Свет
Греј: Некои собири во Даунинг стрит е тешко да се оправдаат
Некои собири во канцеларијата и резиденцијата на британскиот премиер Борис Џонсон за време на карантинот не требало да се случат, се наведува во истрагата на високиот државен службеник Сју Греј.
Таа во истрагата за собирите во Даунинг стрит изјавила дека некои од нив тешко се оправдуваат. Делови од извештајот не се објавени поради тековната полициска истрага, која може да трае со месеци.
„Некои од митинзите се сериозен пропуст кога станува збор не само за почитување на високите стандарди што се очекуваат од оние кои работат во срцето на владата, туку и за стандардите што се очекуваат од целото британско население во тоа време“, напиша Греј.
Според неа, и прекумерното консумирање алкохол во Даунинг стрит не е соодветно.
Во контекст на пандемијата, кога владата побара од граѓаните да прифатат далекусежни ограничувања во нивните животи, тешко е да се оправда однесувањето на тие собири, се вели во извештајот.
Од Греј беше побарано да го истражи одржувањето на повеќе од десетина собири, вклучително и забавата „донеси си пијалак“ во градината Даунинг стрит, која се одржа во време кога милиони Британци со месеци беа одвоени од пријателите и роднините поради ограничувањата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.