Свет
Над три милиони луѓе побегнале од Украина, преговорите продолжуваат утре
Денеска е 20-ти ден од руската инвазија на Украина. Во тек се преговори меѓу двете страни.
Клучни настани
- Во Киев утрово се слушнале силни експлозии. Погодени се згради, куќа, метро станица… Има загинати
- Продолжуваат преговорите меѓу Русија и Украина
- Американските извештаи тврдат дека Русија побарала воена помош од Кина. Кина ги негира обвинувањата, а САД се закануваат со економски последици
- Русија продолжува да ги бомбардира украинските градови, а нападнат е и блок во Киев
- Конвој од 160 автомобили тргна од Мариупол. Ова е прв успешен обид да се организира хуманитарен коридор од тој украински град
- ЕУ воведе нови санкции против Русија
- Од вечерва до 17 март се воведува полициски час во Киев
Од минута во минута:
22:00 Русија се откажа од барањето Украина да се предаде, вели помошник на Зеленски
Игор Жовква, заменик шефот на кабинетот на претседателот на Украина, вели дека разговорите меѓу руските и украинските претставници станале поконструктивни. Тој нагласува дека Москва го променила својот тон и престанала да бара предавање на Украина, на што се инсистирало за време на претходните разговори.
21:30 Руско-украинските преговори продолжуваат утре
Руско-украинските преговори ќе продолжат утре, соопшти денеска советникот на шефот на кабинетот на украинскиот претседател, Михаил Подољак.
Како што наведе тој, има суштински противречности во позициите на руската и украинската делегација на разговорите, но постои и можност за компромис, пренесува „Спутник“.
„Повеќе од 40.000 Сиријци досега се пријавиле да одат во Украина да се борат на руска страна“, вели Рами Абдел Рахман, директор на SOHR, невладина организација со седиште во Велика Британија, која има широка мрежа на извори во Сирија.
20:56 Словачка одобри распоредување на трупи на НАТО на нејзината територија
Словачкиот парламент го одобри распоредувањето на странски војници на НАТО во земјата, чија бројка би можела да достигне 2.100.
20:30 Во Чернобил повторно има струја
Нуклеарната централа во Чернобил е повторно приклучена на мрежата, пренесува „Скај њуз“, додавајќи дека оваа информација доаѓа од МААЕ, Меѓународната агенција за атомска енергија.
19:51 Повеќе од 3 милиони луѓе ја напуштиле Украина
Повеќе од 3 милиони луѓе ја напуштиле Украина од почетокот на руската инвазија, соопштија ОН.
Според агенцијата за бегалци на ОН (УНХЦР), од 24 февруари земјата ја напуштиле 3.000.381 лице, а се очекува вкупниот број да се искачи на најмалку 4 милиони.
Бројот на внатрешно раселени лица во Украина се проценува на 1,85 милиони, соопштија ОН минатата недела, а тој број може да достигне речиси 7 милиони во наредните месеци.
19:44 Бајден следната недела доаѓа во Европа
Портпаролката на Белата куќа, Џен Псаки, денеска одби да каже дали американскиот претседател ќе отпатува во Полска, како што објавија некои медиуми, кога следнaта седмица ќе ја посети Европа.
18:48 Заменик-градоначалникот на Мариупол: Русите држат пациенти како заложници
Заменик-градоначалникот на Мариупол, Сергеј Орлов соопшти дека руските војници ги зеле како заложници персоналот и пациентите на болницата во Мариупол.
„Добивме информации дека руската армија ја зазела нашата најголема болница… и дека нашите пациенти и лекари се користат како заложници“, нагласи тој.
18:35 Русија официјално го напушти Советот на Европа
Русија денеска формално го напушти Советот на Европа, водечка организација за човекови права, спречувајќи евентуално протерување поради воената агресија врз соседната Украина.
18:30 Младa украинскa новинарка убиенa во близина на Киев
Во близина на Киев е убиена и младата украинска новинарка Александра Кувшинова, јавуваат странските медиуми. Според информациите, таа била на теренот заедно со тимот на „Фокс њуз“ чиј снимател беше убиен, а дописникот ранет.
18:27 Пронајдени седум тела по руско бомбардирање во Миколајив
Седум тела се пронајдени во урнатините на училишна зграда во Миколајив, уништена од руските воздушни напади во неделата наутро, соопштија денеска украинските власти.
