Свет
Лавров: Западот ја загуби контролата – тие го истураат својот гнев врз Русија
Рускиот министер за надворешни работи Сергеј Лавров изјави дека примерот на Украина покажува во што се претвора светскиот поредок според правилата на САД и нивните сојузници.
„ Главната причина е што САД и нивните сојузници продолжуваат агресивно да го наметнуваат таканаречениот ‘светски поредок заснован на правила’ на другите учесници во меѓудржавната комуникација. Во што се претвора овој ‘поредок’ за човекови права е добро илустрирано со примерот на Украина“, рече министерот Лавров во своето видео обраќање на состанокот на Советот за човекови права на ОН, пренесува „Спутник“.
Лавров изјави дека Западот, во обид, како што наведе, да го истури гневот врз Русија, очигледно изгубил контрола над себе.
„ Западот очигледно ја изгуби контролата врз себе во обид да го истури својот гнев врз Русија, почна да ги уништува сите институции и правила што ги создаде, вклучително и неповредливоста на имотот. Мора да се запре арогантната филозофија на Западот, заснована на чувството за сопствена супериорност, ексклузивност и дозволеност“, нагласи рускиот министер.
Тој исто така истакна дека западните колеги едноставно ги игнорираат последиците од масовното гранатирање на цивилни објекти во Донбас од страна на украинската армија.
„ Масовните погреби откриени во Донбас служат како непобитен доказ за криминалните последици од масовното гранатирање на цивилни згради во Донбас. Форензичката истрага утврди дека повеќето од загинатите се жени и постари лица. Нашите западни колеги едноставно игнорираат многу факти за овие срамотни прекршувања на закон“, истакна шефот на руската дипломатија, додавајќи дека нивните обиди да го свртат вниманието на Советот за човекови права на злосторствата што се случуваат осум години наишле на рамнодушност.
Зборувајќи за преговорите со Украина, Лавров рече дека Москва очекува Украина да ја разбере сериозноста на ситуацијата и потребата да покаже независност во преговорите со Русија.
„Како што знаете, на барање на Владимир Александрович Зеленски, започнаа преговорите меѓу претставниците на Русија и делегацијата од Киев. Се надевам дека украинската страна е свесна за сериозноста на ситуацијата и за нејзината одговорност, дека е свесна за потребата да покаже независност и способност за преговарање и дека ќе избегне повторување на историјата со договорите од Минск“, заклучи шефот на руската дипломатија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.