Македонија
Филипче: Продолжувам да работам во интерес на пациентите и здравствените работници
Досегашниот министер за здравство, Венко Филипче, го сумира своето работење во изминатите четири години.
„Ми беше чест и задоволство во изминатите 4 години да ви служам. Заедно поминавме многу во историски најтешкиот период за македонското здравство. Поддршката што ја добивавме јас и моите колеги ни даваше сила да продолжиме напред и да ја водиме битка со пандемијата. Одново да се бориме за секој живот и да се грижиме за здравјето на секој пациент. Но, и покрај сите предизивици со глобалната ковид-криза, успеавме да направиме темелни промени во здравството и да реализираме инвестиции со навистина се гордеам. Ги вративме достоинството и мотивацијата на здравствените работници со покачување на платите како никогаш порано. Тие сега земаат повисоки плати од 25 до 40 %, а специјализантите првпат се платени додека специјализираат. Верувам дека новата Влада ќе продолжи да ги покачува платите бидејќи здравствените работници тоа го заслужуваат. Се грижевме за сите пациенти еднакво, како и за оние што порано беа игнорирани и заборавани. Обезбедивме лекови за пациентите со ретки болести. Нема ниеден пациент без достапен лек затоа што секој човек е важен, а воспоставивме и регистар за ретки болести. Нашата земја, конечно, нема лекови од паралелен увоз, ги укинавме и квотите и сега сите лекови се квалитетни и достапни во секое време. Дијабетичарите имаат, конечно, достапен врвен инсулин, а за децата со дијабетес обезбедивме средства за набавка на безболни апарати за мерење гликемија. И покрај економската криза, инвестициите во здравството не запреа. За четири години, реновиравме и изградивме здравствени капацитети повеќе од кога било во минатото. Реновирани се 50 здравствени установи, клиники и хируршки сали, кои се опремени според највисоки светски стандарди. Отворени се нови центри и оддели во рамките на болниците и пациентите сега ги добиваат услугите онаму каде што живеат. Набавивме медицинска опрема која овозможува операциите, за кои порано пациентите одеа во странство, сега да ги правиме дома. Набавивме најсовремени апарати, 9 компјутерски томографи и 7 магнетни резонанции. Ова претставува најголемо вложување во клучна апаратура во историјата на нашето здравство. Особено се гордеам на вложувањето во здравјето на нашите најмили – децата. Со нова апаратура според светски стандарди, но и посветеност и личен развој на колегите од Гинекологија, успеавме да ја намалиме новороденечката смртност трипати. Малите борци што се раѓаат порано сега имаат врвна нега и светски услови за раст и развој.
Пандемијата донесе многу неизвесност и тага оставајќи трајни последици и промени во нашите животи. Но, овој период ќе го паметиме и по убави нешта. Во екот на пандемијата ја изведовме првата успешна трансплантација на срце, а потоа изведовме уште 5, со што е направен историски чекор во македонската кардиологија. Првпат направивме и трансплантација на коскена срцевина од несроден донор, што е уште еден голем дострел на македонското здравство. Се гордеам на сите посветени колеги што почнаа да применуваат нови методи на работа и изведуваат најсовремени операции. Имаме нови методи за лекување пациенти со мозочно крвавење, нов третман на епилепсија и нови неинвазивни методи за лекување на Кардиохирургија.
На крајот на мојот ангажман како министер за здравство сакам јавно да им се заблагодарам на моите колеги – здравствените работници. Нивната пожртвуваност и посветеност заслужуваат најголема почит, а јас и понатаму ќе продолжам да се борам за нивните права и достоинствен третман од страна на државата. Ви се заблагодарувам уште еднаш на сите што ги препознавте посветеноста и трудот со кои работев, но и на оние што добронамерно ме критикуваа и советуваа. Заминувам од позицијата министер горд на сработеното знаејќи дека сѐ што направивме, секоја одлука што ја донесовме, ја носевме исклучиво во интерес на здравјето и заштита на граѓаните. Со оваа мисија продолжувам да работам и понатаму. Ви благодарам“, порача Филипче.
