Спорт
Гави и Араухо на мета на големите клубови – Барселона не може да им понуди толкави плати
Барселона активно работи на нови трансфери и во исто време се обидува да потпише нов договори со двајца играчи кои се од непроценлива важност за тимот. Барса има проблем со финансиите, поради што во клубот се насочија кон играчи кои ќе бидат слободни по завршувањето на сезоната. Веќе е познато дека од наредната сезона играчи на Барселона ќе бидат Андреас Кристенсен и Фрак Кеси. Според најавите, како слободни играчи во Барселона ќе пристигнат Мазрауи од Ајакс и Аспиликуета од Челси.
Барселона се уште има проблем со финансискиот фер-плеј, односно со буџетот за плати што го бара Ла Лига.
Поради тоа клубот не може да им понуди високи плати на фудбалерите. Барселона нема пари за да го задржи Усман Дембеле, а медиумите пишуваат дека можно е клубот да го напуштат Гави и Роналд Араухо. За тренерот Чави, приоритет е клубот да го продолжи договорите со нив двајца.
Гави има 17 години, годишна плата од 100.000 евра и оштетна клаузула од 50.000.000 евра. Англичаните тврдат дека Ливерпул му понудиле годишна плата од 7.000.000 евра.
Араухо има договор до јуни 2023 година, годишно заработува помалку од 1.000.000 евра. За Уругваецот интерес покажале Арсенал и Манчестер јунајтед. Арсенал подготвиле плата од 6.000.000 евра, додека понудата на Јунајтед била уште подобра, 8.000.000 евра по сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Динамо испушти два гола предност, Реалпадна во Лил, Атлетико потопен во Лисабон, Јуве со играч помалку победи во Лајпциг
Поразите на Реал Мадрид и Баерн, дебаклот на Алетико во Лисабон против Бенфика и пресвртот на Јувентус соиграч помалку во Лајпциг ја обележаа вечерашната програма во Лигата на шампионите.
Вечерва на теренот беа двајца поранешните македонски репрезентативци, Стефан Ристовски го одигра целиот натпревар против Монако, а Аријан Адеми беше заменет во 63.минута.
Динамо на „Максимир“ испушти предност од два гола против Монако. Водеше со головите на Сучиќ и Батурина, но Монако во последните 15 минути успеа да дојде до еден бод со головите на Салису и Закарија во 90.минута.
Мадридското дерби во неделата очигледно остави трага врз фудбалерите на Реал и Атлетико, кои ги запишаа првите порази во новата сезона.
Тренерот на Лил, Бруно Сантини, пред мечот изјави дека неговиот тим сигурно ќе загуби од „најдобриот тим во светот“, но на теренот Лил пружи одлична паритија и на крајот победи. Францускиот ти победи со голот на Дејвид постигнат во надополнувањето на времето во првото полувреме.
За разлика од Реал, Атлетико одигра ужесен меч во Лисабон. Бенфика слевеше со 4:0 со головите на Актуркоглу, ди Марија од пенал, Бах и Кокчу од пенал.
Астон Вила во реприза на финалето од 1981 година го победи Баерн со 1:0. Мечот го реши златната резерва на Унаи Емери, Дуран во 79.минута.
Јувентус во Лајпциг успеа да победи со играч помалку. Шешко му донесе предност на Лајпциг по половина час игра, а изедначи Влаховиќ во5.минута. Девет минути подоцна голманот на Јувентус Ди Грегорио доби црвен картон, а во 65.минута Шешко од пенал на Лајпциг му донесе нова предност. Три минути подоцна Влаховиќ постигна неверојатен гол, а во 82.минута Франсиско Консеисао со брилијантен потег го исфрли Раум од игра и го совлада Гулачи.
