Свет
(Од минута во минута) Договорени хуманитарните коридори, Зеленски побара НАТО да му испрати авиони
Осми ден на руската инвазија на Украина.
Руската армија вчера го зазеде Херсон, стратешки важен град на југот на земјата. Под силно гранатирање е и Мариупол, важно украинско пристаниште на југоистокот. Во текот на вечерта и ноќта во Киев се слушнале бројни експлозии.
Повеќе од еден милион луѓе ја напуштија Украина од почетокот на руската инвазија минатата недела, изјави во четвртокот Филипо Гранди, шеф на агенцијата за бегалци на Обединетите нации.
Клучни настани:
- Заврши втората рунда преговори помеѓу Русија и Украина. Договорени хуманитарните коридори
- Путин изјави дека Русите и Украинците се ист народ, а Москва се бори против неонацистите
- Зеленски побара авиони од НАТО и го повика Путин на разговори
- ОН: Над милион луѓе ја напуштија Украина од почетокот на руската инвазија
- Русија го окупираше стратешки важниот град Херсон на југот на земјата
- Русите го ракетираа Чернихив и погодија две училишта, најмалку 33 мртви
- Лавров: Има разговори за нуклеарна војна, но тоа не го прави Русија, туку НАТО и Украина
Најнови вести:
21:15 САД најавија санкции за руските олигарси
Белата куќа најави нови санкции против руските олигарси, а како што пишува Си-ен-ен, ова е нов обид на Џо Бајден да го спречи Владимир Путин и неговата инвазија на Украина.
Новиот список на санкционирани ги вклучува пријателите на Путин и членовите на нивните семејства. Тие ќе бидат отсечени од американскиот финансиски систем, нивните средства во САД ќе бидат замрзнати и блокирани, соопшти Белата куќа.
20:47 (Видео) Руските војници влегуваат во Енергодар до нуклеарната централа
Руски војници отвориле оган во украинскиот град Енергодар, веднаш до најголемата нуклеарна централа во Европа, откако влегле со тенкови, објави советникот на украинскиот министер за внатрешни работи Антон Герашченко.
Russian forces are now attacking Energodar. That’s the site of probably Europe’s biggest nuclear power station. One can only pray. pic.twitter.com/g0ELAZLT4U
— Christo Grozev (@christogrozev) March 3, 2022
20:40 Бин Салман би сакал да посредува во преговорите
Престолонаследникот на Саудиска Арабија, Мохамед бин Салман, добил телефонски повик од рускиот претседател Владимир Путин во четвртокот и понуди да вложи напори да посредува во преговорите меѓу Москва и Киев додека Русија продолжува со инвазијата на Украина.
Бин Салман рече дека неговата земја ги поддржува „напорите што водат до политичко решение, крај на воените дејствија и постигнува безбедност и стабилност.
„Кралството е подготвено да вложи напори да посредува меѓу сите страни“, рече тој.
20:38 Украина: Русите го ракетираа Чернихив и погодија две училишта, најмалку 33 мртви
Најмалку 33 тела се извлечени од урнатините по руските воздушни напади врз украинскиот град Чернихив, соопштија украинските спасувачки служби. Според претходниот биланс загинале 22 лица.
Спасувачките напори се привремено прекинати поради силното гранатирање на областа.
20:33 Белата куќа: Сега не е време за средба меѓу Бајден и Путин
Нема планови и не е време за средба помеѓу претседателите на САД и Русија, Џо Бајден и Владимир Путин, истакна портпаролката на Бајден, Џен Псаки.
„Претседателот го кажа тоа многу јасно. Но, ние ќе продолжиме да разговараме и да донесуваме одлуки во зависност од ситуацијата“, изјави таа за Си-Ен-Ен.
„Го обиколив градот, се симнав во метрото каде што луѓето се кријат со денови, разговарав со нив, ги прашав дали им треба нешто, ги охрабрив. Расположението во Киев е патриотско и одлучно, сите сме им благодарни на нашите војници и се гордееме со нив. Градската власт прави се’ што може целата критична инфраструктура да биде достапна за граѓаните. Го подготвуваме градот и за можни посилни напади“, рече Кличко.
19:39 Зеленски го повика Путин на преговори: Јас не гризам, од што се плашите?
„Седнете со мене да преговараме, но не на 30 метри“, рече Зеленски, очигледно мислејќи на разговорите на рускиот претседател со неговиот француски колега Емануел Макрон, на растојание од неколку метри.
19:03 Mосква и Киев без клучен напредок во преговорите, договорено е повторно да се сретнат
Вториот круг на преговори помеѓу Русија и Украина заврши.
„За жал, го немаме резултатот што го посакувавме, успеавме да се договориме за хуманитарните коридори“, изјави украинскиот преговарач.
