Регион
Германија му даде „жолт картон“ на Ципрас
Остри реакции пристигнуваат од Германија на изјавата на грчкиот премиер Алексис Ципрас дека Шпанија и Португалија ги нарушуваат преговорите на Грција со Брисел.
Претставникот на министерот за финансии Волфганг Шојбле, Мартин Јегер, рече дека Ципрас ги прекршија основните правила во односите помеѓу 19-те членки на еврозоната.
„Во врска со коментарите од изминатиот викенд во Атина, поврзани за Шпанија и Португалија, можам да кажам дека според европските стандарди тие претставуваат многу невообичаен фаул, кажано со фудбалки жаргон. Тоа не се прави во еврогрупата. Така не се прават работите“, рече Јегер.
Европската унија соопшти дека се обидува да посредува во според што тлее помеѓу Грција и нејзините партнери во еврозоната-Шпанија и Португалија, откако грчкиот премиер Алексис Ципрас ги обвини двете држави дека ги реметат преговорите на Грција со Брисел за продолжувањето на финансиската помош.
Ципрас во саботата ги обвини Шпанија и Португалија дека ја предводат конзервативната завера во уривањето на неговата левичарска влада, во страв од сопствените радикални сили пред изворите во оваа година.
Ципрас, исто така, ги отфрли критиките дека Атина направила отстапување за да обезбеди финансиска помош од еврозоната.
Во говорот во својата партија Сириза, Ципрас ги обвини Мадрид и Лисабон за завземање на тврда линија во преговорите, кои доведоа до тоа еврозоната минатата недела го продолжи пакетот помош за Атина на наредните четири месеци.
„Наидовме на осовина од сили како противници, предводени од владите на Шпанија и Португалија, кои од очигледни политички причини, се обидуваа целокупните преговори да ги доведат до раб“, рече Ципрас, кој на 25 јануари победи на изборите.
„Нивниот план беше да не исцрпат, соборат или да ја доведат нашата влада до безусловно предавање пред да започне нашата работа и пред грчкиот пример да изврши влијание на другите држави, воглавно пред изборите во Шпранија“, рече Ципрас.
Шпанскиот премиер Маријано Рахој го повика Ципрас да стане сериозен во поглед на економијата на својата држава, која е во должничка криза.
„Ние не сме одговорни за незадоволството на радикалната грчка левица која им вети на Грците она што знаеше дека не може да го исполни“, рече Рахој.
Тој потсети дека Шпранија и помогна на Грција со над 26 милијарди евра иако и самата е во финансиска криза. /крај
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.