Црна хроника
Триесетдневен притвор за осомничениот за убиството во Охрид
Истражен судија од Основниот суд во Охрид синоќа му одреди мерка притвор во траење до 30 дена на Живко Ангелески (34) од Охрид
Таквата мерка судијата ја изрече постапувајќи по кривичнната пријава што против Живко ја покрена Секторот за внатрешни работи од Охрид, поради основано сомнение дека е извршител на делото „убиство на свиреп начин“, односно дека тој е убиецот на неговиот три години помлад брат Александар.Телото на сега покојниот Александар Ангелески (31) од Охрид во четврток попладнето беше пронајдено од случаен минувач покрај патот што води кон селото Велестово. Увидот на лице место извршен од страна на вешти лица на крим-техника од СВР – Охрид и на МВР што заврши вчера, покажа оти телото на убиениот било масакрирано, односно во делови расфрлано на неколку места од двете страни на патот.Според првичните официјални наоди од спроведената истрага, Александар бил убиен во неговата семејна куќа, каде полицијата пронашла материјални докази кои укажуваат дека неговиот брат, првоосомничениот Живко е извршител на убиството. Инаку, во полициската станица во Охрид на информативен разговор биле повикани и мајката и снаата на убиениот, под сомнение за евентуална нивна вмешаност во злосторството.Полицијата поседува сознанија за одредени несогласувања меѓу браќата, но се уште не е утврден мотивот за убиството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.