Од под урнатините се извлечени и ранети лица, се вели во соопштението на украинската Служба за вонредни ситуации. Спасувачките екипи денеска ја завршија работата за расчистување на урнатините.
18:23 Русија му забрани на канадскиот премиер влез во земјата
Русија забрани влез во земјата за канадскиот премиер Џастин Трудо, канадската министерка за надворешни работи Мелани Џоли и канадската министерка за одбрана Анита Ананд, објави руското Министерство за надворешни работи на „Твитер“.
18:05 Oсудена новинарката која упадна во програма во живо, но тоа не е крај на постапката
Според руските медиуми, на неа денеска ѝ се судело за непријавен јавен собир, а за тоа е предвидена казна затвор од 10 дена, 50 часа јавна работа или парична казна од 30.000 рубљи, што е околу 250 евра.
17:23 Во близина на Киев погоден автомобил со новинари, загина снимател на „Фокс њуз“
Извршнaта директорка на „Фокс њуз“, Сузан Скот потврди дека нивниот снимател Пјер Закржевски бил убиен додека ја пренесувал ситуацијата од Украина.
16:36 Русија воведе санкции за Бајден
Русија воведе санкции против американскиот претседател Џо Бајден, државниот секретар Eнтони Блинкен и други американски претставници, се вели во денешното соопштение на руското Министерство за надворешни работи.
16:18 Столтенберг: Загрижени сме дека Русија може да употреби хемиско оружје
„Загрижени сме дека Москва би можела да изврши операција под лажно знаме во Украина, веројатно со хемиско оружје“, рече Столтенберг на прес-конференција, а пренесува „Ројтерс“.
16:00 Шефот на НАТО: Дронот бил невооружен и паднал надвор од Загреб
„Разговарав со Пленковиќ во неделата, соработуваме за да ги утврдиме сите факти. Прелиминарните индиции велат дека дронот не бил вооружен, дека бил надвор од курсот, дека останал без гориво и се урнал надвор од Загреб“, рече Столтенберг.
15:37 Зеленски: Украина мора да се помири дека нема да влезе во НАТО
Украинскиот претседател Володимир Зеленски изјави дека Украина мора да се помири со неприклучување кон НАТО, пренесува АФП.
? LIVE SOON (15:00 CET)
Pre-ministerial press conference ahead of #NATO #DefMin
? @NATO HQ, Brussels https://t.co/t9v9SGOD2b
— Jens Stoltenberg (@jensstoltenberg) March 15, 2022
15:23 Украински преговарач: Разговараме за прекин на огнот и повлекување на руските војници
Киев и Москва денеска ја продолжија четвртата рунда преговори, соопшти шефот на украинската преговарачка делегација Михаил Подољак, информирајќи дека на дневен ред се преговорите за прекин на огнот.
„Консултациите започнаа. Општи одредби на дневен ред. Прекин на огнот, повлекување на војниците од нашата територија“, напиша Подољак, кој е и советник на украинскиот претседател Володимир Зеленски.
15:00 Преговорите продолжија
Украинскиот преговарач и советник на претседателот Зеленски рече дека во тек се разговорите со Русите.
14:14 (Видео) Кличко: Четворица загинати во Киев во текот на ноќта
Четири лица загинаа во бомбардирањето во текот на ноќта, изјави градоначалникот Виталиј Кличко.
„Спасувачите се’ уште го гаснат пламенот“, изјави тој.
Кличко објави и видео од зграда која била бомбардирана во Киев.
13:45 Лукашенко со закана: Ако одговориме, сите ќе почувствуваат
Претседателот на Белорусија Александар Лукашенко изјави дека земјата не учествува во воената операција во Украина.
„ Немаме што да правиме таму, не сме поканети таму“, рече Лукашенко.
„ Ако одговориме, ќе одговориме пристојно и тоа сите ќе го почувствуваат. Засега толерираме“, рече претседателот на Белорусија.
13:23 ОН: Не треба да се казнува жената која протестираше на руската телевизија
Портпаролката на Канцеларијата на ОН за човекови права, Равина Шамдасани, на брифинг во Женева рече дека руските власти треба да се погрижат жените да не се соочат со одмазда поради искористување на своето право на слобода на изразување, пренесува „Ројтерс“.
