На повеќе локации во скопската општина Ѓорче Петров во саботата беа спроведeни акции за чистење отпад кој беше собиран во големи контејнери за одлагање на кабаст отпад.

Во акцијата беа вклучени месните и урбани заедници, градинката, основните училишта од општината, општинската администрација и јавните претпријатија „Комунална хигиена“ и „Паркови и зеленило“.

Акцијата со масовна излезеност се одвиваше според изработениот план и ги опфати основните училишта, градинките, зелените површини во општината, кејот на рeката Вардар, како и сите урбани и месни заедници.

Во училиштата беа одржани едукативно-еколошки работилници со учениците, а напоредно во училишните дворови се уредуваше просторот и се складираше стара хартија и пластичен отпад.

Јавните претпријатија беа активно вклучени на целата територија во Општина Ѓорче Петров, a нивното присуство беше неопходно за успешна реализација на акцијата. И градоначалникот Сокол Митровски директно се вклучи во акцијата и ги обиколи сите локации кадешто истата се спроведуваше. Како што рече, на негово огромно задоволство акцијата течеше во најдобар ред.

Митровски изјави дека е задоволен од активностите на учесниците во акцијата, а особено од личното ангажирање на граѓаните да се вклучат во собирањето отпад од јавните површини и беспрекорното одложување на непотребни предмети од своите домови на собирните пунктови.

Акцијата ќе продолжи и во попладневните часови со постојано присуство на општинските надлежни служби./крај/мф/сн

Извор: Макфакс