Свет
(Видео) Сорос ја спореди Кина со нацистичка Германија
Основачот на Фондацијата „Отворено општество“, милијардерот Џорџ Сорос, повика на смена на кинескиот претседател Шји Џјинпинг.
Тој дури ги спореди претстојните Зимски олимписки игри во Пекинг во 2022 година со Олимписките игри во 1936 година во нацистичка Германија, објави „Спутник“.
Сорос ја нарече Кина најмоќната авторитарна држава во светот и најголема закана со која се соочуваат отворените општества денес.
Сорос тврди дека Кина, како и Германија во 1936 година, ќе се обиде да го искористи спектаклот на претстојните Олимписки игри во Пекинг за да постигне пропагандна победа на својот систем на строга контрола.
China’s Xi Jinping is the greatest threat that open societies face today. The country’s roiling real estate market, falling population, and fast-spreading omicron variant might be his undoing, all during his prestige project of the Winter Olympics. https://t.co/1Pf0XEy29M pic.twitter.com/WMyWpPKg0y
— George Soros (@georgesoros) January 31, 2022
Тој исто така го нарече Шји вистински верник во комунизмот за разлика од поранешниот кинески лидер Денг Шјијаопинг, кој воведе реформи на слободниот пазар и предупреди дека Мао Ѕе Дунг и Владимир Ленин се негови идоли.
Сорос го заврши својот говор во институцијата „Хувер“ со повик за промена на режимот во Кина. Тој изјави дека се надева оти Џјинпинг може да биде заменет со некој што ќе биде помалку репресивен.
„Ова ќе ја отстрани најголемата закана со која се соочуваат отворените општества денес и тие треба да направат сѐ што е во нивна моќ за да ја поттикнат Кина да се движи во посакуваната насока“, рече Сорос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Редакцијата на „Њујорк тајмс“ јавно ја поддржа Камала: „Таа е единствениот избор“
Уредничкиот одбот на „Њујорк Тајмс“ ја поддржа Камала Харис, нарекувајќи ја единствениот патриотски избор за претседател.
Наместо да ги наведе позитивните аспекти на Камала Харис, уводникот се фокусираше на набројување на она што го смета за дисквалификувачки аргументи против Трамп.
„Тешко е да се замисли кандидат кој е понедостоен да ја извршува функцијата претседател на Соединетите држави“, пишува во едиторијалот за Трамп.
„Оваа недвосмислена, обесхрабрувачка вистина – Доналд Трамп не е соодветен за функцијата претседател – треба да биде доволна за секој гласач кој се грижи за здравјето на нашата земја и стабилноста на нашата демократија да го оневозможи реизборот“, се вели во соопштението за печатот, потпишано од 14 новинари.
„Поради оваа причина, без оглед на политичките несогласувања што гласачите може да ги имаат со неа, Камала Харис е единствениот патриотски избор за претседател“, се додава.
Одлуката за поддршка на Харис не е изненадувачка. Редакцискиот одбор не одобрил републиканец за претседател уште од Двајт Ајзенхауер во 1956 година.
Во јули, 10 дена пред претседателот Џо Бајден да се откаже од трката, уредничкиот одбор објави остра критика во пет дела за Трамп.
Весникот ја нарекува Харис „посветен јавен службеник“ кој е „повеќе од неопходна алтернатива“. Тврдат дека нејзините планови за економијата, здравството, надворешната политика и имиграцијата се причина да ја изберат на претседателските избори во ноември.
Признаваат дека некои од тие планови не се толку детални колку што би сакале гласачите, но повторуваат дека опасноста е многу поголема од вториот мандат на Трамп. Тие посочуваат дека Трамп најавил дека ќе ја искористи владата за да ги нападне своите политички непријатели.
„Ако американските гласачи не му се спротивстават, Трамп ќе има моќ да предизвика длабока и трајна штета на нашата демократија“, предвидува уредникот, заклучувајќи дека Камала Харис е единствениот избор.
Свет
Крадци со автомобил влетаа во Луј Витон во центарот на Париз, украдоа се’ за четири минути
Четворица разбојници денеска околу 4 часот и 30 минути упаднале во продавницата на Луј Витон во центарот на Париз и за неколку минути украле повеќе од 100 предмети, јавуваат француските медиуми.
Разбојниците влегле во продавницата со автомобил возејќи во рикверц. Во рок од четири минути, според полициски извори, тие украле голем дел од робата на продавницата, вклучувајќи и повеќе од 100 луксузни предмети. Полициски извор наведува дека засега штетата се проценува на 900.000 евра.
Le magasin #LouisVuitton de Saint Germain des Près s’est fait défoncer sa grille cette nuit et voler tout le magasin pic.twitter.com/3M3gs3M6pg
— phobo74 (@phobo74) September 30, 2024
По грабежот побегнале, а полицијата трага по нив.
Француските медиуми пишуваат и дека има видео од надзорните камери кои потврдуваат дека провалниците биле во продавницата само четири минути.
Свет
Силен земјотрес во Русија
Земјотрес со јачина од 6,3 степени според Рихтеровата скала денеска ја погоди областа во близина на источниот брег на руската област Камчатка, соопшти Германскиот истражувачки центар за геонауки (ГФЗ).
Земјотресот се случил на длабочина од 10 километри, соопшти ГФЗ, пренесе „Ројтерс“.
Засега нема информации за евентуални жртви или причинета материјална штета.