Економија
Инвеститорите во „Бучим“ среде меѓународен скандал за перење пари, 1,9 милијарда долари преместени во сомнителни фондови
Компанијата „Солвеј инвестмент груп“, сопственик на рудникот „Бучим“ кај нас, е дел од меѓународен скандал за перење пари за кој веќе две недели објавуваат повеќе медиуми во светот. Репортерите на меѓународната истражувачка мрежа „Забранети приказни“ објавија дека „Солвеј“ и 23 компании поврзани со нив во периодот помеѓу 2007 и 2015 година направиле стотици трансакции во вредност од 1,9 милијарда долари означени како сомнителни. Податоците од банките со кои работеле излегоа на шведскиот радиодифузер СВТ, а новинарите ги истражуваа како дел од проектот „Рударски тајни“.
„Повеќето од трансакциите биле опишани како плаќања за заеми. Записите покажуваат дека некои од компаниите ги пренесувале помеѓу себе или извршиле неколку плаќања во истата недела или ден цитирајќи исти или слично именувани договори“, објави мрежата „Забранети приказни“, а експертите против перење пари, кои за нив анализирале дел од податоците, потврдиле дека тоа се трансфери за кои треба да се кренат црвени знамиња оти е нејасно зошто некои од компаниите истовремено и давале и земале заеми.
Репортерите откриле дека не е јасно од каде потекнуваат преместените 1,9 милијарда долари, ниту зошто „Солвеј“ на тој начин ги преместувал од една да друга сметка. Прегледот, пак, на стари банкарски записи од претходните истраги на меѓународната репортерска мрежа за организиран криминал и корупција покажал дека 23-те компании поврзани во рударската група имаат трансакции со други компании што се користеле во руски даночни затајувања и скандали со перење пари.
Компанијата „Солвеј“, според објавите, негира дека е вклучена во незаконски трансакции тврдејќи дека дејствува строго во согласност со важечките национални закони и меѓународните регулативи.
„’Солвеј инвестмент груп’ цврсто ги отфрла обвинувањата за перење пари и корупција. Ниту едно обвинение не било поведено против нас од страна на никакви финансиски и регулаторни тела“, стои во објавената изјава од компанијата.
По објавувањето низа приказни од проектот „Рударски тајни“, на почетокот на месецот „Солвеј“ објави соопштение дека ги отфрла обвинувањата и додаде дека компанијата ги напуштила сите свои инвестиции во Русија.
Слично соопштение до нашите медиуми испрати и рудникот „Бучим“. Во него демантира дека има руско потекло на капиталот откога некои од медиумите кај нас објавија таква информација. Тоа што управители на „Бучим“ се лица со руско државјанство не значи дека компанијата е руска, објаснија. Преку истото соопштение известија и дека ги прекинале сите инвестициски и оперативни активности во Русија и го осудија рускиот напад на Украина.
Управата на рудникот „Бучим“ не одговори на прашањата од „А1он“ за финансискиот скандал за кој пишуваат „Забранети приказни“ испратени на нивната официјална имејл-адреса.
Слаѓана Тасева, претседателка на „Транспаренси интернешнл – Македонија“, вели дека тие немаат предмет поврзан со „Солвеј инвестмент груп“, но нагласува дека кај нас затајува проверката на изнесувањето пари од земјата и не се проверува потеклото на парите што се внесуваат како инвестиции.
„Што се однесува до општото прашање за перење пари, очигледно е дека системите за усогласеност (compliance) во банкарскиот сектор не функционираат како што треба. Не се спроведува засилена контрола на политички експонирани лица кои непречено изнесуваат пари преку банките во земјите во кои може непречено да формираат прикриени компании. Она на што досега повеќепати сме укажале е дека не се проверуваат вистинските сопственици на компаниите што се јавуваат како инвеститори и не се проверува потеклото на средствата што се внесуваат како инвестиции. Тоа е веќе доволно за перење пари“, изјави претседателката Тасева за „А1он“.
„Солвеј инвестмент груп“ го купи рудникот „Бучим“ во 2005 година и, како што самите известија, во него инвестирале 78 милиони евра за модернизација и подобрување на технолошкиот процес и опремата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Се намалува цената на мазутот, а на дизелот и на бензините не се менува
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,11 % во однос на одлуката од 14.04.2025 година.
