Свет
Платнените маски можеби не штитат доволно од омикрон, сметаат експертите
Еднослојните платнени маски можеби нема да обезбедат соодветна заштита од високозаразниот сој омикрон, покажува неодамнешниот извештај на „Волстрит џурнал“.
Многу експерти за заразни болести забележале дека луѓето претпочитаат платнени маски бидејќи се поудобни и помодерни за употреба. Сепак, таквите маски може да блокираат само поголеми капки на Ковид-19, но не и помали аеросоли или честички, кои исто така може да го пренесат вирусот.
Американска клиника сега бара од сите пациенти и посетители да носат хируршки маски, маски Н95 или КН95, па ако некој се појави со еднослојна домашна платнена маска, ќе мора да стави маска со медицински квалитет. Хируршките маски го блокираат вирусот на Ковид-19 со нивните карактеристики на електростатско полнење, а маските Н95 имаат поцврста мрежа на влакна од хируршките или платнените маски, исто така со карактеристики на електростатско полнење, што овозможува маската да биде најефикасна во блокирањето на вдишените и издишаните честички.
Сепак, американскиот Центар за контрола и превенција на болестите сè уште препорачува маски Н95 само за здравствените работници советувајќи ги луѓето да носат платнени маски од два или повеќе слоја ткаенина што целосно ги покриваат лицето и устата прилепувајќи се за образот без празнини и исто така имаат жица на носот за да се спречи влез на воздухот од горниот дел на маската.
Но, Моника Ганди, специјалист за заразни болести на Универзитетот во Калифорнија, Сан Франциско, вели: „Без разлика дали некој носи платнени или хируршки маски, тоа нема да има ефект врз запирање на вирусот омикрон“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.