Другий раунд перемовин завершено. На жаль, потрібних Україні результатів поки що немає. Є рішення тільки щодо організації гуманітарних коридорів… pic.twitter.com/rj7Ajyvs6I
— Михайло Подоляк (@Podolyak_M) March 3, 2022
18:44 Продолжуваат борбите околу најголемата нуклеарна електрана во Украина
Борбите за најголемата нуклеарна електрана во Украина, лоцирана во градот Енерходар, се’ уште траат.
Градоначалникот на Енерходар Дмитро Орлов изјави дека руските сили се на работ од градот и дека украинските сили се борат да го одбранат.
18:27 Путин: Русите и Украинците се еден ист народ, ние се бориме против неонацистите
„Никогаш нема да се откажам од тврдењето дека Украинците и Русите се еден народ, но ние се бориме против неонацистите кои имаат затвореници дури и од Блискиот исток. Тие користат цивили и странци како жив штит“
18:00 Конашенков: Во Украина има околу 200 хрватски платеници
„Секој странец треба да размисли седум пати пред да се приклучи на украинската армија“.
17:53 (Видео) Расте бројот на жртви во Чернигов
Video verified by The New York Times shows the bombardment of Chernihiv, Ukraine, on Thursday. As smoke cleared from the attack — which hit near apartments, pharmacies and a hospital — people are seen running in the street.https://t.co/J1MhFcNCnm pic.twitter.com/S2l2MBkxaF
— The New York Times (@nytimes) March 3, 2022
17:40 Зеленски до Западот: Испратете ни авиони
Украинскиот претседател, Волдимир Зеленски одржа прес-конференција на која апелираше до Западот да му испрати воени авиони.
„Ако немате моќ да го затворите украинското небо, тогаш дајте ми авиони“, рече тој.
„Ако не снема нас, не дај Боже, следни ќе бидат Летонија, Литванија, Естонија“, додаде Зеленски.
17:00 Најмалку деветмина загинати во Чернив
При рускиот воздушен напад врз украинскиот град Чернив загинаа најмалку девет лица, а четворица се повредени, изјави гувернерот Вјачеслав Чаус.
Тој додаде дека погодени се и две училишта и приватни домови во Чернив.
Спасувачите се на терен.
16: 59 (Видео) Украинскиот министер за одбрана се обрати до нацијата
16:40 Почнаа преговорите меѓу Русија и Украина
Почна вториот круг преговори меѓу Украина и Русија.
Start talking to Russian representatives. The key issues on the agenda:
1. Immediate ceasefire
2. Armistice
3. Humanitarian corridors for the evacuation of civilians from destroyed or constantly shelled villages/cities. pic.twitter.com/Pv0ISNjsod— Михайло Подоляк (@Podolyak_M) March 3, 2022
Украинската делегација објави кратко видео и слика на Твитер. Советникот на Зеленски напиша: „Почнавме преговори, ова се клучните точки: прекинот на огнот и хуманитарниот коридор за евакуација на цивили.
16:30 Имотот на Русија и руските државјани во Украина ќе биде конфискуван
Украинскиот Парламент денеска изгласа закон со кој се дозволува заплена на имот на Русија или на руски државјани во Украина.
Според новиот Закон, украинската Влада ќе може да му предложи на Советот за безбедност кој имот да се конфискува.
16:20 МНР испраќа дипломати во Украина за евакуација на македонските државјани
Министерството за надворешни работи испраќа дипломатска екипа во Украина за асистирање на евакуацијата на нашите државјани и со нив поврзаните украински граѓани.
16.00 Османи во Брисел на итен состанок со министрите за надворешни работи на НАТО
Министерот за надворешни работи, Бујар Османи, патува за Брисел каде што ќе учествува на вонреден состанок на Северноатлантскиот совет на НАТО на ниво на министри за надворешни работи, што ќе се одржи во седиштето на алијансата.
На состанокот ќе се дискутира за актуелните безбедносни состојби во Украина по воената руска инвазија во земјата, како и пошироките импликации врз евроатлантската безбедност.
15:54 (Видео) Од автомобил во движење снимено гранатирање на украински град
Русија од воздух го нападна градот Чернигов на северот од Украина и уби најмалку девет лица, а рани четворица, изјави гувернерот Вјачеслав Чаус.
На социјалните мрежи се појави снимка од автомобил во движење која наводно го прикажува гранатирањето на овој град.
15:17 Ова се главните украински и руски барања во преговорите
Втората рунда преговори меѓу украинската и руската делегација треба да започне во Белорусија попладнево.
14:39 Преговорите би требало да започнат во наскоро, Украина објави клучна цел
Вториот круг разговори меѓу украинската и руската делегација, според најновите информации, треба да започнат во Белорусија во следниот час.
Минимална цел на украинските преговарачи е воспоставување хуманитарни коридори, односно рути за бегство на цивили од областите каде што се водат борбите.
Ова го соопшти украинскиот преговарач Давид Арками, кој на „Фејсбук“ објави и фотографија со колега од преговарачкиот тим пред хеликоптерот.
