Црна хроника
На Блаце запленет килограм хероин
На граничниот премин Блаце во саботата бил спречен обид за венсување на килограм хероин, информираат од македонската Царинска управа
Дрогата била откриена во саботата попладне во автобус во сопственост на фирма од Струга, кој сообраќал на редовна линија Приштина – Блаце – Скопје – Струга, кој го управувал скопјанец. Хероинот бил пронајден при рутинска контрола на внатрешноста на автобусот, кога на под меѓу две седишта биле најдени две пакетчиња со прашкаста содржини со вкупна тежина од околу 1.015 грама. Осомничените биле приведени од страна на царински инспектори од одделението за истраги а одземената материја по првичното тестирање е идентификувана како хероин. Во неделата непознатата прашкаста материја повторно биал испитана во Министерството за надворешни од Одделот за криминалистичка техника, од каде биле потврдени првичните сомневања и било утврдено дека хероинот тежи точно 980 грама. Со осомничените лица извршен е службен разговор и по утврдување на фактичката состојба и собирање на доказниот материјал, до Основното Јавно Обвинителство Скопје, поднесена е кривична пријава против еден македонскин и еден косовски државјанин, поради постоење на основано сомнение дека сториле кривично дело „Неовластено производство и пуштање во промет на наркотични дроги, психотропни супстанци и прекурсори“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.