Европа
Блумберг: Постојат неколку сценарија во кои Путин би можел да употреби нуклеарно оружје
Путин веќе неколку пати навести дека би можел да го дофати неговиот воен арсенал доколку НАТО ја премине својата „црвена линија“, анализираат медиумите.
Многумина веруваат дека човек како Владимир Путин е способен за се, дури и за употреба на нуклеарно оружје. Имено, рускиот претседател јасно стави до знаење дека човечкиот живот не му вреди ништо, освен ако не се работи за него, пишува Андреас Клат за Блумберг.
Постојат сценарија во кои тој би можел да дојде до катастрофална пресметка што покажува дека лансирањето на една или повеќе нуклеарни бомби може да го задржи на власт. Ова е затоа што сега нашиот свет, во стратешка смисла, повеќе личи на Европа во раните нестабилни години на Студената војна отколку во нејзиниот релативно стабилен подоцнежен период.
Во годините по Втората светска војна, САД знаеја дека нивните сили во Западна Европа се инфериорни во однос на оние на Советскиот Сојуз и веројатно нема да го издржат неговиот напад. Затоа, Американците поставија послаби нуклеарни боеви глави на територијата на европските сојузници. Тие сакаа да испратат порака до Русите – во случај на советски напад, НАТО може да лансира неколку од нив на бојното поле и да ги спаси своите членки од пораз.
Но, како што напредуваше трката за нуклеарно вооружување, Советскиот Сојуз се израмни со САД во стратешкото вооружување и почна да користи нуклеарни бомби што може да се лансираат на проектили со долг дострел од една земја во друга, уништувајќи цели градови, анализира тој.
Сега Русија е таа која се сомнева дека е инфериорна во однос на НАТО во конвенционалното војување. Затоа, Путин го компензира овој недостаток со закани за нуклеарно оружје во случај инвазијата на Украина да не оди според неговиот план. Овој пристап се нарекува ескалација до деескалација, оценува Клат.
Додава дека Русија има околу 2.000 тактичко нуклеарно оружје, а САД само околу 200, од кои половина се стационирани во Европа.
Путин веќе неколку пати навести дека би можел да го дофати неговиот воен арсенал доколку НАТО ја премине својата „црвена линија“. И бидејќи ја меша сопствената судбина со судбината на својата земја, тој има тенденција секое можно лично понижување или промена на режимот во Москва да го толкува како премин во „црвената зона“, вели тој.
Да речеме дека Украинците, кои херојски се борат против изненадувачки неспособните руски напаѓачи, се доближуваат до победата, или дека хиперсонична руска ракета скита во Полска, членка на НАТО, или дека Западот испорачува оружје на Украина што може да го промени правецот на војната – секој од овие предизвици може да го принуди Путин до ѕид и да доведе до ескалација, пишува Блумберг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.