13.40 Протокол на руската команда во случај на нуклеарен напад: Клучевите се кај Путин
Рускиот претседател Владимир Путин за време на викендот изјави дека нуклеарните сили на неговата земја треба да бидат во фаза на готвност, што, според „Ројтерс“, предизвика загриженост дека рускиот напад врз Украина може да доведе до нуклеарна ескалација
13.30 Украинска делегација тргна на преговори со Русија – објавена фотографија од хеликоптер
Украинската страна, која учествува во преговорите со Русија е на пат за Белорусија, каде што се очекува втората рунда преговори
На переговоры с РФ. Уже в вертолётах. Через пару часов начнём… pic.twitter.com/y2J18SVF5f
— Михайло Подоляк (@Podolyak_M) March 3, 2022
13.20 Борел: ЕУ повикува на итен прекин на огнот во Украина
Европската унија повикува на итен прекин на огнот во Украина, изјави денеска високиот дипломат на ЕУ, Јосеп Борел
13.15 Орбан: Подготвени сме да бидеме домаќини на преговорите меѓу Русија и Украина
Унгарскиот премиер Виктор Орбан повтори дека неговата земја ќе биде подготвена да биде домаќин на мировните преговори меѓу Русија и Украина
13.05 Украинската војска: Планираа сѐ да биде завршено за 15 дена, не верувајте им
Украинската армија тврди дека пронашла документи за кои тврди дека се доказ оти Русија однапред планирала дека воената операција во Украина ќе трае 15 дена
12.55 Украинската армија: На помош доаѓаат 16.000 странски доброволци
Украинската армија објави дека дури 16.000 странски доброволци пристигнуваат да им помогнат во борбата против руската инвазија
12:50 Во Германија повторно се разговара за воведување на воен рок
Во Германија, како дел од реакциите на војната во Украина, се разви дебата за можното повторно воведување на општа воена служба.
Поддржувачите на идејата сметаат дека повторното воведување на воената служба ќе ја зајакне издржливоста на општеството во исклучително тешки времиња.
12:26 Франција заплени суперјахта на руски тајкун
Фанција заплени суперјахта за која тврди дека е поврзана со рускиот олигарх Игор Сечин. Toj е директор на руската нафтена компанија во државна сопственост „Роснефт“ и еден од олигарсите на Путин против кого ЕУ неодамна воведе санкции.
Украинскиот министер за одбрана Олексеј Резников (Олексиј) изјави дека украинската армија досега уништила онолку руска опрема колку што би било доволно за некои земји да ги вооружат своите армии
12.05 Урсула фон дер Лајен: Дополнителни чекори против Русија доколку ситуацијата се влоши
„Европската унија ќе преземе дополнителни чекори против Русија доколку ситуацијата во Украина се влоши“, изјави денеска претседателката на Европската комисија Урсула фон дер Лајен.
„Европската унија ќе преземе дополнителни чекори против Русија доколку ситуацијата во Украина се влоши“, изјави денеска претседателката на Европската комисија Урсула фон дер Лајен
11:56 Кличко објасни какви експлозии одекнаа синоќа во Киев
Градоначалникот на Киев, Виталиј Кличко објави нова видео порака во која им се обраќа на граѓаните. Тој го направи тоа откако синоќа одекнаа силни експлозии низ градот.
„ Ситуацијата е тешка, но е под контрола“, рече градоначалникот на почетокот.
11:50 Лавров: Има разговори за нуклеарна војна, но тоа не го прави Русија, туку НАТО и Украина
Тој нагласи дека нивната цел е да се ослободат од нацистите во Украина.
„ Сигурен сум дека нашите партнери од Запад ќе се смират и ќе бараат решение преку дијалог. Западот не треба да одлучува за нашата безбедност. Западот се обидува да наметне сопствена слика за иднината на Европа“ рече Лавров и додаде дека преговорите меѓу украинските и руските сили ќе се одржат денеска.
