Спорт
Холанѓаните го сакаат Пеп за селектор, да ја продолжи традицијата на Кројф
Пеп Гвардиола ќе добие понуда да стане селектор на Холандија кога ќе реши да си замине од Манчестер сити, за да може да ја продолжи традицијата на неговиот ментор, големиот Јохан Кројф, тврди „Сандеј мирор“.
51-годишниот Гвардиола има договор со клубот од „Етихад“ до 2023 година и неодамна изјави дека нема шанси да го „предаде“ Сити со потпис за некој друг премиерлигаш, а честопати најавуваше дека селекторската работа го привлекува. Со него, Сити освоија три премиерлигашки титули, четири Лига купа и еден ФА куп, а лани играа и во финалето на Лигата на шампионите.
Шансата да стане селектор на земјата на неговиот ментор Јохан Кројф може да биде неоддолива за Каталонецот, откако токму „тоталниот фудбал“ на Холандија од 1970-тите е главна инспирација на неговата работа. Кројф го внесе Гвардиола од младинскиот тим на Барселона за да стане дел од славниот тим кој ја освои првата титула од ЛШ во 192 година.
„Не знаев ништо за фудбалот пред да го запознаам Кројф“, изјави одамна Гвардиола.
Во моментов, холандски селектор е Луис ван Гал, кој се врати од пензија за да ги предводи Холанѓаните до место на Светското првенство во Катар оваа година.
Јохан Кројф и финалето од 1992 – моментот кој го смени модерниот фудбал (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.