Црна хроника
Во Охрид уапсена 10-члена група по серијата тешки кражби
По серијата тешки кражби што во изминатиот период се случија во Охрид и околината, тамошната полиција откри и поднесе кривични приајви против 10 лица од Прилеп, Скопје, Ресен и Охрид, кои извршиле повеќе од 40 кражби.
Двајца од пријавените, 38 и 41-годишен прилепчанец на 31-ви мај од стан во Охрид, одзеле поголемо количество златен накит, поголема сума денари и австралиски долари, со што се стекнале со „противправна имотна корист“ од повеќе од 100 илјади денари. Двајцата со алати ја отвориле бравата од влезната блиндор врата и откако го пребарале станот успеале, да го пронајдат и одземат, златниот накит и парите. Инаку се работи за нова група сторители на тешки кражби, која од Прилеп, доаѓа во Охрид, специјално за вршење вакви кражби, велат од охридската полиција. И за оваа група, во СВР Охрид, биле прибрани оперативни сознанија, што резултираше со брзо пронаоѓање и приведување. На почетокот на минатиот месец, 23-годишен охриѓанец, префрлувајќи се преку отворот на таванот од две соседни куќи одзел поголемо количество златен накит и пари во вредност од 1.229.200 денари. Претходно во март годинава 21-годишен жител на Ресен, извршил вкупно десет тешки кражби во Охрид, и приградските населби Косел, Лескоец, Плаќе, Оровник и Волино, одземајќи казани и делови од казани за варење ракија, електрични кабли за струја, метални цевки, во вкупна вредност од 150 илјади денари.Охридската полиција привела и 43-годишен жител на скопско Зелениково, кој баран од Основниот Суд во Скопје, за издржување на шестмесечна затворска казна , кој во македонското подземје бил познат како специјалист за разбивање сигурносни брави, кој со употреба на сет штрафцигери, насилно влегувал во куќи и деловни објекти низ Охрид.На истиот начин, оперирал и 24-годишен охриѓанец кој од повеќе куќи, станови и деловни објекти низ Охрид, одзел пари, повеќе телевизори, сребрени монети и златен накит, во вредност од повеќе од 500 илјади денари. Преку добро разработен систем, и со употреба на цела гарнитура штрафцигери, во Охрид, во февруари годинава, оперирала и група од еден скопјанец и тројца прилепчани, ан возраст меѓу 27 и 32 години. Тие, насилно влегувале во повеќе деловни објекти во Косел и Охрид, одземајќи пари, и разни колонијални производи, при што, се стекнале со противправна имотна корист, од близу 40 илјади денари. Тие покрај тоа што со штрафцигерите ги обивале буренцињата од влезните врати на објектите, се прекачувале и преку балкони, ги користеле металните конструкции по дворовите, кршеле прозорци, по што вршеле откако ќе ги пребарале просториите одземале пари и други вредни предмети./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.