11.35 Русите открија кои ќе бидат темите на втората рунда преговори со Украина
Владимир Медински, советник на рускиот претседател Владимир Путин, изјави дека блокот руски предлози во преговорите со Украина се состои од три дела: воено-технички, хуманитарно-меѓународен и политички
11.25 Владимир Кличко испрати порака: Горд сум на светското единство и спортските заедници
Поранешниот светски професионален светски шампион Владимир Кличко изјави дека е горд на обединетата реакција на спортскиот свет кој ги исфрли руските и белоруските репрезентации и спортистите од меѓународните натпревари по инвазијата на неговата родна Украина
11.15 (Видео) За време на емисија во живо во Киев одекна експлозија
Телевизиска екипа која известувала од местото на настанот во Киев ги снимила експлозиите што ја зафатиле областа
CBS News producer @redmanjustine captured the "biggest blasts we've ever seen" in the sky over #Kyiv, just as @charliecbs was coming off the air tonight in Ukraine pic.twitter.com/KgrseZb6gX
— CBS Evening News (@CBSEveningNews) March 3, 2022
11.10 Австриски министер за финансии: Санкциите против Русија се на сила
Австрискиот министер за финансии Магнус Брунер тврди дека санкциите на ЕУ против Русија се веќе на сила
11.00 Канадските власти го проширија пакетот економски санкции против Русија
Канадските власти го проширија пакетот економски санкции кон Русија, во кој се вклучени 10 клучни работници на Гаспром и Роснефт, соопшти денеска Министерството за надворешни работи на таа земја
10.55 Володин: Да не ја почневме операцијата, НАТО ќе ја почнеше еден ден подоцна
Ако Русија веднаш не поведеше специјална воена операција во Украина, буквално следниот ден НАТО ќе ја почнаше својата операција со посредство на украинските националисти, изјави денеска претседателот на државната Дума на Русија, Вјачеслав Володин
10.50 Марија Захарова: Ова е општа хистерија
Портпаролката на руското МНР Марија Захаров денеска изјави дека реакцијата на светската заедница на потезите на Русија, вклучително и Генералното собрание на Обединетите нации, е хистерична, а изјавите на официјалните лица се „апсурдни“
10.45 Зеленски: Секој напаѓач треба да знае дека ќе се соочи со жесток отпор од Украинците
Украинскиот претседател Володимир Зеленски повторно ѝ се обрати на нацијата преку видеопорака објавена на својот официјален фејсбук-профил. „Секој напаѓач треба да знае: ќе се соочи со жесток отпор од Украинците и засекогаш запомнете дека нема да се откажеме од она што е наше!“, рече Зеленски.
10:42 Лавров: Преговорите треба да продолжат денеска
„Нашата цел е да се ослободиме од нацистите во Украина“, рече рускиот министер за надворешни работи на прес-конференција, додавајќи дека преговорите меѓу украинските и руските сили ќе продолжат денеска. Тој посочи дека преговорите може да се водат под услов за рамноправност.
LIVE: Russian Foreign Minister Sergei Lavrov speaks to media https://t.co/0kOyejRLo9
— PresserWatch (@PresserWatch) March 3, 2022
10:30 (Видео) Русите со бомби во рацете бараа капитулација, Украинците им возвратија со пцости
На снимката се гледаат руски војници кои ги следи гневна толпа Украинци кои пак извикуваат „Слава на Украина“ и со пцости им довикуваат на руските војници да го напуштат градот.
10:05 Британија: Големиот руски конвој слабо напредува кон Киев
„ Главниот дел од конвојот што се приближува кон градот од север „останува на повеќе од 30 километри од центарот на градот поради украинскиот отпор, механичките дефекти и доцнењата“, се вели во новиот извештај на британското разузнавање.
10.00 Повици до Меркел да го вразуми Путин да ја прекине војната
Сè повеќе има повици до поранешната германска канцеларка Ангела Меркел да се врати од пензија и да разговара со рускиот претседател Владимир Путин за ставање крај на конфликтот во Украина, пишува британскиот дневен весник „Телеграф“
09:55 Украина тврди: Убиени се 9.000 руски војници
Според украинските власти, за една недела руските сили изгубиле приближно: 9.000 војници, 217 тенкови, 900 оклопни транспортери, 90 парчиња артилерија, 42 MLRS-а, 11 парчиња противвоздушно оружје, 30 авиони, 31 хеликоптер, 374 борбени возила, два брода, 60 тенкови и 3 дронови.
Кина побара од Русија да почека со нападот врз Украина додека не завршат Зимските олимписки игри, според извештаите на западните разузнавачки служби, пишува „Њујорк тајмс“
09.40 Руските ученици учат за неопходноста од војна
Во соопштението на Фејсбук страницата на министерството се вели дека децата исто така ќе научат како да ја разликуваат вистината од лагата во огромниот проток на информации, фотографии и видеа кои денес го преплавуваат интернетот, јавува Би-Би-Си
Унгарија нема да стави вето на санкциите на Европската унија против Русија, а единството на 27-те членки на Европската унија е најважно со оглед на војната во Украина, која Унгарија недвосмислено ја осудува, изјави унгарскиот премиер Виктор Орбан
09.30 Погоден радио-телевизискиот центар во Киев
Руските сили денеска го погодија радио-телевизискиот центар во Киев, јавува агенцијата Интерфакс, повикувајќи се на руското Министерство за одбрана
09.25 Граната погоди зграда – загинаа осум цивили
Според снимките кои пристигнуваат, во нападот значителна штета претрпел центарот на овој град, кој се наоѓа во областа Харков
09.20 Блинкен: Ова е закана за безбедноста на Европа
Тоа е повеќе во игра дури и од самиот конфликт во Украина. Ова е закана за безбедноста на Европа и за целиот поредок заснован на правила, изјави американскиот државен секретар Ентони Блинкен
09:15 Советникот на Зеленски: На окупирана Украина и треба помош однадвор
Михајло Подољак ги обвинува руските сили дека дозволиле украинските области под нивна контрола да станат места на грабежи и убиства.
