Македонија
Грковска – Дуџак: Политиките на добро владеење се основа за дигитализацијата и долгорочните реформи
Заменичката на претседателот на Владата задолжена за политики за добро владеење, Славица Грковска, денеска оствари средба со Росана Дуџак, постојана координаторка на Обединетите nации (ОН) во земјава.
Дуџак на вицепремиерката Грковска ѝ го честиташе стапувањето на новата должност и ѝ посака успешен мандат истакнувајќи дека поддршката од ОН останува како континуитет во спроведување на планираните реформи.
Вицепремиерката Грковска го изрази своето задоволство од досегашната извонредна соработка со различните агенции на ОН и реализација на програмите од интерес на нашето опшстество.
Грковска ја искористи можноста да ги информира за активностите што кабинетот ги презема и за идните планови кои се во насока на стратешката определба и посветеност на Владата за креирање политики за добро владеење во државата кои треба да бидат основа за дигитализација на процесите и овозможување ефикасно и транспарентно функционирање на институциите.
Грковска и Дуџак се согласија за извонредното значење на доброто владеење, што е еден од столбовите на интерес на ОН, имајќи предвид дека најмалку десет агенции на ОН го имаат како фокус на активностите и изразија подготвеност за интензивирање на соработката во овој правец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево време со температури до 27 степени и можност за локален дожд
Времето денеска ќе биде сончево со мала до умерена облачност. Од пладневните часови во западните делови ќе има услови за локален дожд. Ќе дува слаб до умерен ветер од северен правец. Минималната температура ќе биде во интервал од 7 до 15, а максималната ќе достигне од 20 до 27 степени.
Во Скопје времето ќе биде сончево со мала до умерена облачност и со слаб ветер од северен правец. Минималната температура ќе се спушти до 14, а максималната ќе достигне до 26 степени.
Од УХМР информираат дека утре претежно во западните делови од земјата ќе има појава на краткотраен дожд. Потоа времето ќе биде сончево со мала до умерена облачност. Дневната температура ќе биде во постепен благ пораст.
Македонија
Невреме во Тетово: Поплавени улици, домови, гаражи
Силно невреме го зафати Тетово, поплавени се улици, домови, гаражи.
Невреме со силни врнежи од дожд, град и грмотевици попладнево ја зафати Општина Тетово и околината.
„Врнежите предизвикаа поплавување на дел од улиците, посебно кај касарната на влезот на Тетово и на неколку куќи во Мала Речица-Општина Тетово“, информира вечерва Регионалниот центар за управување со кризи (РЦУК) Тетово.
За невремето известени се и ТППЕ-Тетово, ЈКП-Тетово и одговорни лица во Општина Тетово.
Македонија
Митева: Состојбата во односите со Бугарија е последица на погрешните политики на СДС
„Ситуацијата не е настаната од вчера за денес. Не зборуваме ние за состојба која била совршена до вчера, а од денес не е совршена. Зборуваме за причинско последични состојби и дека состојбата во која сме дојдени е резултат на погрешно преземани политики на СДС”, истакна портпаролката, пратеничка и членка на ИК на ВМРО-ДПМНЕ Марија Митева.
Митева продолжи и додаде:
„Во делот на тоа што се случува помеѓу Бугарија и Македонија е состојба која ја предизвика СДС со погрешните политики”, вели Митева Митева истакна дека состојбите кои ги креира СДС се тотално погрешни.
„Состојбите кои ги креира СДС од позиција на опозиција се тотално погрешни и користи политика за дневно политички поени без никаква суштина”, кажа Митева.
Митева истакна дека за разлика од СДС, ВМРО-ДПМНЕ е многу посветена.
„За разлика од СДС, ВМРО-ДПМНЕ е многу посветено и ќе ја оправда довербата која на 8-ми мај ја доби од граѓаните”, заклучи Митева.