Свет
Изградба на воени бази, руско државјанство – што предвидува договорот помеѓу Русија и самопрогласените републики
Според текстот на договорот за пријателство, соработка и заемна помош меѓу Русија и самопрогласените народни републики Донецк и Луганск, заштитата на границите на ДНР и ЛНР ќе се врши со заеднички напори засновани на сопствената безбедност, мир и стабилност.
За тоа прашање ќе биде склучен посебен договор, се наведува во документот, што го пренесува агенцијата ТАСС.
Договорите, исто така, предвидуваат дека секоја страна ќе ѝ даде право на другата да гради и користи воени бази и објекти на своите вооружени сили на нејзина територија.
Договорите предвидуваат заштита на етничкиот, јазичниот, културниот и верскиот идентитет на националните малцинства. Граѓаните на Донецк и Луганск ќе можат да имаат руско државјанство под услови утврдени со закон, а страните ќе склучат дополнителни договори со цел да се реши прашањето за двојното државјанство.
Се утврдува дека документите издадени од државните органи и органите на локалната самоуправа на другата договорна страна се признаваат на територијата на секоја од договорните страни.
Според договорите, Русија ќе преземе ефективни мерки за поддршка и функционирање на финансиските и банкарските системи на самопрогласените ДНР и ЛНР, почнувајќи од фактот дека легално платежно средство на нивната територија е руската рубља.
Дополнително, според документите, договорните страни се обврзуваат да обезбедат поволни економски, финансиски и правни услови за претприемнички и други економски активности, вклучително и промоција и заемна заштита на инвестициите, како и поттикнување на различни форми на соработка и директни врски меѓу граѓаните.
Договорите со самопрогласените републики во Донбас предвидуваат и дополнителни мерки за обединување на енергетските, транспортните и телекомуникациските системи. Дополнително, страните во договорите имаат намера да преземат мерки за унифицирање на граѓанското и даночното законодавство, како и во областа на пензиското осигурување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.