The villages & towns where Russian troops’ columns are stationed immediately turn into places of looting, robbery, murder. We need humanitarian corridors – food, medicine, ambulance, evacuation. We need active help of international organizations, including #OSCE. Enough talking
— Михайло Подоляк (@Podolyak_M) March 3, 2022
09:13 Гранатирано складиште за гориво
Според украинската служба, нападот запалил голем број цистерни со дизел со вкупен капацитет од 3.000 кубни метри. Засега нема информации за загинати и ранети.
Чернігівська область↘️
3 березня близько 08:10 у м. Чернігові під час обстрілу сталося попадання снаряду в нафтобазу, внаслідок чого сталося загорання резервуарної групи загальною ємністю 3 тис. м куб. дизпального.
Інформація щодо жертв та постраждалих уточнюється. #stoprussia pic.twitter.com/44N4O0tmzw
— DSNS.GOV.UA (@SESU_UA) March 3, 2022
09:10 Градоначалникот на Мариупол: Ќе го преживееме ова, ќе бидеме победници
Градоначалникот на Мариупол во јужна Украина изјави дека средата бил најтешкиот ден од руската инвазија поради силното гранатирање и зголемениот број ранети цивили во болниците. Градоначалникот Вадим Бојченко им се обрати на граѓаните на Мариупол и рече дека украинските сили храбро возвратиле на оние кои пукале во куќите.
08:55 Во метрото во Киев сместени околу 15.000 луѓе
Во метрото моментално има вода и бањи, како и храна и лекови.
08:45 Сепаратистите од Доњецк се закануваат со целни напади
Русија и сепаратистите велат дека опколиле град со 430.000 жители на брегот на Азовското Море.
08:26 Во текот на ноќта во Киев одекнаа силни експлозии
Силни експлозии се слушнале во текот на ноќта во главниот град Киев, но и во некои други украински градови. Во Киев околу 3 часот по локално време се слушнале најмалку четири големи експлозии. Експлозиите се случија неколку часа по големата детонација во близина на централната железничка станица во Киев.
08:20 Нови сателитски снимки од руското уништување на Украина
На фотографијата се прикажани уништени воени возила во станбена зона и уништени домови на улицата Вокзална во Буча, западно од Киев. Создаден е на 28 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Српскиот министер за култура фалсификувал документи за луксузниот проект на зетот на Трамп
Српското обвинителство за организиран криминал вчера поведе обвинение против министерот за култура Никола Селаковиќ и уште тројца за злоупотреба на службената должност и фалсификување документи во врска со проект за луксузни недвижности поврзан со Џаред Кушнер, зет на американскиот претседател Доналд Трамп, објави „Еј-би-си њуз“.
Истрагата се фокусира на контроверзната реконструкција на срушениот воен комплекс во центарот на Белград, Генералштабот, кој беше заштитено место на културното наследство, а сега е предвидено за изградба на луксузен комплекс. Селаковиќ, близок соработник на претседателот Александар Вучиќ, и другите обвинети се теретат за нелегално одземање на заштитениот статус на локацијата со фалсификување документи.
Српската влада потпиша договор за закуп на 99 години со американската компанија „Афинити глобал девелопмент“, која е поврзана со Кушнер. Кушнер во тоа време потврди дека неговата компанија планира да го финансира проектот од 500 милиони долари, кој би вклучувал облакодер со хотел, луксузни станови, канцелариски простор и продавници. Сè уште не е познато кога би можело да почне судењето.
Владата го поддржува проектот и покрај истрагата
Предлогот за изградба на местото на поранешниот Генералштаб има силна поддршка од владата на Вучиќ, но се соочи со жесток отпор од експерти во Србија и странство, како и од пошироката јавност. Минатиот месец српскиот парламент донесе посебен закон со кој се отвора патот за изградба и покрај тековната истрага.
Претседателот Вучиќ изјави дека проектот е добар за односите на Србија со САД и дека ќе го помилува секој што е осуден во случајот. „Јас сум виновен“, рече тој неодамна. „Јас сум оној што сакаше да ја модернизира Србија. Јас сум оној што сакаше да привлече голем инвеститор“.
Симбол на отпор кон НАТО
Критичарите истакнуваат дека зградата е архитектонски споменик, кој се смета за симбол на отпор кон бомбардирањето на НАТО, што сè уште се смета за неправедна агресија во Србија. Србија беше бомбардирана 78 дена во 1999 година за да се принуди тогашниот претседател Слободан Милошевиќ да ја прекине репресијата врз Албанците во Косово.