Синоќа, во Собранието беше изгласан новиот состав на Владата на чело со премиерот Димитар Ковачевски. Нов министер за здравство е Беким Сали од редовите на Алтернативата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Гаши на средба со Ердоган: разменети мислења за унапредување на соработката и за актуелните случувања во регионот и пошироко
Претседателот на Собранието на Република Северна Македонија, Африм Гаши, во придружба на пратениците: Бејџан Иљас, претседател на пратеничката група за соработка со Парламентот на Република Туркије, Никола Мицевски, Оливер Спасовски, Мерита Колчи Коџаџуку и Беким Сали, од 2 до 5 октомври 2024 година претстојува во официјалната посета на Република Туркије, на покана од Нуман Куртулмуш, претседател на Големото национално собрание на Туркије, известуваат од кабинетот на Гаши.
Во рамките на посетата, претседателот на Собранието на Република Северна Македонија, Африм Гаши, оствари средба со претседателот на Република Туркије,Реџеп Тајип Ердоган, на која присуствуваше и претседателот на големото национално собрание на Туркије, Нуман Куртулшуш, како и претседателите на парламентарните групи за соработка и пријателство од двете собранија, пратениците Бејџан Илјаз и Ахмет Килич.
На средбата беа разменети мислења за унапредување на одличната соработка меѓу Република Северна Македонија и Република Туркије, за состојбите во двете држави и за актуелните случувања во регионот и пошироко.
Гаши оствари средба и со министерот за надворешни работи Хакан Фидан, по што се одржа и заедничка средба со пратениците членови на Делегацијата.
Гаши истакната дека средбата претставува можност Република Северна Македонија и Република Туркије да ја зајакнат долгогодишнатаактивна и успешна соработка. Тој оцени дека неодамнешната посета на министерот Фидан на Република Северна Македонија, како и неговата посета на Туркије, се потврда за високото ниво на билатерални односи меѓу двете традиционално пријателски земји и НАТО-сојузници.
Гаши нагласи дека високо ја вреднуваме успешната соработка со Република Туркије во сите полиња и изрази голема благодарност до Туркије, која од самиот почеток беше принципиелен подржувач на нашето членство во НАТО.
Министерот Хакан Фидан ја потврди безрезервната поддршка на Туркије за Северна Македонија на сите полиња и се осврна на потребата за интензивирање на соработката во полето на економијата, реафирмирајќи ја заложбата за зголемување на трговската размена меѓу двете земји.
На средбата беше нагласено значењето на меѓупарламентарната соработка и парламентарната дипломатија за билатералните и мултилатералните односи, во однос на унапредувањето на политичкиот дијалог и зголемувањето на динамиката на севкупната соработка меѓу земјите.
Гаши и пратениците остварија средба и со Ерол Озвар, претседател на Советот за високо образование на Туркије и членови на Советот. На средбата, високата собраниска делегација беше информирана за активностите на ова тело во насока на стратешко планирање на високото образование, координација меѓу универзитетите и воспоставување и одржување механизми за обезбедување квалитетно високо образование. Стана збор и за можностите за унапредување на соработката меѓу Република Северна Македонија и Република Туркије на полето на високото образование, соопшти кабинетот на Гаши.
Македонија
(Видео) ЦУК: Гасењето на пожарот во скопски Чаир се одвива отежнато, се вклучува и специјално противпожарно возило на Армијата
Гасењето на пожарот во скопски Чаир се одвива отежнато поради големата количина на чад и високата температура во подрумите во кои била складирана поголема количина на запаливи материјали, информираат од Центарот за управување со кризи.
Дополнително како помош на скопските пожарникари ќе пристигне специјално противпожарно возило на Армијата, појаснуваат од центарот.
„БППЗ на Град Скопје од 01.50 часот гасне запален магацин на неутврдена површина на ул. „Прохор Пчински“ во Скопје. Интервенцијата ја извршува со 7 возила и 20 пожарникари. На лице место освен единици од БППЗ кои го гасат пожарот се и полиција и Итна медицинска помош. Според утринскиот службен извештај од БППЗ, еден пожарникар бил однесен на токсикологија поради големо количество вдишан чад (Општина Чаир)“, соопшти ЦУК.
Македонија
Ахмети не сака да влезе во Влада: Не сме резервна гума
Првиот човек на ДУИ, Али Ахмети, денеска на конференцијата „100 дена скандали, понижувања и неуспеси“, изјави дека Европскиот фронт не е заинтересиран да стане дел од Владата, бидејќи, како што додаде, тие не се резервна гума.
Ахмети рече дека Европскиот фронт е легитимен претставник на Албанците и помалите етнички заедници, додавајќи дека ВЛЕН не победи на изборите.
„Ние сме легитимните претставници на Албанците, тие не победија на изборите“, рече првиот човек на ДУИ, Али Ахмети.