Црна хроника
Уапсена петчлена група фалсификатори на платежни картички
Единицата за борба против Компјутерски криминал при при МВР откри меѓународна криминална група составена од осум лица, кои на подрачјето на повеќе градови во Македонија вршеле нелегални трансакции со фалсификувани платежни картички
Криминалната група е составена од пет македонски државјани Л. Ј. (32) од с.Таринци – штипско, В.Г. (31), инаку суспендиран полициски службеник, Н.П.(21), Р.Т.(21) и И.С.(18), сите од Штип и три бугарски државјани А.П.(32), Н. В.И.(32) и И.К. (33). Сите се пријавени за кривични дела изработка и употреба на лажна платежна картичка и соизвршителство, освен И.К. кој е пријавен за помагање во врска со истите кривични дела.Како што соопшти МВР членовите на криминалната група во периодот од 17 до 25 јуни годинава во Скопје, Штип, Велес, Кавадарци, Радовиш и Охрид на повеќе банкомати на две домашни банки успеале да извршат вкупно 110 успешни нелегални трансакции со кои земале 1.033.000 денари.Двајца од осомничените Л.Ј. и А.П. набавиле фалсификувани платежни картички и истите ги употребиле на повеќе банкомати, а дел од фалсификуваните платежни картички им ги давале на другите осомничени кои за одреден надомест од подигнатата сума вршеле нелегални трансакции.Четири члена на криминалната група се приведени во моментот кога ги вршеле нелегални трансакции на два банкомати на домашна банка во Штип.Истражен судија на Л.Ј. и тројцата бугарски државјани им одреди мерка притвор од 30 дена, а додека на останатите четворица пријавени им е одредена мерка куќен притвор во траење од 30 дена.ЕБПКК презема дополнителни мерки и активности за откривање и на други лица поврзани со оваа криминална група, соопштуваат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.
Црна хроника
Пожар во Дом за стари лица во струмичко Банско, нема повредени
Пожар синоќа избил во Дом за стари лица во село Банско, Струмичко. Нема повредени лица, предизвикана е само материјална штета, соопшти Центарот за управување со кризи (ЦУК).
Според Регионалниот центар за управување со кризи – Струмица, пожарот бил пријавен околу 23.30 часот. Во гаснењето на пожарот интервенирале седум пожарникари со две противпожарни возила. Пожарот целосно е изгаснат во 50 минути по полноќ.
– Прво биле евакуирани лица од катот каде што бил пожарот, потоа од долните катови. По целосното гаснење на пожарот, евакуираните лица полека се вратени на местата, собите од каде што биле евакуирани. Причината за пожарот и материјалната штета дополнително ќе бидат утврдени, појаснуваат од ЦУК.
Во денешното соопштение се наведува и дека изминатото деноноќие имало вкупно 1.759 повици на единствениот повикувачки број за итни случаи – 112 во ЦУК.
Црна хроника
Притвор за осомничен за спречување на полициски службеници да фатат побегнат затвореник
Основното јавно обвинителство Кавадарци поведе постапка против 18-годишник за кого постои основано сомнение дека сторил кривично дело – Спречување службено лице во вршење службено дејствие од член 382 став 3 во врска со став 2 и став 1 од Кривичниот законик.
На 2 мај, во куќа на улицата “Димката А. Габерот” во Кавадарци, двајца инспектори од МВР преземале службено дејствие – фаќање побегнат затвореник од КПУ Гевгелија, кој бил роднина на сега осомничениот.
Затвореникот давал отпор при обидот да биде лишен од слобода за доизвршување на затворската казна, во што сега осомничениот го поддржал, се нафрлил врз еден од полициските службеници, го влечел и го гребел, нанесувајќи му телесни повреди.
Затвореникот успеал да се ослободи и да побегне, но подоцна бил фатен и вратен во затворот. Осомничениот исто така избегал во прв момент, но бил лишен од слобода, а по предлог на јавниот обвинител, Основниот суд во Кавадарци му определи притвор во траење од осум дена.