Анти-НАТО расположението останува силно, што ја прави улогата на американската компанија во пренамената на воените згради особено чувствително прашање за многумина во Србија. Срушените згради се сметаат за врвни примери на архитектурата од средината на 20 век во поранешна Југославија, пишува „Еј-би-си њуз“.
Свет
Зеленски кажа што очекува од Америка ако Русија го отфрли новиот мировен план
Украинскиот претседател Володимир Зеленски изјави дека очекува Соединетите Американски Држави, предводени од Доналд Трамп, да извршат силен притисок врз Русија ако Москва ги отфрли мировните услови договорени со Вашингтон и Европа. Зеленски го изјави ова за време на летот назад од Берлин по вчерашните разговори, објавува „Украинска правда“.
На прашањето на новинарите што би се случило ако Кремљ ги отфрли договорите што ги финализираат Украина, САД и Европа, Зеленски одговори со доза хумор.
„Ако Путин отфрли сè, тогаш ќе го имаме она што ни се случува токму сега во авионот – турбуленции. Ова навистина се случува сега“, се пошегува тој. „Но, секако, не е толку сериозно во споредба со војната. И во споредба со она што би се случило ако Путин ги уништи сите дипломатски можности и подготвеноста на Украина, Европа и на САД“.
Зеленски објасни дека во ова сценарио би било логично САД да го зголемат притисокот врз Русија и да ја прошират воената помош за Украина.
„Мислам дека Америка би извршила притисок врз Русија со санкции и би ни обезбедила повеќе оружје ако тој одбие сè. Мислам дека тоа би било фер барање од наша страна кон Американците. Бидејќи, според мене, логиката е следна: ако Американците се подготвени да обезбедат безбедносни гаранции за Украина и да применат силни гаранции ако Путин ги прекрши, тогаш искрено кажете ми како ова се разликува од ситуацијата во која Путин, едноставно, не сака да ја заврши војната?“, рече Зеленски.
„Верувам дека би било фер барање од мене како претседател и од некои европски лидери да ни дадат барем дел од тие гаранции за да можеме да се одбраниме од Путин. Воздушна одбрана и оружје со долг дострел“, заклучи тој.
За време на брифингот, Зеленски откри дека, по разговорите, ќе бидат формализирани пет документи поврзани со безбедносните гаранции и реконструкцијата на земјата. Тој нагласи дека е постигнат сериозен напредок по прашањето на гаранциите и го повтори цврстиот став на Украина дека нема да се согласи на де јуре или де факто признавање на окупираниот Донбас како руска територија. Во меѓувреме, американските медиуми, повикувајќи се на свои извори, објавуваат дека Вашингтон верува оти 90 % од несогласувањата меѓу Украина и Русија се веќе решени.
фото/депозитфотос
Свет
(Видео) Четворица херои се обидоа да ги спречат терористите во Сиднеј, само Ахмед преживеа
Црното знаме на Исламската држава, закачено на шофершајбната на сребрена „хонда“ паркирана покрај пешачкиот мост „Бонди бич“, беше злокобен вовед на терористичкиот напад што го потресе Сиднеј. Смртоносниот симболизам првпат го забележа храбар пар, кој се обиде да го запре напаѓачот пред да биде испукан еден истрел, а тие платија за својот херојски чин со своите животи, пишува австралискиот The Age.
Средовечен пар се нафрли врз напаѓачите штом излегоа од својот автомобил
Неидентификуваниот пар шеташе во неделата попладне кога Саџид Акрам излезе од својот автомобил, вооружен со пушка со една намера – да убие невини Евреи, кои ја слават Ханука. Човекот во виолетовата кошула, како што сега е познат во јавноста, се фрли врз Акрам без двоумење.
Тој го собори на една од најпрометните улици во Сиднеј и му го грабна пиштолот од рацете. Додека преплашените минувачи се криеја, човекот го насочи пиштолот кон напаѓачот. За момент се чинеше дека има предност, а неговата партнерка му се придружи во обид да го совлада.
Heroes of Australia 🇦🇺 – the unknown heroes of Bondi
00:02 the purple shirted man grabs the gun from the terrorist and they both fall to the road
00:03 the woman runs in to help
00:10 the couple confront the terrorist, the man weilds the gun as a club and chases him#osint pic.twitter.com/8n1IMuOVBE
— Jonti Allegra (@JontiAllegra) December 16, 2025
Тие беа првите жртви на масакрот
Но 50-годишниот Акрам не се откажа. Тој се стрча кон човекот и зграпчи втор пиштол. Снимката од надзорната камера тука прекинува, а друга, снимена неколку моменти подоцна, ја открива ужасната вистина – Акрам го погуби парот од блиску. Тие починаа еден во друг во прегратка.
Се верува дека тие се првите жртви на смртоносниот поход што Саџид и неговиот 24-годишен син Навид Акрам го продолжиле од пешачкиот мост, при што загинале уште 13 лица, вклучувајќи жени, мажи и 10-годишната Матилда. Подоцнежните снимки од дрон ги прикажуваат телата на двојката како лежат едно до друго покрај автомобил со знаме на Исламската држава.
