Свет
(Од минута во минута) Европските функционери на руската „црна листа”, САД со нови санкции за Русија
Го следиме 36-тиот ден од руската инвазија на Украина.
Клучни податоци:
Русија најави прекин на огнот во Мариупол, ќе се отворат хуманитарни коридори
Во ноќното обраќање, Зеленски рече дека преговорите со Русија се во тек, но дека тоа се само зборови
Американските и западните разузнавачки претставници велат дека советниците го лажат Путин поради војната во Украина и воената диверзантска опрема
Мировните преговори меѓу Русија и Украина продолжуваат в петок
САД тврдат дека Русите се повлекуваат од Чернобил
Германија тврди дека Русија се предомислила да плаќа гас во рубли, ќе дозволи плаќање во евра
Русија најави дека нивните операции се одвиваат според планот и дека прегрупирањето и повлекувањето е дел од стратегијата
Русија најави дека не гледа голем напредок во вчерашните преговори
Од минута во минута:
22.00 Русите собориле два украински хеликоптери
На 28 март руската копнена противвоздушна одбрана наводно соборила украински хеликоптер Ми-8 на пат кон градот, каде што продолжуваат да дејствуваат мал број единици на милицијата на баталјонот Азов
21.55 Шокантна изјава на Емир Кустурица: Западот во живо ја следи парадата во Украина
Војната во Украина, за која со сигурност можеме да кажеме дека е веќе подолго време подготвувана со помош на Пентагон, всушност е војна против православието
21.45 Мариупол и хуманитарните коридори најголеми бојни полиња во Украина
Мариупол и хуманитарниот коридор меѓу двата источни града Изум и Волноваха стануваат главни боишта во Украина, соопшти денеска украинското Министерство за надворешни работи
21.10 Бајден: Има сомнежи дека Путин се изолира и ги казнува своите советници
Американскиот претседател Џо Бајден изјави денеска дека постојат индиции дека рускиот претседател Владимир Путин се изолира и казнува некои негови советници, но додаде дека САД немаат многу цврсти докази кои би можеле да го потврдат тоа
20.20 Уапсен Руски државјанин кој соработувал со Службата за безбедност на Украина
Државјанин на Русија, кој соработувал со Службата за безбедност на Украина, е уапсен при обид да го напушти Крим
20.00 Командант на британската армија: Плановите на Русија брзо пропаднаа
Плановите на Русија за брзо преземање на Киев и цела Украина се „распаднаа“, а Владимир Путин веќе е поразен на неколку начини, изјави командантот на британската армија адмирал Тони Радакин
19.45 Хуманитарна катастрофа во Украина – УНХЦР предупредува на егзодус
УНИЦЕФ наведува дека повеќе од половина од 7,5 милиони деца во Украина се раселени – 2,5 милиони внатре, а два милиона во странство
19.30 Дизни ја суспендира дистрибуцијата на своите филмови во Русија
Дизни целосно ќе престане да ги дистрибуира своите филмови во руските кина од 7 април
18.45 Кличко: Целта на Путин е да ја врати Руската империја и да ја окупира Украина
Кличко смета дека целта на режимот на Путин е да ја обнови Руската империја и да ја окупира Украина
18.20 Највисоките функционери на ЕУ на руската „црна листа“
На врвот на руската „црна листа“ се највисоките функционери на Европската Унија, што е одговор на антируските санкции, соопшти денеска Министерството за надворешни работи на Русија, пренесува РИА Новости
17.55 Бајден воведе нови санкции кон Русија
Американскиот претседател Џо Бајден денеска воведе нови санкции кон Русија поради инвазијата на Украина, насочени кон рускиот технолошки сектор
17.40 Путин: Западот доби дел од рускиот гас бесплатно
Со замрзнување на девизните сметки на Русија, Западот всушност доби дел од рускиот гас бесплатно, изјави денеска рускиот претседател Владимир Путин
17.10 Зеленски до белгискиот парламент: Мирот е повреден од руската нафта и гас
Украинскиот претседател Володимир Зеленски ја повика Белгија да испрати оружје и да му помогне на својот народ во борбата против руските сили, особено во Мариупол, оценувајќи дека мирот е повреден од трговијата со Русија
16.40 Поранешниот премиер на Путин: Преговорите се камуфлажа, тој не е подготвен на отстапки
Поранешниот руски премиер Михаил Касјанов ја коментираше и ситуацијата во Украина, нагласувајќи дека нема индикации дека рускиот претседател Владимир Путин е подготвен на отстапки
16.10 Владимир Путин: Западните санкции се цената на слободата и независноста на Русија
Тој рече дека тоа се санкции бидејќи Русија не сака да свири туѓа музика, да ги жртвува своите интереси и традиционални вредности
15:55 Обраќање на Путин: Oд утре за гас ќе се плаќа во рубли или ќе ги раскинеме договорите
Рускиот претседател Владимир Путин ѝ се обрати на јавноста во Москва по потпишувањето на указот според кој странските купувачи на руски гас од утре мора да плаќаат во рубли.
