Спорт
Австралија му ја откажа визата на Ѓоковиќ, светскиот број 1 ќе биде депортиран!

Австралиската влада потврди дека му ја „откажува“ влезната виза на светскиот рекет број 1, Новак Ѓоковиќ на крајот на драматичен ден во Мелбурн, во кој Србинот заглави шест часа на аеродромот чекајќи влез за настап на првиот гренд слем од сезоната, кој почнува на 17 јануари.
Федералниот министер за здравство на Австралија, Грег Хант потврди дека на Ѓоковиќ нема да му биде дозволен влез во државата, иако тој претходно доби „медицинска дозвола“ од страна на организаторите на тенискиот турнир да настапи без да се вакцинира на КОВИД-19.
„Господинот Ѓоковиќ не успеа да достави доволно докази за да му биде дозволен влез во Австралија и затоа неговата виза е поништена“, изјави Хант за „Ченел севен“.
Иако Ѓоковиќ има право на жалба, ако таа не му биде усвоена тоа значи дека тој ќе биде депортиран од Австралија.
Ситуацијата со Ѓоковиќ предизвика и политичка криза во Австралија, каде што владата на премиерот Скот Морисон беше под притисок за одлуката да му дозволат влез на Ѓоковиќ да ја брка својата рекордна 21. титула во моменти кога токму Мелбурн ги преживеа можеби најстрогите мерки за корона вирусот.
BREAKING: Novak Djokovic denied entry into Australia after initially being granted a medical exemption for #AustralianOpen. He was issued a letter by the Australian government saying his visa had been denied and he would be deported, sources tell @Reuters https://t.co/gIRqfyD0vN pic.twitter.com/avpMVFR6QV
— Reuters (@Reuters) January 5, 2022
BREAKING: Novak Djokovic's visa has been revoked by the Australian government and a letter has been issued stating he will be deported, according to a Reuters source.https://t.co/iOm40vn1kt
? Sky 501, Virgin 602, Freeview 233 and YouTube pic.twitter.com/sToTdESbah
— Sky News (@SkyNews) January 5, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Катастрофа за шампионите на НБА, Тејтум ја завршува сезоната по сериозна повреда

Џејсон Тејтум, ѕвездата на Бостон Селтикс, ја заврши сезоната, потврди новинарот на ESPN, Шамс Чаранија на X. Тејтум беше подложен на операција откако ја скина десната Ахилова тетива во синоќешниот натпревар против Њујорк Никс.
Поради катастрофалната повреда тој ја заврши сезоната и сега се соочува со долга рехабилитација.
Тејтум претрпе сериозна повреда на долниот дел од десната нога во понеделник вечерта за време на четвртиот натпревар од полуфиналето на Источната конференција против Њујорк Никс. Инцидентот се случи кон крајот на натпреварот, кога Тејтум се обиде да стигне до топка, а ногата му попушти без да стапи во контакт со противникот. Тој лежеше на подот во голема болка, а потоа беше изнесен од Медисон Сквер Гарден во инвалидска количка во солзи.
Според Чаранија, Селтикс веќе го очекуваа најлошото, а тренерот Џо Мацула потврди дека Тејтум ќе се подложи на итна магнетна резонанца во Њујорк. Тејтум беше најдобриот играч на Селтикс во времето на повредата, со 42 поени, осум скока, четири асистенции, четири украдени топки и две блокади.
Во плејофот оваа година, тој имаше просек од 26,1 поен и 12 скока по натпревар, а Селтикс се потпираа на него како лидер и главен столб на играта. Неговата повреда дојде во најлош можен момент, бидејќи Бостон, по поразот од Никс, губи со 3-1 во серијата и мора да ги добие сите три преостанати натпревари за да стигне до финалето на конференцијата.
Тејтум е легенда на Селтикс, клуб во кој е осум години, од почетокот на неговата кариера. Минатата сезона, тој ги предводеше Селтикс до најдобри 64 победи во регуларната сезона, а потоа и до титулата во НБА. Тој се појави во последните шест Ол-стар натпревари и освои златни медали на Олимписките игри во 2020 и 2024 година.
Тејтум е познат по својата одлична игра во плејофот. Откако се приклучи на Селтикс, никој не одиграл повеќе минути, поени и победи во плејофот од него. Тој го држи рекордот за најмногу поени во еден натпревар (51). Минатото лето, тој потпиша петгодишно продолжување на договорот со Селтикс во вредност од 314 милиони долари. Тоа е највредниот договор во историјата на НБА.
Спорт
Петкратен олимписки шампион: Бев зависник, поголемиот дел од времето бев под дејство на дрога