13:17 Кремљ ја нарече хулиганка новинарката која влета во програма во живо
Кремљ соопшти дека постапките на Марина Овсијаникова, која ги прекина вестите во живо на руската државна телевизија Канал 1 за да ја осуди војната во Украина, се „хулиганство“.
Овсјаникова, инаку една од уредничките на телевизијата, во чин на несогласување со војната во Украина, држеше натпис зад водителката во студиото и извикуваше слогани против војната, објави „Ројтерс“.
13:14 (Видео) Украинската војска објави видео од уништен руски конвој
Украинските сили објавија снимка од пат полн со уништени и напуштени руски возила.
Снимката трае три минути, а возењето е цело време по каллив и заледен пат. Според описот на видеото, станува збор за регион околу Харков, град во источна Украина кој со недели е сцена на жестоки борби.
13:00 Во Шпанија брашното и зејтинот се распродадени, во Германија се стравува од недостиг
„Сончогледовото масло е производ кој сега е тешко да се најде во продавниците. Нарачавме нови количества, но со денови нема испораки“, објави продавачка од супермаркет во Барселона, пренесуваат шпанските медиуми.
12:30 Зеленски: Путин ќе таргетира и други европски земји, сите сте цел
Утринава во живо обраќајќи им се на западните лидери, украинскиот претседател Володимир Зеленски повика на поголема поддршка и предупреди дека Русија би можела да цели и на други делови од Европа.
12:00 Кремљ ги предупреди САД за нуклеарниот договор
Кремљ денеска предупреди дека Соединетите Држави треба да се погрижат националните интереси на Русија да бидат целосно земени в предвид во иранскиот нуклеарен договор.
11:33 Досега речиси три милиони луѓе ја напуштија Украина
Агенцијата на ОН за бегалци ги објави најновите информации за бројот на Украинците кои бегаат од војната.
„Вкупно 2,95 милиони Украинци ги напуштија своите домови, а 1,8 милиони влегоа во Полска. Други отпатуваа во Унгарија, Романија и Словачка“, велат тие.
УНИЦЕФ потврди дека 73.000 деца од Украина станале бегалци од почетокот на конфликтот. Околу 300.000 украински бегалци влегле во Западна Европа.
11:26 Украина издаде предупредување за воздушен напад низ целата земја
Киев објави полициски час во времетраење од 35 часа поради континуираното гранатирање.
11:12 Руски службеник доби отказ откако објави дека Кина ѝ кажала „НЕ“ на Русија
Руските воздухопловни власти отпуштија службеник кој минатата недела рече дека Кина одбила да им испорача на руските авиокомпании делови за авиони, по санкциите на Западот, објави „Комерсант“, цитирајќи извори и официјални лица.
Валериј Кудинов, претставник на руската Федерална агенција за воздушен транспорт (Росавијација) задолжен за одржување на пловидбеноста на авионот, рече дека Русија преговара за купување делови од земји, вклучително и Турција и Индија, по неуспешниот обид да ги набави од Кина.
10:50 Зеленски: Тие сфатија дека со војна нема да постигнат ништо
Претседателот на Украина, Володимир Зеленски, доцна синоќа преку социјалните мрежи повторно и се обрати на нацијата, истакнувајќи дека непријателот е збунет, не очекувал таков отпор во Украина.
„ Заврши 19-тиот ден од нашиот отпор, историската војна. Уште еден тежок ден, кој не приближува до победата, го приближува мирот во Украина. Непријателот е збунет како и порано. Тие не очекуваа таков отпор. Тие веруваа во својата пропаганда која лажеше за нас со децении. Но, тие веќе почнаа да сфаќаат дека со војната нема да постигнат ништо. Тие бегаат од бојното поле, ја напуштаат опремата. Ние земаме трофеи и ги користиме за одбрана на Украина. Руските војници се всушност еден од добавувачите на опрема за нашата армија денес. Ова не можеа да го видат ниту во најлошиот сон“, рече Зеленски за време на говорот на социјалните мрежи.
10:50 Тројца премиери на ЕУ, меѓу кои и словенечкиот заминуваат за Украина
Премиерите на Чешка, Полска и Словенија ќе отпатуваат за Киев за да се сретнат со претседателот Володимир Зеленски како претставници на Европската унија, објави чешкиот премиер Петр Фиала на социјалните мрежи
10:42 ЕУ воведува нови санкции против Русија – најсилни во историјата
Европската унија утрово официјално го договори четвртиот пакет санкции против Русија, вклучувајќи замрзнување на имотот и забрана за патување на Роман Абрамович. Сите детали се очекува да бидат објавени подоцна денеска.