Полицијата на Нов Јужен Велс вчера потврди дека во „хондата“ на терористите биле пронајдени две импровизирани експлозивни направи и уште едно знаме на Исламската држава.
‘He went down fighting’: The father who died a hero after hurling a brick at Bondi gunman.
Live coverage: https://t.co/WMj0xdvIHx pic.twitter.com/YbMXPVvi2Y
— The Age (@theage) December 16, 2025
Фрлал тули кон напаѓачите
Бројот на жртви ќе беше поголем да не беше херојскиот одговор на овој пар, како и на други граѓани, како што се Ахмед ал-Ахмед и Реувен Морисон, кои се соочија со напаѓачите. Реувен Морисон (62) беше убиен додека се обидуваше сам и невооружен да ја заштити својата заедница. Тој се нафрли врз напаѓачите и фрлаше тули кон нив. „Според моите извори и разбирање, тој скокна штом почна пукањето. Успеа да фрли тули“, изјави ќерката на Морисон, Шејна Гутник, за „Си-би-ес њуз“.
„Тој викаше на терористот и беше убиен заштитувајќи ја својата заедница. Ако имаше еден начин да го напушти овој свет, тоа ќе беше борејќи се против терористите. Немаше друг начин да биде одземен од нас. Тој умре борејќи се и штитејќи ги луѓето што ги сакаше најмногу“, рече таа.
This is the footage of the bystander named Ahmed al Ahmed –a 43-year-old Sydney local who is Muslim and owns a fruit shop in Sutherland. He was shot twice himself. He is being praised on Australia media as saving lives of Jewish Australians during the terrorist attack: pic.twitter.com/RJf7mripp3
— (((DeanObeidallah))) (@DeanObeidallah) December 14, 2025
Ахмед ал-Ахмед го разоружа терористот со голи раце
Ахмед ал-Ахмед е херојот што му се спротивстави на Саџид Акрам и го собори. Тој се прикраде кон него на помалку од 100 метри од местото на кое беше убиен првиот пар. Криејќи се зад автомобил, тој го искористи моментот додека терористот пукаше кон посетителите на фестивалот, се нафрли врз него, му го грабна оружјето и го принуди да избега.
Ахмед, кој беше застрелан петпати во левата рака, закрепнува од операцијата. „Воопшто не се чувствува добро. Изрешетан е од куршуми. Нашиот херој се бори токму сега“, изјави Сем Иса, адвокатот на Ахмед. По посетата во болницата, премиерот Ентони Албанез го нарече Ахмед „вистински австралиски херој“.
„Се обидуваше да си го испие кафето и се најде во ситуација во која некој убиваше луѓе пред него“, рече Албанез. „Тој одлучи да дејствува, а неговата храброст е инспирација за сите Австралијци“.
Ahmed, you are an Australian hero.
You put yourself at risk to save others, running towards danger on Bondi Beach and disarming a terrorist.
In the worst of times, we see the best of Australians. And that’s exactly what we saw on Sunday night.
On behalf of every Australian, I… pic.twitter.com/mAoObU3TZD
— Anthony Albanese (@AlboMP) December 16, 2025
Двајца полицајци исто така се сериозно повредени во пукањето
Двајца полицајци, Скот Дајсон и Џек Хиберт, исто така беа сериозно повредени во пукањето и остануваат во болница. Фотографиите од местото на настанот ја покажаа шофершајбната изрешетана од куршуми на нивното полициско возило. Јан Алвуд, вршител на должноста претседател на Полициската асоцијација на Нов Јужен Велс, рече дека 25-годишниот Дајсон останува на интензивна нега.
View this post on Instagram
„Скот има значителни и сложени повреди. Тој сè уште е на интензивна нега и ќе биде уште некое време. Ќе му бидат потребни понатамошни операции. Неговата рехабилитација ќе биде сложена и долга. Тој е сериозно повреден со повеќекратни прострелни рани. Тоа е кошмар на секој родител. Го праќате вашето дете на работа, горди на него, и тој е застрелан. Не е фер. Тој не го заслужува ова“.
Крај на смртоносната серија
Видео објавено денес го прикажува моментот кога детектив се чини дека смртоносно го рани Саџид Акрам, само неколку минути откако Ахмед го разоружа. Акрам се врати на пешачкиот мост, каде што го почна нападот, зеде уште еден пиштол од својот син и повторно пукаше.
На видеото, кое стана вирално на социјалните мрежи, може да се види полицаец како се крие зад дрво и пука во напаѓачот на мостот. Полицијата сè уште официјално не го идентификувала полицаецот што го убил Саџид Акрам. Неговиот син Навид, кој беше тешко повреден во нападот, е во болница под полициска заштита.
