Регион
Србија го одбележува Денот на сеќавањето на страдањата и прогонот на Србите во хрватската операција Бура
Во Србија во четвртокот и петокот со низа манифестации се одбележува Денот на страдањата и прогонот на Србите, по повод годишнината од операцијата на хрватските безбедносни сили „Бура“ во Краина, во текот на којашто според официјалните српски податоци загинале или исчезнале околу 2.000 Срби кои претходно живееле во споменатиот хрватски регион, а биле протерани најмалку 250.000 луѓе
Операцијата „Бура“ (Олуја), траела од 4-ти до 9-ти јули 1995 година и била добро испланирана операција, во којашто хрватската страна и денес тврди дека целта била ослободување на окупираните хрватски територии, додека српската дека била смислен план за протерување на тамошното српско население.
Централната државна манифестација ќе се одржи во населбата Бусије крај Зрењанин, населена главно со бегалско население од Хрватска и Босна и Херцеговина во текот на војните на поранешните југословенски простори до средината на 1990-те година, по акцијата „Бура“. На собирот ќе зборува српскиот премиер во технички мандат Александар Вучиќ и претседателот на ентитетот во БиХ Република Српска, Милорад Додеик, како и српскиот патријарх Павле, кој ќе го предводи и верскиот обред за настраданите Срби.
Ќе се одржи пригодна уметничка програма под насловот „Нашата така .. преголема“, а на централната државна манифестација ќе присуствуваат членови на српската влада и на владата на Република Српска, парламентарци од Србија и Република Српска, претставници на Војската на Србија, на Српската православна црква и членови на дипломатскиот кор во Србија.
Во петокот ќе биде служена литургија во Црквата на свети Марко во Белград, а точно напладне во знак на жртвите ќе се огласат сите црковни камбани и сирени во српската престолнина.
Според здружението Документи, кое ги документира човечките загуби во текот на војната од 1991 до 1995 година, Славен Рашковиќ, кој и самиот како дете на трактор побегнал од Книн а подоцна се вратил, досегашните резултати, потврдени од три независни извори, упатуваат на тоа дека бројот на жртвите е помал од 677 цивили, коишто ги наведува Хрватскиот хелсиншки комитет, а секако помал од 1.200 жртви со кои оперира Србија. Според Братрис Ле Бон Вујановиќ, која работи на враќање на бегалците, се вратиле само 25 отсто од избеганите Срби./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.