Од 23.4.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 71,50 (денари/литар)
Моторен бензин ЕУРОСУПЕР БС – 98 73,50 (денари/литар)
Дизел гориво ЕУРОДИЗЕЛ БС (Д-Е V) 64,00 (денари/литар)
Масло за горење Екстра лесно 1 (ЕЛ-1) 64,00 (денари/литар)
Мазут М-1 НС 36,780 (денари/килограм)
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Малопродажната цена на Мазутот М-1 НС се намалува за 0,212 ден/кг и сега ќе изнесува 36,780 ден/кг.
Напоменуваме дека ова се максималните цени на нафтените деривати од 00:01 часот на 23.4.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,969%, кај дизелот за 3,456%, кај екстра лесното масло за 2,637% и кај мазутот зголемувањето е за 2,133%.
Курсот на денарот во однос на доларот во изминатиот период по кој беа формирани цените со претходната пресметка е понизок за 3,0273%.
Економија
Владата озаконува паушални фактури за струја, граѓаните не смеат да бидат жртви, апелираат Инженери на Македонија
Инженери на Република Македонија (ИРМ), денеска упати апел до пратениците и Министерството за енергетика за да ги отстранат како што велат, некоректните одредби од предлог Законот за енергетика за да се обезбедат фер, прецизни и транспарентни фактурирања, исклучиво врз основа на реално измерена потрошувачка на електрична енергија.
Граѓаните, како што велат, не смеат да бидат жртви на проценки и математички грешки што причинуваат штета од илјадници денари за нивниот семеен буџет
„Во новиот Предлог-закон за енергетика, кој на 22 април влегува во собраниска процедура, Владата предлага контроверзни одредби со кои се овозможува издавање на фактури за потрошена електрична енергија врз основа на претпоставена, а не реално измерена потрошувачка“.
Со вакви измени, оценуваат, се озаконува досегашната практика на паушално фактурирање, која стана особено проблематична по воведувањето на ценовните блокови за скапата струја од 1 јули 2022 година.
„При нередовно читање на броилата, потрошувачите неретко се распределуваат во погрешни ценовни блокови, што резултира со зголемени сметки и неоправдани наплати.
Нашите пресметки покажуваат дека дури и ±10% грешка при проценката на потрошувачката може да предизвика разлика во наплатата до 8.000 денари годишно по домаќинство. Со оглед дека во државата има 598.632 домаќинства, а ЕВН располага со 915.492 броила, ова претставува сериозен удар врз џебот на граѓаните и можност за милионски профити на штета на јавниот интерес.
Иако Регулаторната комисија за енергетика веќе потврди дека ваквите проценки носат штета за потрошувачите и започна процес за измени на Правилата за снабдување со електрична енергија, Владата оди во спротивна насока. Со одредбите во Глава VIII од новиот закон – иронично насловена „Заштита на потрошувачите“ – се предвидува озаконување на паушалното фактурирање преку член 185, став 2 и став 4, точка 2.
Особено загрижувачки е што Владата го носи законот со европско знаменце, повикувајќи се на усогласување со ЕУ директивата CELEX: 32019L0944, која никаде не предвидува дозвола за фактурирање со претпоставена потрошувачка. Дополнително, овие одредби не се содржани ниту во претходните верзии на законот објавени на платформата ЕНЕР“, е појаснето во реакцијата.
Апелираат до пратениците и Министерството за енергетика да ги отфрлат овие одредби и со амандмани: да се избрише став 2 од членот 185, а од ставот 4, точка 2, да се отстрани вториот дел од реченицата.
Бараат фер, прецизно и транспарентно фактурирање, исклучиво врз основа на реално измерена потрошувачка. „Граѓаните не смеат да бидат жртви на проценки и математички грешки што причинуваат штета од илјадници денари за нивниот семеен буџет“.
Економија
„Алкалоид“ трета година по ред е апсолутен победник – најпосакуван работодавач за 2024 година
„Алкалоид АД Скопје“ е прогласен за апсолутен победник во категоријата најпосакуван работодавач за 2024 година, трета година по ред, според анкетата спроведена од веб-порталот „Вработување.ком“.
На манифестацијата организирана од „Вработување.ком“, беа доделени награди за компании во повеќе категории, врз основа на анкетен прашалник спроведен на национално ниво во текот на 2024 година.
„Ова признание претставува особена чест за нас и уште една потврда за нашата посветеност на негувањето на основните компаниски вредности – да креираме работна средина која ги поврзува сите: од вработените до образовните институции и заедницата во која живееме и работиме. Во основата на сето тоа се високите професионални стандарди, кои ја обликуваат корпоративната култура на нашата компанија. Нашите вработени со своето знаење и посветеност се движечката сила на секој наш успех“, велат од компанијата.
