Кај мажите коишто земаат додатоци за зголемување на масата на мускулното ткиво, како што се хормонот креатин и андростенедион, опасноста од развојот на ракот на тестисите била поголема за 177 пати отколку кај оние кои тие суплементи не ги користат, покажа истражувањето на научниците од американскиот универзитет Браун чии резултати се објавени во списанието British Journal of Cancer.

Опасноста од појавата на ракот на тестисите се зголемува и доколку споменатиот вид стероиди започната да се заемаат на помлада возраст. Станува збор за прелиминарно истражување, меѓутоа резултатите би можеле да појаснат зошто бројот на заболените од ракот на тестисите за 1,5 пати е поголем отколку што бил во седумдесеттите години од минатиот век.

„Поврзаноста на земањето на овој вид хормони и ракот на тестисите е очигледна. Доколку стероидите почнале да ги земаат во порана возраст, опасноста е поголема. Ризикот е поголем и што е подолг периодот на нивното земање, а опасноста од развојот на болеста е зголемена и доколку поединецот зема неколку различни видови стероиди“, вели епидемиологот Тонгжанг Женг, кој го раководел со истражувањето.

Станува збор за првата студија која доведува во врска со ракот на тестисите и земањето на суплементите за зголемување на масата на мускулното ткиво, меѓутоа научниците на ова истражување ги поттикнала претходно студија којашто покажала дека земањето на андростенедион може да го оштети ткивото на тестисите.

Истражувањето било спроведено на примерок од 900 американски мажи. Меѓу нив 356 имале дијагноза за рак на тестисите, а 513 немале. Учесниците во испитувањето одговориле на прашалник за земање стероиди, но и за други потенцијални фактори на ризикот, како на пример, дали се пушачи, колку алкохол консумираат, дали вежбаат, дали имале претходни повреди, а важна била и семејната анамнеза.

По обработката на сите одговори, утврдено е дека кај мажите кои земале хормони опасноста од развојот на ракот на тестисите е поголема за 65 отсто, како и дека ризикот се зголемува дури и за 177 пати, доколку лицето користи повеќе од еден суплемент. Ризикот бил поголем и кај мажите коишто суплементите почнале да ги земаат пред 25-та година од животот или, пак, ги земале во континуитет три години.

„Многу малку се знае за овој вид карцином, а резултатите од истражувањето на епидемиолозите ќе им даде значаен увид во податоците за тоа што го предизвикува и зошто бројот на заболените во последните неколку децении е сé поголем“, вели Женг, додавајќи дека се планирани натамошни истражувања. Добрата вест, според него, е тоа што доколку биде потврдена врската меѓу стероидите и заболувањето, ќе биде многу едноставно значително да се намали ризикот од развојот на овој вид карцином кај мажите./крај/мф/сн

Извор: Макфакс