Црна хроника
Приведен 26-годишен скопјанец, кој крадел во Аеродром и Драчево
Полицијата приведе 26-годишен скопјанец, кој признал дека извршил неколку кражби на територијата на Аеродром и Драчево.
Според информациите, А. С. бил уапсен на 15.2.2022 околу 16 часот затоа што бил затекнат при извршување кражба во една просторија на Клиниката за стоматологија во комплексот клиники „Мајка Тереза“ по што бил приведен во полициска станица. Во службен разговор со полициски службеници тој признал уште три дела за кои бил осомничен. На 14.2.2022, на улицата Ѓорѓи Капчев, одзел патничко возило „шкода октавија“, со скопски регистарски ознаки, сопственост на Д. И. (29) од Скопје. Истиот ден (14.2.2022) на улицата Методија Шаторов-Шарло одзел предмети од возило „фолксваген лупо“, со скопски регистарски ознаки, сопственост на М. Д. (27) од Скопје. А на 15.2.2022 на булеварот Видое Смилевски-Бато извршил тешка кражба од лицето Р. Л. (27) од Скопје.
По целосно документирање на случаите, против него ќе бидат поднесени соодветни пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.