Санкциите се насочени кон 600 руски граѓани, што францускиот министер за финансии Бруно Ле Мер го нарече „историска одлука“.
„ Тоа е најбрзиот, најсилниот пакет санкции што Европската унија некогаш го усвоила во својата историја“, рекоа министрите.
9:32 Конашенков: Русите ја контролираат целата територија на Херсон
Вооружените сили на Русија презедоа целосна контрола над целата територија на Херсон, изјави денеска портпаролот на руското Министерство за одбрана Игор Конашенков. Тој наведува и дека руската армија во последните 24 часа соборила два украински авиони, еден хеликоптер и 13 дронови, пренесува руската агенција Тасс.
9.05 (Видео) Силни експлозии одекнаа утрово во Киев
Од утрово во Киев одекнуваат експлозии.
Според украинските медиуми, погодена е станбена зграда, а повредено е едно лице.
Пожарот избувнал на првите пет ката од 10-катница, нема загинати но има едно лице повредено и итно пренесено во болница, соопштија украинските служби.
У Києві – повітряна тривога, пролунали декілька вибухівhttps://t.co/bHi4gyer98 pic.twitter.com/UWnOEdP70E
— Ukrinform (@UKRINFORM) March 15, 2022
8:55 САД ѝ се заканија на Кина: Ќе бидете изолирани ако ѝ помогнете на Русија
Американскиот советник за национална безбедност Џејк Саливан ја предупреди Кина дека ќе биде изолирана доколку ја поддржи Русија во нејзината агресија против Украина.
Тој му рекол на високиот кинески дипломат Јанг Џичи дека Пекинг може да се соочи со економски казни и глобална изолација доколку и помогне на Русија, објави „Ројтерс“.
8:48 Хаг утре ќе донесе пресуда за тужбата на Украина против Русија
Меѓународниот суд на правдата во Хаг соопшти дека утре ќе донесе пресуда за тужбата на Украина против Русија, пренесува „Ројтерс“.
На сослушувањата пред судот на ОН во Хаг се појави само украинската делегација, додека руската страна одлучи да не присуствува на седниците.
8:37 Цените на нафтата паѓаат втор ден по ред
Цените на нафтата утрово дополнително паднаа, додека пред една недела беа над 130 долари за барел. Утрово цената на барелот на лондонскиот пазар потона за 4,05 отсто, на 102,60 долари, додека на американскиот пазар барелот падна за 4,10 отсто, на 98,80 долари.
8:33 Украина: Евакуирани повеќе од 4.000 луѓе
Украина вчера успеа да евакуира повеќе од 4.000 луѓе од градовите од првите борбени линии, изјави заменик-премиерката на Украина, Ирина Верешук.
Таа во видео изјава рече дека се евакуирани преку седум хуманитарни коридори, пренесе „Ројтерс“.
8:30 Киев: Мировен договор најрано за една недела
Олексиј Арестович, советник на шефот на кабинетот на Владимир Зеленски, рече дека мировниот договор меѓу Русија и Украина може да биде постигнат најрано за една до две недели, а најдоцна во мај.
„ Мислам дека треба да постигнеме мировен договор најдоцна до мај, а можеби и многу побрзо“, рече Арестович, пренесе РИА Новости.
8:27 Властите на Запорожје: Киднапираниот градоначалник е приведен во Луганск
Градоначалникот на Мелитопол, Иван Федоров, за кого украинската страна тврди дека бил киднапиран од руските сили, најверојатно бил однесен во Луганск, каде го држи руската армија, соопшти синоќа регионалната воена управа на Запорожје.
„ Според достапните информации, киднапираниот градоначалник на Мелитопол, Иван Федоров, е задржан од рускиот окупатор во Луганск, каде е обвинет за тероризам“, се вели во соопштението, пренесе Укринформ.
8:20 Повреден репортер на „Фокс њуз“
Репортер на „Фокс њуз“, Бенџамин Хол, синоќа беше повреден додека известуваше од околината на Киев. Тој е хоспитализиран, објави американската медиумска куќа.