Резултати:
Жирона – Феенорд 2:3 (1:2)
/Лопез 19, Ван де Бек 73 – Херера 23аг, Миламбо 33, Крејчи 79аг/
Шахтјор – Аталанта 0:3 (0:2)
/Џимшити 21, Лукман 44, Беланова 48/
Астон Вила – Баерн Минхен 1:0 (0:0)
/Дуран 79/
Бенфика – Атлетико Мадрид 4:0 (1:0)
/Актуркоглу 13, Ди Марија 52пен, Ба 75, Кокчу 84пен/
Динамо Загреб – Монако 2:1 (1:0)
/Сучиќ 45+3, Батурина 66 – Салису 74, Закарија 90/
Лил – Реал Мадрид 1:0 (1:0)
/Дејвид 45+3/
Ливерпул – Болоња 2:0 (1:0)
/МекАлистер 11, Салах 75/
Лајпциг – Јувентус 2:3 (1:0)
/Шешко 30, 65пен – Влаховиќ 50, 68, Консеисао 82/
Штурм – Клуб Бриж 0:1 (0:1)
/Колис 24/
Спорт
(Видео) Два автогола, Миовски промаши пенал, Џирона загуби од Феенорд
Фудбалерите на Феенорд и Аталанта ги забележаа првите победи во новиот формат, во Лигата на шампионите. Феенорд победи во Џирона со 3:2, а Аталанта го совлада Шахтјор со 3:0.
Неверојатен меч на „Монтоливи“ во Џирона одиграа домашниот тим и вицепрвакот на Холандија, Феенорд.
Македонскиот репрезентативец Бојан Миовски дебитираше во Лигата на шампионите, го започна натпреварот во стартниот состав, можеше да биде херој, на крајот испадна трагичар.
Откако во самиот финиш на натпреварот испушти победа против Пари Сен Жермен (автогол на голманот Газанига), Џирона на најдобар можен начин го започна натпреварот против Феенорд. Давид Лопез во 19. минута ја затресе противничката мрежа и им донесе водство на Шпанците.
Сепак, Каталонците после тоа целосно потонаа. Најпрвин Јангел Ерера си постигна автогол во 23. минута, а потоа Антони Миламбо постигна гол за целосен пресврт на Холанѓаните. Ајасе Уеда можеше да го постигне третиот гол за тимот од Ротердам, но неговиот пенал го одбрани Пауло Газанига.
Вториот дел од играта го одбележа многу подобрата игра на домаќините. Џирона постојано создаваше прилики, а најдобрата ја имаше Бојан Миовски. Напаѓачот избори пенал, ја презеде одговорностај во 67. минута но Тимон Веленројтер одбрани.
🚨🚨| Wellenreuther saves Bojan Miovski 's penalty
Girona 1-2 Feyenoordpic.twitter.com/DLnW5k1Iwu
— Sports PARODY Freak (@parody_freak) October 2, 2024
Домашните не паднаа по пропуштената прилика, туку само шест минути подоцна израмнија. Стрелец овој пат беше Дони ван де Бик.
Сепак Џирона не успеа да избегне пораз, дефанзивецот Ладислав Крејчи си постигна автогол.
Клубот од „Монтилви“ се обидуваше да стигне до израмнување до крајот на натпреварот, но Феенорд одолеа на сите напади и го забележа првиот триумф во новиот формат на Лигата на шампионите.
Во Гелзенкирхен, каде Шахтјор е домаќин, актуелниот освојувач на Лига Европа, Аталанта лесно славеше со 3:0.
Џимшити го постигна првиот гол во 21.минута, а во претпоследната минута од првиот дел Лукман зголеми на 2:0. Точка на натпреварот стави Беланова во 48.минута.
Спорт
„Продажбата на билети се зголеми откако Макс престана да победува“
Продажбата на билетите за трката во Формула 1 во Остин се зголеми откако Макс Ферстапен престана да победува, изјави промоторот на трката Боби Епштајн.
Актуелниот шампион на многу доминантен начин ја започна новата сезона, победи на четири од првите пет трки и се чинеше дека нема да има неизвесност кој ќе биде светски шампион и оваа сезона.
Сепак, во последните осум трки, возачот на Ред Бул нема забележано ниту една победа и сега Ландо Норис, на шест трки до крајот на сезоната има само 52 поени помалку, а Мекларен ја презеде лидерската позиција од Ред Бул кај конструкторите.
„Продажбата на билетите навистина се зголеми откако Макс престана да победува и сезоната стана поинтересна“, рече Епштајн, промотер на Американското ГП во средината на октомври (19-20).
Како што изјави, сите во организацијата се плашеле дека овогодинешната трка во Остин може да биде најмалку посетена од пандемијата на корона вирусот, но работите се сменија.
Миленикот на публиката во Тексас, Даниел Рикиардо нема да биде на патеката, откако доби отказ во РБ тимот, но Епштајн вели дека се надева дека Абстралиецот сепак ќе може да дојде на трката.