Спорт
Тенисерите и тенисерките од Русија и Белорусија ќе продолжат да се натпреваруваат
![](https://makfax.com.mk/wp-content/uploads/2022/03/164864-scaled.jpg)
Интернационалната тениска федерација (ИТФ), ВТА и АТП турнеите и четирите гренд слем турнири објавија соопштение поради војната во Украина, откажувајќи ги руските турнири, но дозволувајќи има на руските и белоруските тенисери и тенисерки да продолжат да се натпреваруваат под неутрално знаме
„Нашите мисли се со луѓето од Украина, и пофалуваме што многу тенисери излегоа и зборуваа за овој неприфатлив чин на агресија. Ќе ги повториме нивните пораки за крај на насилството и враќање на мирот. Безбедноста на тениската заедница е наш најважен приоритет, и затоа ВТА и ВТА контактираше со сегашните и поранешните тенсиери од Украина и ближните земји за да се потврди нивната безбедност. АТП/ВТА комбинираниот турнир во Москва е суспендиран, Руската тениска федерација (РТФ) и Белоруската тениска федерација (БТФ) исто така се суспендирани и нема да можат да се наптреваруваат во тимските натпреварувања. Во исто време, тенисерите од Русија и Белорусија ќе продолжат да се натпреваруваат на турнеите и гренд слем турнирите, без името или знамето на Русија или Белорусија“, се вели во заедничката одлука.
Иако ова значи дека тенисерите како светскиот рекет број 1, Данил Медведев ќе можат да се натпреваруваат, тој и Русија нема да може да ја бранат титулата од Дејвис купот.
Joint Statement by the International Governing Bodies of Tennis
⬇️
— ATP Tour (@atptour) March 1, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Закањи во 98.минута ја шокира Хрватска, Шпанија пресилна за Албанија
![](https://makfax.com.mk/wp-content/uploads/2024/06/12324391.jpg)
Актуелниот европски првак Италија на нестварен начин избори место во осминафиналето на Европското првенство. Италија извлече реми 1:1 против Хрватска со голот на Закањи во 98.минута. Хрватска е елиминирана од ЕУРО 2024, исто како и Албанија која загуби од Шпанија 0:1.
Закањи е херојот на Италија, во 98.минута акцијата на Калафиори ја заврши со брилијантен гол.
Претходно Хрватска поведе со голот на Модриќ во 55.минута. Капитенот на Хрватска влезе во историјата на ЕП, со 38 години и 239 дена стана најстар стрелец. Една минута претходно Донарума му одбрани пенал на Модриќ.
Шпанија и со „втората“ постава немаше проблеми со Албанија. Едеен гол го реши победникот. Стрелец беше Феран Торес во 13.минута.
Шпанија ја освои Б групата со три победи, Италија е втора со четири, Хрватска освои два, а Албанија еден бод.
Спорт
Ѓоковиќ: Ќе играм само ако можам да се борам за трофејот
![](https://makfax.com.mk/wp-content/uploads/2024/06/4a286.jpg)
Новак Ѓоковиќ пристигна на Вимблдон, но се уште е мистерија дали ќе настапи на третиот Грен слем во сезоната.
Повредата на коленото, а потоа и операцијата, го оддалечи најдобриот српски тенисер неколку недели надвор од теренот.
„Коленото е подобро, секој ден е се подобро. Терапијата оди во вистинска насока и тоа ми дава надеж“, изјави Новак за Би-би-си.
До почетокот на Вимблдон останува уште една недела, а Ѓоковиќ јасно кажа што сака од потенцијалното учество на Вимблдон:
„Не дојдов овде да одиграм неколку кола. Ќе играм само ако можам да дадам блиску до мојот максимум“, изјави Новак и истакна:
„Навистина ќе играм само ако почувствувам дека можам да дојдам до завршницата и да се борам за трофејот.
Ѓоковиќ денеска тренираше два часа, а одигра и два тајбрејка со Федерико Корија.
Новак Ѓоковиќ конечната одлука ќе ја донесе пред ждрепката закажана за 28 јуни. Вимблдон започнува на 1 јули.
Спорт
Хојберг: Тадиќ ми беше како постар брат
![](https://makfax.com.mk/wp-content/uploads/2024/06/334455.jpg)
Данска и Србија, утре ќе се сретнат во третот коло во Ц групата на Европското првенство. Србите мора да победат доколку сакаат место во нокаут фазата, на Данците во некои комбинации им игра и нерешен резултат, но со победа сигурно се во осминафиналето.
Пјер-Емил Хојберг, еден од најдобрите дански играчи, во пресрет на натпреварот се присети на периодот кога заедно со капитенот на Србија, Душан Тадиќ ја делеа соблекувалната во Саутемптон.
„Јас и Душан поминувавме многу време заедно, ми беше како постар брат. Тој ми беше учител, се грижеше за мене. Не само на теренот туку и надвор од него. Се сеќавам, пред да замине во Ајакс, им кажував на луѓето таму за каков играч се работи и каков менталитет има. Тој е беше таму и стана еден од најдобрите играчи. Тадиќ е играч кој сака да дели асистенции на тоа мора да внимаваме“, рече Хојбјерг.
Инаку, Хојбјерг од 2020 година настапува за Тотенхем, а се очекува во летниот преоден рок да го напушти клубот.