Хол работи како дописник од Вашингтон и го покрива американскиот Стејт департмент за „Фокс њуз“, каде што работи од 2015 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Српскиот министер за култура фалсификувал документи за луксузниот проект на зетот на Трамп
Српското обвинителство за организиран криминал вчера поведе обвинение против министерот за култура Никола Селаковиќ и уште тројца за злоупотреба на службената должност и фалсификување документи во врска со проект за луксузни недвижности поврзан со Џаред Кушнер, зет на американскиот претседател Доналд Трамп, објави „Еј-би-си њуз“.
Истрагата се фокусира на контроверзната реконструкција на срушениот воен комплекс во центарот на Белград, Генералштабот, кој беше заштитено место на културното наследство, а сега е предвидено за изградба на луксузен комплекс. Селаковиќ, близок соработник на претседателот Александар Вучиќ, и другите обвинети се теретат за нелегално одземање на заштитениот статус на локацијата со фалсификување документи.
Српската влада потпиша договор за закуп на 99 години со американската компанија „Афинити глобал девелопмент“, која е поврзана со Кушнер. Кушнер во тоа време потврди дека неговата компанија планира да го финансира проектот од 500 милиони долари, кој би вклучувал облакодер со хотел, луксузни станови, канцелариски простор и продавници. Сè уште не е познато кога би можело да почне судењето.
Владата го поддржува проектот и покрај истрагата
Предлогот за изградба на местото на поранешниот Генералштаб има силна поддршка од владата на Вучиќ, но се соочи со жесток отпор од експерти во Србија и странство, како и од пошироката јавност. Минатиот месец српскиот парламент донесе посебен закон со кој се отвора патот за изградба и покрај тековната истрага.
Претседателот Вучиќ изјави дека проектот е добар за односите на Србија со САД и дека ќе го помилува секој што е осуден во случајот. „Јас сум виновен“, рече тој неодамна. „Јас сум оној што сакаше да ја модернизира Србија. Јас сум оној што сакаше да привлече голем инвеститор“.
Симбол на отпор кон НАТО
Критичарите истакнуваат дека зградата е архитектонски споменик, кој се смета за симбол на отпор кон бомбардирањето на НАТО, што сè уште се смета за неправедна агресија во Србија. Србија беше бомбардирана 78 дена во 1999 година за да се принуди тогашниот претседател Слободан Милошевиќ да ја прекине репресијата врз Албанците во Косово.
Анти-НАТО расположението останува силно, што ја прави улогата на американската компанија во пренамената на воените згради особено чувствително прашање за многумина во Србија. Срушените згради се сметаат за врвни примери на архитектурата од средината на 20 век во поранешна Југославија, пишува „Еј-би-си њуз“.
Свет
Зеленски кажа што очекува од Америка ако Русија го отфрли новиот мировен план
Украинскиот претседател Володимир Зеленски изјави дека очекува Соединетите Американски Држави, предводени од Доналд Трамп, да извршат силен притисок врз Русија ако Москва ги отфрли мировните услови договорени со Вашингтон и Европа. Зеленски го изјави ова за време на летот назад од Берлин по вчерашните разговори, објавува „Украинска правда“.
На прашањето на новинарите што би се случило ако Кремљ ги отфрли договорите што ги финализираат Украина, САД и Европа, Зеленски одговори со доза хумор.
„Ако Путин отфрли сè, тогаш ќе го имаме она што ни се случува токму сега во авионот – турбуленции. Ова навистина се случува сега“, се пошегува тој. „Но, секако, не е толку сериозно во споредба со војната. И во споредба со она што би се случило ако Путин ги уништи сите дипломатски можности и подготвеноста на Украина, Европа и на САД“.
Зеленски објасни дека во ова сценарио би било логично САД да го зголемат притисокот врз Русија и да ја прошират воената помош за Украина.
„Мислам дека Америка би извршила притисок врз Русија со санкции и би ни обезбедила повеќе оружје ако тој одбие сè. Мислам дека тоа би било фер барање од наша страна кон Американците. Бидејќи, според мене, логиката е следна: ако Американците се подготвени да обезбедат безбедносни гаранции за Украина и да применат силни гаранции ако Путин ги прекрши, тогаш искрено кажете ми како ова се разликува од ситуацијата во која Путин, едноставно, не сака да ја заврши војната?“, рече Зеленски.