Од „Алкалоид“ додаваат дека остануваат посветени на грижата за вработените, како и на нивниот раст и кариерен развој, бидејќи веруваат дека луѓето се најценетиот капитал на нивната компанија.
„Низ визија, иновација и поддршка продолжуваме да одржуваме највисоки етички и професионални норми и работна средина која и натаму ќе претставува најпосакуван избор на компанија за вработување на младите луѓе“, додаваат од „Алкалоид“.
(ПР)
(Видео) Филипче: Ако се обединиме на патот кон ЕУ, нема пречка што нема да ја совладаме
Патот кон Европската унија трае предолго, но не смее да се откажеме, мораме да се обединиме бидејќи кога сме заедно...
Се намалува цената на мазутот, а на дизелот и на бензините не се менува
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
„Дали Зоран Заев во Дубаи гради високи згради над 50 ката и дали на тој начин ја стекнал златната виза“, прашува ВМРО-ДПМНЕ
„Времето изминува, СДС се занимава со сè и сешто, шета од тема на тема, но за темите што ги интересира...
Објавено кога ќе биде погребан папата
Погребот на папата Франциско ќе се одржи в сабота, соопшти Ватикан. Погребот на папата ќе се одржи в сабота, со...
Сообраќајна несреќа кај планинскиот превој Пресека: неколкумина повредени, меѓу нив и две деца
Вчера во 15.30 часот, на магистралниот пат Кичево-Охрид, кај планинскиот превој „Пресека“, се случила сообраќајна несреќа помеѓу патничко моторно возило...
Објавени првите фотографии од телото на папата Франциско: во рацете има бројници
Ватикан утрово ги објави првите фотографии од телото на папата Франциско. Неговото тело е положено во едноставен дрвен ковчег, со...
ДУИ: Институциите го деградираат користењето на албанскиот јазик на ниво пред усвојувањето на Законот за јазиците
„ДУИ изразува длабока загриженост поради систематското непочитување на албанскиот јазик на официјалните веб-страници на министерствата на Владата на Република Северна...
(Фото/Видео) Најпознатите градби во светот блескаат за папата Франциско
Откако вчера беше објавена веста за смртта на папата Франциско, бројни светски метрополи и верски заедници му оддадоа почит со...
„Харвард“ ја тужи администрацијата на Трамп поради замрзнување на финансирањето
Универзитетот Харвард ја тужеше администрацијата на претседателот Доналд Трамп во обид да го спречи замрзнувањето на повеќе од 2 милијарди...
На Табановце и на Богородица времето на чекање за влез во државата е околу 1 час
Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини...
(Видео) Запечатена резиденција на папата, во Ватикан владее седисвакација
Ватикан ја запечати официјалната резиденција на папата Франциско, симболично започнувајќи период на жалост. На снимката објавена од Ватикан се гледа...
(Видео) Какви беа последните денови на папата Франциско: „Изгледаше како да се збогува“
Во понеделникот точно напладне црковните ѕвона ширум Италија одекнаа во жалост. Почина папата Франциско. Не поминаа ни 24 часа откако...
Верниците ширум светот го оплакуваат папата
Членовите на Католичката црква, која има 1,4 милијарди верници, денеска тагуваат за смртта на 88-годишниот папа Франциско, фалејќи го како...
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата
Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо...
Ватикан: Папата почина од мозочен удар и срцево затајување
Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со...
Шок и солзи во Ватикан: „Големиот папа нè напушти, уриваше бариери“
„Почина голем папа“, вели Фабио Малвеси, сè уште видно шокиран, како и многумина од верниците и туристите кои се собраа...
Струмичко-скопскиот епарх монсињор д-р Киро Стојанов упати писмо по повод упокојувањето на папата
Скопскиот бискуп и Струмичко-скопски епарх монсињор д-р Киро Стојанов, на Светол Понеделник, 21 април 2025 година упати писмо до сите...
Светските лидери се збогуваа со папата: „Тој секогаш беше на страната на најранливите“
Реакции за смртта на папата Франциско доаѓаат од сите страни, а високи функционери од бројни земји се согласуваат дека „народниот...
СДСМ бара оставка од Љутков „за хаосот во културата“
„СДСМ најостро реагира на катастрофалното раководење со културата од страна на министерот Зоран Љутков, кој остави над 3.000 културни работници...
Ватикан активира специјален режим по смртта на папата
По смртта на папата Франциско во понеделникот, во Ватикан настапи седисваканција – период без папа. Терминот седисваканција доаѓа од латинскиот...
