Свет
Реакции за новата насловна страница на „Шарли ебдо“ – на удар рускиот претседател
Телевизискиот канал „Некста“ ја објави насловната страница на новиот број на познатиот француски сатиричен магазин „Шарли ебдо“.
Насловната страница се однесува на тековната руска инвазија на Украина, која влезе во седмиот ден, а на неа е мајмун со ликот на рускиот претседател Владимир Путин, чија урина капнува на нуклеарно копче додека траат стравувањата за можен нуклеарен конфликт.
?Charlie Hebdo magazine will be released with this cover tomorrow pic.twitter.com/crJ1MZ1MVX
— NEXTA (@nexta_tv) March 1, 2022
Во неделата Путин ѝ нареди на воената команда да ги стави силите за нуклеарно одвраќање во состојба на висока готовност по агресивните изјави на земјите од НАТО.
„На пат кон 21 век“, пишува на насловната страница објавена на „Твитер“.
„Шарли ебдо“ на насловната објави и интервју со експерт за Русија. По објавувањето на насловната, следуваа многубројни коментари.
„Пуштете го ова на мегафон на руски конвој заглавен во калта“, рече еден корисник.
Еден корисник напиша „суптилно“ во коментар, на што друг одговори: „Искрено, во споредба со она што го направија, тоа е многу суптилно“.
„Толку вистинито“ и „многу соодветно“, се меѓу другите коментари, а еден корисник истакна „тоа сатиризира дел од демократијата“ потсетувајќи на нападите врз „Шарли ебдо“ поради нивните претходни карикатури.
Магазинот „Шарли ебдо“ е познат по своите сатирични цртежи, кои постојано беа насочени кон напади по објавувањето на карикатурата на пророкот Мухамед, вклучително и онаа во јануари 2015 година кога двајца исламисти влегоа во редакцијата и убија 12 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.