Македонија
Бугарија го прифати краткото име Северна Македонија, кое претходно го оспоруваше
Бугарија прифатила да го користи краткото име Северна Македонија, кое претходно го оспоруваше. Премиерот Димитар Ковачевски вели дека ова е голем чекор за двете држави, особено во делот на соработката.
„Македонците и Бугарите се многу блиски братски народи. Затоа влегуваме во решавање на отворените прашања за нова иднина. Договоривме Бугарија дека прифаќа да го користи името Северна Македонија, тоа значи дека Бугарија нема да го кочи билатералното име. Северна Македонија преку надворешни работи испрати вербална нота до ОН, во која изречно се потврдува дека тие се еднакво валидни“, рече Ковачевски.
Македонскиот премиер рече дека ќе се финализира и договорот за прекугранична соработка. Тоа значи дека ќе се отвори и граничниот премин Клепало, кој би овозможил и подобар туризам и бизнис-соработки.
„Двајцата се заложивме да продолжи соработката. Секоја седница од сега натаму ќе се среќава по една од групите со јасни цели и резултати за да им се покаже на двата народа дека доброседството има и реални резултати, со соработки, со патување од Софија до Скопје за 20 минути“, рече Петков.
И Ковачевски посочи дека ќе се гради доверба меѓу Македонците и Бугарија.
„Ќе има работни групи за градење односи што ќе значат попросперитетна иднина. Сакам да се заблагодарам што веднаш по изборот на новата Влада и мојот избор, го одржа ветувањето да биде првиот што ќе дојде како гостин во Северна Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски до пензионерите: Уживајте во зголемените пензии од 2.500 денари
Пензионерите утре ќе добијат повисоки пензии за 2.500 денари. Зголемувањето е линеарно, што значи дека сите пензии ќе се покачат за истиот износ.
Второто линеарно покачување од плус 2 и пол илјади денари пензионерите ќе го добијат во март следната година.
Премиерот Христијан Мицкоски вечерва преку видео обраќање на пензионерите им порача да уживаат во повисоките пензии кои од утре ќе се најдат на нивните сметки.
Македонија
До овој момент нема наши државјани кои се обратиле за помош или евакуација од Либан, соопшти МНР
До овој момент, нема македонски државјани кои се обратиле за помош или евакуација од Либан, соопштија од Министерството за надворешни работи и надворешна трговија.
-Поради влошенета безбедносна ситуација во Либан, Министерството за надворешни работи и надворешна трговија на Северна Македонија во неколку наврати ги повика сите наши државјани кои се наоѓаат во оваа држава, да ја напуштат во прва можна прилика и апелираше да се одложат сите патувања кон оваа држава, кои не се неопходни, рекоа од Министерството.
Денеска силен чад се издига над хоризонтот на јужен Либан откако израелските трупи го нападнаа јужниот град Сидон, на околу 45 километри јужно од Бејрут каде што загинаа најмалку 32 лица, соопштија либанските власти, додека во провинцијата Баалбек Хермел загина 21 лице, а најмалку 47 се ранети.
Според либанското Министерство за здравство во последните израелски напади загинале повеќе од 100 луѓе, додека бројот на жртвите во изминатите две недели се искачи на над 1.000, а околу 600 се повредени.
Македонија
Мицкоски на средба со СОНК: Стандардот на вработените ќе го подобруваме преку заеднички дијалог и мерки што ќе дадат резултати
Претседателот на Владата, Христијан Мицкоски заедно со министрите за финансии Гордана Димитриеска Кочоска, образование и наука Весна Јаневска и економија и труд Бесар Дурмиши остварија средба со раководството на Самостојниот синдикат за образование, наука и култура – СОНК.
На средбата се разговараше за унапредување на работничките права, состојбата во образованието, науката и културата, колективните договори како и состојбата со платите и нашата тенденција тие да растат согласно реалните можности на економијата.
„Стандардот на вработените ќе го подобруваме преку заеднички дијалог и мерки кои ќе дадат резултати. Разговараме за сет одлуки и системски мерки кои ќе бидат одржливи на долг рок. Следуваат добри одлуки“, истакна премиерот Мицкоски.