Црна хроника
ГРЕКО со најмногу забелешки за финансирањето на политичките партии

Само седум од вкупно 13 препораки на ГРЕКО (Групата Држави против корупција) исполнила Македонија. Најмногу забелешки, оваа меѓународна организација има за финансирањето на политичките партии, кои Македонија има рок да ги поправи до 30 септември 2013 година.
Во однос на транспарентноста на финансирањето на политичките партии од шест препораки, една е задоволително имплементирана, три се делумно имплементирани, а две не се имплементирани.
„Со цел за подобрување на финансиската дисциплина на партиите, ГРЕКО препорачува работа на подобрување на обрасците за извештаите кои ќе овозможат целосен увид во финансиите на партиите, обуки во поглед на водењето на финансиските извештаи, потребата од понатамошно јакнење на Државниот завод за ревизија како водечко супервизиско тело, неговите овластувања, ресурси и капацитети за да врши проактивна и ефикасна супервизија, истрага и извршување на прописите за партиско финансирање“ изјави Анета Арнаудава, претставничката на Македонија во ГРЕКО.
Министерот за правда, Блерим Беџети вели дека во однос на препораките за финансирањето на партиите, во владина постапка се измените и дополнувањата на Изборниот Законик и Законот за финансирање на политичките партии.
ГРЕКО препорачува и воведување на пофлексибилен систем на санкции за непостапување по финансиските прописи, покрај кривичните и прекршочните санкции, да се воведат административни санкции кои ќе имаат за последица губење на финансирањето од јавните средства, особено за помали прекршувања./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Обид за убиство во Виница: маж избоден четирипати пред угостителски објект

Вечерта на 7 август, пред угостителски објект во Виница, мирното место се претвори во сцена на насилство кога Н.В. (32) од овој град, по вербална расправија, со нож нападна друг маж, Д.С., нанесувајќи му четири убодни рани.
По нападот, напаѓачот веднаш побегнал од местото на настанот.
Сепак, полициските службеници по обезбедувањето на оперативни сознанија синоќа во Кочани го приведоа, Н.В.
Надлежното јавно обвинителство е известено и се работи на целосно документирање на случајот.
Црна хроника
Возило на 26-годишник оштетено од неколку проектили од огнено оружје: полицијата го расчистува случајот

Вчера околу 21:20 часот во СВР Скопје, 26-годишниот Ш.Ј. од село Крушопек, општина Сарај, пријави дека на паркинг простор пред угостителски објект во село Лака, скопско, неговото паркирано патничко возило „сеат алтеа“ со скопски регистарски ознаки било оштетено од неколку проектили од огнено оружје.
Се преземаат мерки за расчистување на случајот.
Црна хроника
Тешко повредена 29-годишна жена од Битолско по пад од трактор

Вчера во 19:20 часот во СВР Битола е пријавено дека на регионалниот пат Р-2333 Битола-Драгош, на крстосница за село Барешани, додека 30-годишниот Р.М. од село Острец, битолско, управувал трактор „тафе“ со приколка, неговата сопатничка У.М.(29) од истото село, паднала од тракторот, при што се здобила со тешки телесни повреди констатирани во Клиничка болница Битола.
Извршен е увид од увидна екипа на СВР Битола.