Поранешниот победник на Тур де Франс и петкратен олимписки шампион во велосипедизам, Британецот Бредли Вигинс (45), призна во интервју за „Обсервер“ дека бил зависен од кокаин со години по завршувањето на кариерата.
„Беше тоа многу кокаин. Имав навистина голем проблем. Бев функционален зависник. Луѓето не би го разбрале тоа. Бев под дејство на дрога поголемиот дел од времето. Одев по јаже. Сфатив дека имам огромен проблем. Морав да престанам. Имам среќа што сум тука“, рече тој.
Вигинс, татко на две деца, сега е „чист“ веќе 12 месеци, редовно посетува терапија и се чувствува многу помирно со себе.
„Имаше моменти кога мојот син мислеше дека ќе ме најдат мртов наутро“, додаде тој.
Вигинс откри како колегата велосипедист Ленс Армстронг му помогнал во закрепнувањето.
„Мојот син многу разговараше со него“, рече Вигинс за Армстронг, кој во 2013 година призна дека користел допинг со години и му беше забрането да се натпреварува доживотно.
Вигинс стана првиот Британец што го освои престижниот Тур де Франс во 2012 година и се истакна на Олимписките игри помеѓу 2004 и 2016 година, освојувајќи пет златни медали, еден сребрен и два бронзени.
Откако заврши неговата кариера во 2016 година, тој се заглави во лични проблеми, долгови и зависност од дрога. „Драго ми е што сум тука со вас денес. Со години сум жртва на моите лоши одлуки“, рече Вигинс.
Спорт
Трансферот на Арнолд во Реал, сепак, нема да биде бесплатен, Ливерпул бара посебна компензација

Трент Александeр-Арнолд официјално минатата недела објави дека го напушта Ливерпул, клубот каде што ја помина целата своја кариера.
Веста означува крај на една ера за 26-годишниот десен бек, кој пристигна во Ливерпул како шестгодишно дете и оттогаш прерасна во еден од најважните играчи и симболи на клубот. Во емотивното збогување, тој нагласи дека ги исполнил сите свои соништа на Енфилд, им се заблагодари на навивачите и на клубот и нагласи дека по 20 години е време за нов предизвик.
Според информациите објавени од Скај Спорт и бројни светски медиуми, Александер-Арнолд се сели во Реал Мадрид. Тој ја отфрли великодушната понуда на Ливерпул за продолжување на договорот, што би го сместило меѓу најплатените дефанзивци во светот, одлучувајќи се за трансфер во шпанската престолнина каде што ќе потпише петгодишен договор.
Иако сите првични информации сугерираа дека неговиот трансфер во Реал ќе биде целосно без отштета со оглед на тоа што неговиот договор истекува, се чини дека тоа нема да биде случај. Имено, Реал навистина сака Александер-Арнолд да игра на Светското клупско првенство, кое се одржува од 14 јуни до 13 јули.
Со оглед на тоа што неговиот договор со Ливерпул не истекува до 1 јули, тој би можел да му се придружи на Реал само половина од турнирот, но прашање е дали шпанскиот клуб воопшто би можел да го регистрира во тимот за гореспоменатото натпреварување.
Според ESPN, Ливерпул бара отштета од околу еден милион евра за да му дозволи на Арнолд да игра за Реал на Светското клупско првенство. Мадридскиот тим е во група таму со саудискиот Ал Хилал, мексиканскиот Пачука и РБ Салцбург.