Тој предупреди дека договорите ќе бидат раскинати доколку другите земји не го платат рускиот гас во рубли.
Таа одлука ја донел, како што рече, поради зајакнување на рускиот суверенитет.
14:50 Песков: САД не го разбираат Путин и нашиот стил на работа
Кремљ реагира на тврдењата на американското разузнавање дека рускиот претседател Владимир Путин од страна на неговите советници е доведен до заблуда за Украина и санкциите.
Портпаролот на Кремљ, Дмитриј Песков, за новинарите во Москва изјави дека ниту американскиот Стејт департмент ниту Пентагон има реални информации за тоа што се случува.
„Тие, едноставно, не разбираат што се случува во Кремљ“, рече тој.
13:09 Путин потпиша указ за редовна пролетна регрутација
Рускиот претседател Владимир Путин потпиша указ за редовно пролетно регрутирање.
„Одлучувам дека од 1 до 15 април 2022 година ќе има регрутирање руски државјани на возраст од 18 до 27 години, кои не се во резервен состав – вкупно 134.500 лица“, се наведува во указот, пренесува „РИА новости“.
„Треба да ја знаете вистината! Руското Министерство за одбрана нема поим за нас или што правиме овде. Фрлени сме во г**на“, вели еден од нив, а пренесува „Тајмс“.
11:58 Војниците што биле во Чернобил имаат симптоми на радијациска болест?
Вработен во Украинската агенција за управување со т.н. зони на исклучување, како онаа во Чернобил, објави на „Фејсбук“ дека некои војници биле пренесени во специјална медицинска установа со акутна радијациска болест. Но, „Гардијан“ истакнува дека оваа информација не е потврдена.
11:25 Словенечката амбасада во Киев го отстрани знамето зашто потсетува на руското
Словенечката амбасада во Киев мораше да го тргне знамето на својата држава бидејќи премногу потсетувало на руското.
Вршителот на работите на Словенија во амбасадата во Киев, Боштјан Лесјак, кој во неделата пристигна во главниот град на Украина, мораше да го симне словенечкото знаме пред Амбасадата бидејќи е премногу слично на знамето на Русија, пренесува СТА повикувајќи се на словенечки медиуми.
В Киеве «под санкции» попал флаг Словении. Его сняли с посольства, так как он «похож на российский», рассказал словенский дипломат Боштьян Лесьяк: «К нам обратились сотрудники нацгвардии и полиции Украины с призывом временно спустить флаг, так как он слишком похож на российский» pic.twitter.com/BzgccKDofT
— НТВ (@ntvru) March 31, 2022
09:32 (Видео) Украинската војска објави видео од борбите околу Киев
Украинската национална гарда објави видео на кое велат дека ги прикажува борбите околу Киев.
„ Единиците на Националната гарда на Украина продолжуваат да го бранат Киев и да ја уништуваат непријателската опрема. Гардистите од првите денови на целосната инвазија на руските трупи се активно вклучени во одбраната на Киев во сите правци. Во правец на Киев, нашите артилериски единици уништија две самоодни артилериски единици, ракетни фрлачи и неколку десетици непријателски оклопни возила и возила“ објавија тие.
