Европа
Украинците му одговорија на Вулин: Да не ѝ помагавме на Србија, можеби ќе бевме во НАТО
Амбасадата на Украина во Белград ги повика српските власти да го тргнат симболот З од јавните површини, што го изразува непријателскиот однос кон Украинците и јавно да застанат во одбрана на украинскиот народ.
„Сега уште еднаш им го свртуваме вниманието на сите претставници на српската влада на буквата З, која изобилува на ѕидови, на автомобили, па дури и на тенк на стадионот, а која за Украинците значи извикот ‘убиј Украинец’“, се вели во соопштението на Амбасадата по повод реакцијата на Александар Вулин, пишуваат српските медиуми.
Украинската амбасада додаде во соопштението дека „очекува српската влада да преземе иницијатива за отстранување на овие геноцидни слогани против Украинците“ и ќе излезе „барем со истата јавна изјава во одбрана на братскиот украински народ“ како што тоа го направи украинската дипломатска мисија во Белград 2019 година.
Тие исто така изјавија дека Амбасадата во октомври 2019 година изразила длабока огорченост поради провокативните изјави против братскиот српски народ слушнати за време на фудбалскиот натпревар меѓу Динамо Киев и Копенхаген, Данска.
Вулин вчера изјави дека не знае каде Амбасадата на Украина нашла причина да реагира на неговата претходна изјава, но оти знае дека не нашла за соодветно да ги осуди скандирањата на навивачите во Киев „убиј Србин и извини му се на српскиот народ“.
Во врска со изјавата на Вулин дека „не се сеќава дека Украина побарала од НАТО да ја запре агресијата врз Србија“ и дека „не може да го најде потписот на Украина со кој се осудува НАТО за агресијата и кршењето на меѓународното право“, Амбасадата денеска повтори дека Киев во 1999 година побарал крај на бомбардирањето на Југославија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.