Црна хроника
Пет активни пожари, еден целосно изгаснат
Во понеделникот на територијата на земјата се активни уште пет пожари, додека целосно е изгаснат огнот кој избувна по 11 часот во тетовското село Горно Челопек, се наведува во соопштението Дирекција за заштита и спасување за состојбата до 14 часот.
Во велешко, во општината Чашка активен е пожарот кај селата Лисичи, Бањица, Дреново Ралевци и Бреза каде што гори нискостеблеста и деградирана шума и од стара сеча.. Од огнената стихија во неделата на ова подрачје над селото брза одекнале осум експлозии, од засега неутврдени причини. Во гасењето на пожарот се вклучени 15 вработени од Шумското стопанство на „Македонски шуми“.
Во кумановската општина Липково активен е пожарот кај селото Стрима. Таму гори ниско стеблеста и деградирана шума, а огнот го гасат екипи на локалното шумско стопанство со 13 вработени и две возила .
Во резерватот „Јасен“ на територијата на општината Македонски Брод, од правецот на селото Тажево кон селото Белица, активен но под контрола е ставен пожарот што опфати борова шума . Таму дејствува територијалната противпожарна бригада помогната од десет вработени од локалното шумско стопанство
Во атарот на Македонски Брод, исто така, е активен и пожарот кај селото Црешнево, каде што огнот зафати нискостеблеста шума и чукара, а го гасната четворица вработени во шумското стопанство
Во тетовско, во општината Теарце кај селото Одри активен е пожар. Гори букова и костенова шума за што се ангажирани работниците на шумското стопанство.
Во општина Брвеница , над селото .Горно Челопек околу 11.20 часот е информирано дека се појавил пожар кој зафатил сува и ниско стеблеста шума, кој е целосно изгаснат околу 13 часот со ангажирање на противпожарната единица со две возила и шест пожарникари./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.