09:30 Кличко: Зеленски отпатува во Германија
Градоначалникот на Киев, Виталиј Кличко, на Твитер објави дека претседателот Володимир Зеленски отпатувал во Германија на средба.
Друзі! Сьогодні дуже важливе об’єднання усіх сил – як в Україні, так і консолідація позиції та дій країн-партнерів нашої держави.
Володимир поїхав із делегацією від України на зустрічі в Німеччину. pic.twitter.com/RSjGdYUQ0c
— Віталій Кличко (@Vitaliy_Klychko) March 31, 2022
09:20 Висок дипломат на ЕУ: Путин мислеше дека работите одат подобро отколку што навистина се
Путин мислеше дека работите се одвиваат подобро отколку што навистина се. Ова е проблем кога се опкружувате со мажи кои само ви кажуваат „да“ или едноставно седите со нив на крајот од многу долга маса, изјави за „Ројтерс“ висок дипломат на ЕУ.
09:16 Британски разузнавачи: Во наредните денови во Киев ќе се водат тешки борби
Британското Министерство за одбрана штотуку го објави својот најнов разузнавачки извештај во кој тие сугерираат дека најверојатно ќе има тешки борби во наредните денови во Киев.
„ И покрај руските изјави кои укажуваат на намерно намалување на воената активност околу Чернихив, значителните руски гранатирања и ракетни напади продолжија.
Latest Defence Intelligence update on the situation in Ukraine – 31 March 2022
Find out more about the UK government’s response: https://t.co/dESTQT4irj
?? #StandWithUkraine ?? pic.twitter.com/0NUMTq8nrj
— Ministry of Defence ?? (@DefenceHQ) March 31, 2022
09:13 Шефот на француската разузнавачка служба е сменет бидејќи не ја предвидел руската инвазија
Директорот на француската воена разузнавачка служба, генерал Ерик Видо, ќе биде сменет од функцијата бидејќи ја отфрлил можноста за руска инвазија на Украина, пренесоа француските медиуми.
09:08 Русија објави прекин на огнот во опколениот Мариупол
Руското Министерство за одбрана објави прекин на огнот во украинскиот пристанишен град Мариупол за да се овозможи евакуација на цивили.
„ За да успее оваа хуманитарна операција, предлагаме да се спроведе со директно учество на Високиот комесаријат за бегалци на ОН и Меѓународниот комитет на Црвениот крст“, се вели во соопштението на Министерството.
09:05 (Видео) Зеленски: Русите се повлекуваат од Киев затоа што ние ги избркавме
Преговорите со Русија се во тек, но тоа се само зборови, рече украинскиот претседател Володимир Зеленски во видео порака објавена на социјалните мрежи во средата вечерта.
„ Да, имаме процес на преговори, но тоа се само зборови, без ништо конкретно“, рече Зеленски.
08:58 Преговорите меѓу Русија и Украина продолжуваат утре
Русија и Украина ќе ги продолжат своите онлајн мировни преговори на 1-ви април, изјави висок украински функционер, по завршувањето на последната рунда разговори во Турција.
Украинскиот преговарач Дејвид Арахамиа објави дека Украина предложила лидерите на двете земји да се сретнат, но дека Русија одговорила дека треба повеќе да се работи на нацрт-договорот.
08:36 (Видео) Кадиров: Мариупол е речиси ослободен
Ослободен е околу 90-95 отсто од Мариупол, последното место каде што се кријат бандитите е големиот металуршки комбинат „Азовстал“, изјави Рамзан Кадиров.
„ Животот постепено се враќа на слободната територија на градот. Луѓето излегуваат на улица од нивните засолништа, уморни од канонадата од експлозии и гладот. Некои возат дури и автомобили, има и такви кои се предомислија да одат во Ростов на Дон и со приватни возила се вратија во Мариупол“, напиша Кадиров на својот канал на Телеграм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Научниците ѝ порачаа на ЕУ да се подготви за драстично зголемување на температурите
Европската унија мора да почне со изработка на конкретни планови за справување со животот на континент кој, поради климатските промени, ќе биде потопол за 4 Целзиусови степени, порачаа научните советници на блокот. Тоа би значело прифаќање дека светот е на пат кон катастрофално зголемување на температурата, кое значително ќе ги надмине целите договорени со Парискиот климатски договор и масовно ќе го наруши животот на Европејците, пишува „Политико“.
