Спорт
Зверев се извини за скандалот во Акапулко
Александар Зверев се огласи по скандалот што го предизвика на турнирот во Акапулко. Германецот, во Акапулко настапи и во парови, со Марсело Мело. Тој и неговиот партнер беа поразени во супер –тајбрејкот од Гласпул и Хелиовара.
По завршувањето на мечот, незадоволен од судиските одлуки, Зверев збесна, го нападна судијата, со рекотот удираше во неговото столче, а судијата избега.
АТП веднаш реагираше и го дисквалификуваше Германецот од турнирот.
„Тешко можам да најдам зборови, за да го изразам моето жалење за се она што се случи. Лично му се извинив на судијата поради изливот на лутина. Тоа беше неприфатливо. Разочаран сум од моето однесување. Тоа не смееше да се случи, тука нема изговор. Би сакал да му се извинам на турнирот, навивачите, на мојот омилен спорт“, рекола Зверев.
Потоа Германецот се огласи и на социјалните мрежи.
„Како што знаете, секогаш се од себе оставам на теренот. Вчера оставив премногу. Ќе ги искористам наредните денови за да го анализирам моето однесување. Морам да бидам сигурен дека ова повеќе никогаш нема да се случи. Уште еднаш ќе кажам жалам што ве разочарав со моето однесување“.
Покрај дисквалификацијата која ја доби, Зверев ќе добие и казна од АТП. Во наредните денови ќе биде познато каква казна ќе добие.
Зверев предизвика скандал – АТП го исфрли од турнирот во Акапулко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).