„Верувам дека би било фер барање од мене како претседател и од некои европски лидери да ни дадат барем дел од тие гаранции за да можеме да се одбраниме од Путин. Воздушна одбрана и оружје со долг дострел“, заклучи тој.
За време на брифингот, Зеленски откри дека, по разговорите, ќе бидат формализирани пет документи поврзани со безбедносните гаранции и реконструкцијата на земјата. Тој нагласи дека е постигнат сериозен напредок по прашањето на гаранциите и го повтори цврстиот став на Украина дека нема да се согласи на де јуре или де факто признавање на окупираниот Донбас како руска територија. Во меѓувреме, американските медиуми, повикувајќи се на свои извори, објавуваат дека Вашингтон верува оти 90 % од несогласувањата меѓу Украина и Русија се веќе решени.
фото/депозитфотос
Свет
(Видео) Четворица херои се обидоа да ги спречат терористите во Сиднеј, само Ахмед преживеа
Црното знаме на Исламската држава, закачено на шофершајбната на сребрена „хонда“ паркирана покрај пешачкиот мост „Бонди бич“, беше злокобен вовед на терористичкиот напад што го потресе Сиднеј. Смртоносниот симболизам првпат го забележа храбар пар, кој се обиде да го запре напаѓачот пред да биде испукан еден истрел, а тие платија за својот херојски чин со своите животи, пишува австралискиот The Age.
Средовечен пар се нафрли врз напаѓачите штом излегоа од својот автомобил
Неидентификуваниот пар шеташе во неделата попладне кога Саџид Акрам излезе од својот автомобил, вооружен со пушка со една намера – да убие невини Евреи, кои ја слават Ханука. Човекот во виолетовата кошула, како што сега е познат во јавноста, се фрли врз Акрам без двоумење.
Тој го собори на една од најпрометните улици во Сиднеј и му го грабна пиштолот од рацете. Додека преплашените минувачи се криеја, човекот го насочи пиштолот кон напаѓачот. За момент се чинеше дека има предност, а неговата партнерка му се придружи во обид да го совлада.
Heroes of Australia 🇦🇺 – the unknown heroes of Bondi
00:02 the purple shirted man grabs the gun from the terrorist and they both fall to the road
00:03 the woman runs in to help
00:10 the couple confront the terrorist, the man weilds the gun as a club and chases him#osint pic.twitter.com/8n1IMuOVBE
— Jonti Allegra (@JontiAllegra) December 16, 2025
Тие беа првите жртви на масакрот
Но 50-годишниот Акрам не се откажа. Тој се стрча кон човекот и зграпчи втор пиштол. Снимката од надзорната камера тука прекинува, а друга, снимена неколку моменти подоцна, ја открива ужасната вистина – Акрам го погуби парот од блиску. Тие починаа еден во друг во прегратка.
Се верува дека тие се првите жртви на смртоносниот поход што Саџид и неговиот 24-годишен син Навид Акрам го продолжиле од пешачкиот мост, при што загинале уште 13 лица, вклучувајќи жени, мажи и 10-годишната Матилда. Подоцнежните снимки од дрон ги прикажуваат телата на двојката како лежат едно до друго покрај автомобил со знаме на Исламската држава.
Полицијата на Нов Јужен Велс вчера потврди дека во „хондата“ на терористите биле пронајдени две импровизирани експлозивни направи и уште едно знаме на Исламската држава.
‘He went down fighting’: The father who died a hero after hurling a brick at Bondi gunman.
Live coverage: https://t.co/WMj0xdvIHx pic.twitter.com/YbMXPVvi2Y
— The Age (@theage) December 16, 2025
Фрлал тули кон напаѓачите
Бројот на жртви ќе беше поголем да не беше херојскиот одговор на овој пар, како и на други граѓани, како што се Ахмед ал-Ахмед и Реувен Морисон, кои се соочија со напаѓачите. Реувен Морисон (62) беше убиен додека се обидуваше сам и невооружен да ја заштити својата заедница. Тој се нафрли врз напаѓачите и фрлаше тули кон нив. „Според моите извори и разбирање, тој скокна штом почна пукањето. Успеа да фрли тули“, изјави ќерката на Морисон, Шејна Гутник, за „Си-би-ес њуз“.
