произведени алкохолни пијалоци (узо „Тсантали”, водка „Смирноф”, „Апсолут”, „Вигор”, „Балтик”, бренди „Бадел”, виски „Балантајн”, шток, вињак, џин, рум, разни видови ракија и др) за кои постои сомнение дека се произведени од страна на криминалната група. Воедно пронајдена е и празна амбалажа од 678 шишиња узо „Тсантали”, бренди „Бадел”, водка „Смирноф”, „Вигор”, мастика, шток, повеќе видови ракија, како и пет полни и 13 празни туби и 56 пластични шишиња.Освен алкохолните пијалоци пронајдени се и одзмени разни разни видови предмети и документација, нотеси за лична евиденција на должници, персонални компјутери, факс машина, 206 офсет плочи, проѕирна фолија, 16.455 испечатени етикети за повеќе видови алкохолни пијалоци (узо„Тсантали”, Шток 84, Струмичка мастика), како и околу 12.800 отпечатени акцизни маркици со различни сериски броеви.Исто така, при претресите одземени се и три патнички возила користени од членовите на криминалната група од кои едно е користено за транспорт на нелегално произведените алкохолни пијалоци, а во останатите се пронајдени алкохони пијалоци и празна стаклена амбалажа за полнење со нелегално произведени алкохолни пијалоци.Во акцијата, во повеќе полициски станици во РМ, приведени се и задржани вкупно осум лица и запечатени се четири објекти (еден во Скопје и три во Куманово) во кои се пронајдени поголеми количини алкохолни пијалоци и во кои во текот на денешниот ден УЈП ќе изврши целосна финансиска контрола, како и контрола за акцизните маркици и етикетите, односно дали истите се оригинални и дали одговараат за пијалокот на кој се наоѓаат.Во понеделникот Одделот за Организиран криминал до Основното Јавно Обвинителство за гонење на сторители од областа на организираниот криминал и корупција, поднесе кривична пријава против Н.С.(31) од Скопје, сопственик на фирма СН-Компани САШО ДООЕЛ Скопје, неговиот брат С.Н.(26) од Скопје, вработен во фирмата СН Компани САШО ДООЕЛ Скопје, заради постоење основано сомнение дека сториле кривични дела ,,Злосторничко здружение“ по член 394 од КЗ на РМ, „Фалсификување на Исправа“ по член 378 од КЗ на РМ, „Недозволено производство“, по член 276 од КЗ на РМ и членовите 59 и 60 од Законот за Акцизи, М.П.(35) од Битола, сопственик на печатницата „ПОЛИГРАФИКА“-Битола заради постоење основано сомнение дека сторил кривични дела ,,Злосторничко здружение“ по член 394 од КЗ на РМ, ,,Фалсификување на знаци за одбележување на стоки, мери и тегови“ по член 272 од КЗ на РМ и „Недозволено производство“ по член 276 од КЗ на РМ, А.Д.(32) од Струмица заради постоење основано сомнение дека сторил кривични дела ,,Злосторничко здружение“ по член 394 од КЗ на РМ, „Недозволено производство“ по член 276 од КЗ на РМ и членовите 59 и 60 од Законот за Акцизи, како и С.Д.(47) од Штип.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.