Црна хроника
Уште едно куче застрелано со ловечка пушка
Нов случај на застрелано куче бил пријавен во полицијата.
Настанот се случил во Македонска Каменица, каде вчера С.Н.(45) од овој град со ловечка пушка застрелал куче кое било миленик на неговото семесјтво.
Од МВР велат дека извршен e увид на местото на настанот, а полициски службеници од С.Н. одзеле ловечка пушка „баикал 12 Н-43“ и дозволата за оружје.
„По целосното документирање на случајот, против С.Н. ќе биде поднесен соодветен поднесок“, велат од полицијата.
И пред два дена во Кочани маж усмрти куче со ловечка пушка, во дворот од неговата викенд куќа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
125 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 125 мерки, меѓу кои 16 мерки за возење без возачка дозвола, седум санкции за минување на затворен сигнал – црвено светло, четири мерки за користење на мобилен телефон при возење, три санкции за некористење на сигурносен појас.
Сообраќајните контроли продолжуваат и во наредните денови, велат од МВР.
Црна хроника
Жена физички нападната од возачот на автобус на ЈСП
Вчера во 17.15 часот во СВР Скопје, С.Б.(60) од Скопје пријавила дека околу 10.20 часот на автобуска постојка на Транспортен центар-Скопје била физички нападната од едно лице – возач на автобус на ЈСП.
Се преземаат мерки за расчистување на случајот.
Црна хроника
Импровизиран кревет и забоден кујнски нож нашла Кацарска пред гаражата – заканите се пријвени во МВР
Претседателката на Уставниот суд, Добрила Кацарска, пријавила во МВР дека добила закани за својот живот.
Од полицијата информираа дека случајот бил пријавен во текот на вчерашниот ден.
„Од страна на Д. К. било пријавено дека на подрачјето на Центар во подземни гаражи, пред нејзиното гаражно место, биле пронајдени импровизиран кревет и кујнски нож, кој бил забоден на прекинувачот за светло“, велат од МВР.
За случајот известен е јавен обвинител, предметите се подигнати за вештачење и се преземаат мерки за расчистување на случајот.