„Тој викаше на терористот и беше убиен заштитувајќи ја својата заедница. Ако имаше еден начин да го напушти овој свет, тоа ќе беше борејќи се против терористите. Немаше друг начин да биде одземен од нас. Тој умре борејќи се и штитејќи ги луѓето што ги сакаше најмногу“, рече таа.
This is the footage of the bystander named Ahmed al Ahmed –a 43-year-old Sydney local who is Muslim and owns a fruit shop in Sutherland. He was shot twice himself. He is being praised on Australia media as saving lives of Jewish Australians during the terrorist attack: pic.twitter.com/RJf7mripp3
— (((DeanObeidallah))) (@DeanObeidallah) December 14, 2025
Ахмед ал-Ахмед го разоружа терористот со голи раце
Ахмед ал-Ахмед е херојот што му се спротивстави на Саџид Акрам и го собори. Тој се прикраде кон него на помалку од 100 метри од местото на кое беше убиен првиот пар. Криејќи се зад автомобил, тој го искористи моментот додека терористот пукаше кон посетителите на фестивалот, се нафрли врз него, му го грабна оружјето и го принуди да избега.
Ахмед, кој беше застрелан петпати во левата рака, закрепнува од операцијата. „Воопшто не се чувствува добро. Изрешетан е од куршуми. Нашиот херој се бори токму сега“, изјави Сем Иса, адвокатот на Ахмед. По посетата во болницата, премиерот Ентони Албанез го нарече Ахмед „вистински австралиски херој“.
„Се обидуваше да си го испие кафето и се најде во ситуација во која некој убиваше луѓе пред него“, рече Албанез. „Тој одлучи да дејствува, а неговата храброст е инспирација за сите Австралијци“.
Ahmed, you are an Australian hero.
You put yourself at risk to save others, running towards danger on Bondi Beach and disarming a terrorist.
In the worst of times, we see the best of Australians. And that’s exactly what we saw on Sunday night.
On behalf of every Australian, I… pic.twitter.com/mAoObU3TZD
— Anthony Albanese (@AlboMP) December 16, 2025
Двајца полицајци исто така се сериозно повредени во пукањето
Двајца полицајци, Скот Дајсон и Џек Хиберт, исто така беа сериозно повредени во пукањето и остануваат во болница. Фотографиите од местото на настанот ја покажаа шофершајбната изрешетана од куршуми на нивното полициско возило. Јан Алвуд, вршител на должноста претседател на Полициската асоцијација на Нов Јужен Велс, рече дека 25-годишниот Дајсон останува на интензивна нега.
View this post on Instagram
„Скот има значителни и сложени повреди. Тој сè уште е на интензивна нега и ќе биде уште некое време. Ќе му бидат потребни понатамошни операции. Неговата рехабилитација ќе биде сложена и долга. Тој е сериозно повреден со повеќекратни прострелни рани. Тоа е кошмар на секој родител. Го праќате вашето дете на работа, горди на него, и тој е застрелан. Не е фер. Тој не го заслужува ова“.
Крај на смртоносната серија
Видео објавено денес го прикажува моментот кога детектив се чини дека смртоносно го рани Саџид Акрам, само неколку минути откако Ахмед го разоружа. Акрам се врати на пешачкиот мост, каде што го почна нападот, зеде уште еден пиштол од својот син и повторно пукаше.
На видеото, кое стана вирално на социјалните мрежи, може да се види полицаец како се крие зад дрво и пука во напаѓачот на мостот. Полицијата сè уште официјално не го идентификувала полицаецот што го убил Саџид Акрам. Неговиот син Навид, кој беше тешко повреден во нападот, е во болница под полициска заштита.
(Видео) СДСМ бара оставка од директорката на ГАК по смртта на новороденчето: „Има сомнежи за лекарска грешка“
СДСМ бара оставка од директорката на Клиниката за гинекологија и акушерство по смртта на новороденчето. „Денеска со огорченост стоиме пред...
Јавниот обвинител Љупчо Коцевски поднесе оставка
Републичкиот обвинител Љупчо Коцевски денеска поднесе неотповиклива оставка од функцијата. Тој кажа дека од почетокот тврдел дека евентуалната постапка за...