Јавниот обвинител Љупчо Коцевски поднесе оставка
Републичкиот обвинител Љупчо Коцевски денеска поднесе неотповиклива оставка од функцијата. Тој кажа дека од почетокот тврдел дека евентуалната постапка за...
ДЗР утврди неправилности во финансиското работење на АД „Државна лотарија“ и можни злоупотреби со паричните средства во готово
Со извршената ревизија во АД Државна лотарија за 2024 година, утврдени се сериозни неправилности кои се поврзани со нелогични и...
При претреси во Виница и Виничко пронајдени шест метални детектори, кутија со 43 златни и сребрени монети: петмина уапсени
Вчера полициски службеници од ОВР Виница поради основано сомнение за сторено кривично дело „присвојување на добра под привремена заштита или...
(Видео) Манасиевски: Никој не сака да биде во тимот на Заев и Филипче
„Никој не му се нафаќа на Филипче да му биде дел од тимот, затоа што со Зоран Заев ја држат...
(Видео) Антикорупцискиот тим на СДСМ ја претстави новата платформа против корупција – МИЦКО: Пријавувајте!
„Антикорупцискиот тим на СДСМ, АКТ, ја претставува новата дигитална платформа за борба против корупцијата и криминалот. Македонски истражувачки центар за...
(Видео) Четворица херои се обидоа да ги спречат терористите во Сиднеј, само Ахмед преживеа
Црното знаме на Исламската држава, закачено на шофершајбната на сребрена „хонда“ паркирана покрај пешачкиот мост „Бонди бич“, беше злокобен вовед...
(Видео) Трамп: Искрено, Украина веќе изгуби територија
Американскиот претседател Доналд Трамп синоќа изјави дека договорот за завршување на војната во Украина е „поблиску од кога било“ откако...
(Видео) Државата Вашингтон нареди итна евакуација во три предградија на Сиетл
Властите во американската држава Вашингтон издадоа наредба за итна евакуација за три јужни предградија на Сиетл во понеделник откако попушти...
(Видео) Трамп ја тужи Би-би-си: бара 5 милијарди долари отштета
Американскиот претседател Доналд Трамп поднесе тужба од 5 милијарди долари против Би-Би-Си за манипулирање на неговиот говор на 6 јануари...
(Видео) Синот е одговорен за смртта на Роб Рајнер и неговата сопруга, соопшти полицијата во Лос Анџелес
Ник Рајнер е одговорен за смртта на неговите родители, Роб Рајнер и Мишел Сингер Рајнер, соопшти Полициската управа на Лос...
Австралискиот премиер: „Нападот беше мотивиран од ИСИС“; Сведоците опишуваат детали од ужасот
Новите изјави на австралискиот премиер Ентони Албанез, штотуку објавени од неговата канцеларија, произлегуваат од радио интервју за ABC Sydney. „Се...
Германија има план од 10 точки за Украина, објави „Ројтерс“
Германија ќе ја засили својата поддршка за одбраната на Украина преку план од 10 точки што вклучува заеднички инвестиции, понатамошна...
Светна новогодишната елка! Отворен и Божиќниот маркет во Скопје
Во Скопје вечерва светна новогодишната елка и официјално беше отворен Божиќниот маркет, со што симболично беше означен почетокот на празничната...
Зеленски: Не е постигнат компромис за територијалното прашање за време на преговорите во Берлин
Украинскиот претседател Володимир Зеленски изјави дека позициите на САД и Украина за поделбата на териториите сè уште се разликуваат. Тој...
Херојот Ахмед од Сиднеј би можел да ја загуби раката: „Сè би повторил“
Ахмед ал Ахмед, случаен минувач кој вчера херојски совлада и разоружа еден од напаѓачите на плажата Бонди, порача дека и...
(Фото) Фудбалер на македонскиот клуб „Рокдејл Илинден“ меѓу жртвите во нападот на плажата Бонди во Австралија
Меѓу убиените во вчерашниот терористички напад на плажата Бонди е и фудбалер на Рокдејл Илинден – клуб на македонската дијаспора...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
(Видео) Мицевски: Поднесовме Резолуција за осуда на манипулациите на опозицијата и за потврда на политиките против нелегалната миграција
Пратеничката група на ВМРО-ДПМНЕ, заедно со пратеници од коалицијата ВРЕДИ и ЗНАМ, ја поднесовме „Резолуцијата за осуда на манипулациите на...
(Видео) Крај на мигранти во Македонија се става само ако се потпише резолуцијата на СДСМ, рече Кузеска
„Со договорени мигранти за пари ДПМНЕ ја предаде Македонија, ја продаде за пари, за скапи кредит врз грбот на народот....
(Фото) 10-годишно девојче, двајца рабини и маж што го преживеал холокаустот: познати жртвите од Сиднеј
Во терористичкиот напад на плажата Бонди вчера беа убиени најмалку 15 цивили, од кои многумина го славеа првиот ден од...