ДЗР утврди неправилности во финансиското работење на АД „Државна лотарија“ и можни злоупотреби со паричните средства во готово
Со извршената ревизија во АД Државна лотарија за 2024 година, утврдени се сериозни неправилности кои се поврзани со нелогични и...
При претреси во Виница и Виничко пронајдени шест метални детектори, кутија со 43 златни и сребрени монети: петмина уапсени
Вчера полициски службеници од ОВР Виница поради основано сомнение за сторено кривично дело „присвојување на добра под привремена заштита или...
(Видео) Манасиевски: Никој не сака да биде во тимот на Заев и Филипче
„Никој не му се нафаќа на Филипче да му биде дел од тимот, затоа што со Зоран Заев ја држат...
(Видео) Антикорупцискиот тим на СДСМ ја претстави новата платформа против корупција – МИЦКО: Пријавувајте!
„Антикорупцискиот тим на СДСМ, АКТ, ја претставува новата дигитална платформа за борба против корупцијата и криминалот. Македонски истражувачки центар за...
(Видео) Четворица херои се обидоа да ги спречат терористите во Сиднеј, само Ахмед преживеа
Црното знаме на Исламската држава, закачено на шофершајбната на сребрена „хонда“ паркирана покрај пешачкиот мост „Бонди бич“, беше злокобен вовед...
(Видео) Трамп: Искрено, Украина веќе изгуби територија
Американскиот претседател Доналд Трамп синоќа изјави дека договорот за завршување на војната во Украина е „поблиску од кога било“ откако...
(Видео) Државата Вашингтон нареди итна евакуација во три предградија на Сиетл
Властите во американската држава Вашингтон издадоа наредба за итна евакуација за три јужни предградија на Сиетл во понеделник откако попушти...
(Видео) Трамп ја тужи Би-би-си: бара 5 милијарди долари отштета
Американскиот претседател Доналд Трамп поднесе тужба од 5 милијарди долари против Би-Би-Си за манипулирање на неговиот говор на 6 јануари...
(Видео) Синот е одговорен за смртта на Роб Рајнер и неговата сопруга, соопшти полицијата во Лос Анџелес
Ник Рајнер е одговорен за смртта на неговите родители, Роб Рајнер и Мишел Сингер Рајнер, соопшти Полициската управа на Лос...
Австралискиот премиер: „Нападот беше мотивиран од ИСИС“; Сведоците опишуваат детали од ужасот
Новите изјави на австралискиот премиер Ентони Албанез, штотуку објавени од неговата канцеларија, произлегуваат од радио интервју за ABC Sydney. „Се...
Германија има план од 10 точки за Украина, објави „Ројтерс“
Германија ќе ја засили својата поддршка за одбраната на Украина преку план од 10 точки што вклучува заеднички инвестиции, понатамошна...
Светна новогодишната елка! Отворен и Божиќниот маркет во Скопје
Во Скопје вечерва светна новогодишната елка и официјално беше отворен Божиќниот маркет, со што симболично беше означен почетокот на празничната...
Зеленски: Не е постигнат компромис за територијалното прашање за време на преговорите во Берлин
Украинскиот претседател Володимир Зеленски изјави дека позициите на САД и Украина за поделбата на териториите сè уште се разликуваат. Тој...
Херојот Ахмед од Сиднеј би можел да ја загуби раката: „Сè би повторил“
Ахмед ал Ахмед, случаен минувач кој вчера херојски совлада и разоружа еден од напаѓачите на плажата Бонди, порача дека и...
(Фото) Фудбалер на македонскиот клуб „Рокдејл Илинден“ меѓу жртвите во нападот на плажата Бонди во Австралија
Меѓу убиените во вчерашниот терористички напад на плажата Бонди е и фудбалер на Рокдејл Илинден – клуб на македонската дијаспора...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
(Видео) Мицевски: Поднесовме Резолуција за осуда на манипулациите на опозицијата и за потврда на политиките против нелегалната миграција
Пратеничката група на ВМРО-ДПМНЕ, заедно со пратеници од коалицијата ВРЕДИ и ЗНАМ, ја поднесовме „Резолуцијата за осуда на манипулациите на...
(Видео) Крај на мигранти во Македонија се става само ако се потпише резолуцијата на СДСМ, рече Кузеска
„Со договорени мигранти за пари ДПМНЕ ја предаде Македонија, ја продаде за пари, за скапи кредит врз грбот на народот....