„Европската клима брзо се менува. Тоа не е далечен или апстрактен ризик“, изјави ОТмар Еденхофер, претседател на Европски научен советодавен одбор за климатски промени.
Како што планетата се затоплува, екстремните временски појави како поплави и суши претставуваат сѐ поголема закана за европското општество, економијата и екосистемите. Во последните години десетици илјади Европејци починаа за време на топлотни бранови. Но, напорите на ЕУ да се подготви за сегашните и идните последици од глобалното затоплување се недоволни и фрагментирани и им недостига кохерентна визија, предупреди Еденхофер.
„На Европската унија ѝ недостасува заедничко разбирање за што колективно треба да се подготви, што доведува до недоследни процени на климатските ризици кои често го поткопуваат управувањето со ризиците“, рече тој.
Според мислењето на одборот, блокот треба да се заштити под претпоставка дека континентот до 2100 година ќе биде за 4 Целзиусови степени потопол отколку во прединдустрискиот период. Советот го одразува неодамнешниот план на француската влада да се подготви за Франција потопла за 4°C.
Покрај воспоставувањето заедничка почетна точка за подготовките, одборот препорачува уште четири мерки за Европа да стане поотпорна на климатските промени – од поставување обврзувачки цели за подготовка, до предлог ЕУ да го планира својот буџет околу климатските ризици.
Советите на одборот, независен конзорциум од високи научници задолжен со закон на ЕУ да дава насоки за климатската политика, често се покажуваат како влијателни. Неговиот извештај од 2023 година, кој препорача цел за намалување на емисиите од најмалку 90 проценти до 2040 година, одигра голема улога во поттикнување на институциите на блокот да ја усвојат таа бројка како своја цел.
„Нашите препораки се насочени кон претстојното законодавство“, рече Еденхофер.
Научниците наведуваат дека сушите во јужна Европа ќе стануваат почести и поинтензивни како што глобалните температури ќе продолжат да растат – според Меѓувладиниот панел за климатски промени (ИПЦЦ), повеќе од една третина од населението во регионот ќе се соочи со недостиг од вода при 2°C глобално затоплување, додека 3°C го удвојува тој удел. Ограничувањето на затоплувањето го ограничува и овој ризик.
За да се справат со преостанатиот ризик, земјите можат да воведат мерки за адаптација – како поттикнување на земјоделците да преминат на култури поотпорни на суша или управување со потрошувачката на вода. Колку затоплувањето е поголемо, толку е поголема опасноста од тоа одредени региони и економски сектори повеќе да не можат да се прилагодат.
Во моментов, ЕУ располага само со нејасна стратегија за адаптација од 2021 година. Повеќето земји членки имаат национални планови за адаптација или закони со релевантни елементи, но и Европската агенција за животна средина и Европскиот суд на ревизори предупредија дека законодавството значително се разликува низ блокот и дека некои стратегии се темелат на застарени научни сознанија.
Тоа не е доволно, смета советодавниот одбор. Меѓу петте препораки, научниците бараат ЕУ да развие кохерентна визија со „секторски специфични цели за адаптација, на пример за 2030 и 2040 година“, како и да најде начини за управување со растечките економски трошоци од климатските катастрофи, на пример преку буџетски и осигурителни механизми.
Тоа мора да се темели на заедничко референтно сценарио, велат научниците, препорачувајќи ЕУ да се подготви за глобално затоплување меѓу 2,8°C и 3,3°C над прединдустриските нивоа – што е во согласност со проекциите кои „имплицираат околу 4°C затоплување за Европа“, рече Еденхофер.
„Начелото на претпазливост“ бара од ЕУ да се подготви за тоа сценарио и исто така да ја „тестира отпорноста“ на своето планирање и на уште повисоки сценарија на затоплување, додаде Еденхофер, со оглед на неизвесностите околу глобалните напори за намалување на емисиите.
Свет
Иран му се заканува на Трамп: Ќе го испратиме вашиот носач на авиони на дното на морето
Врховниот лидер на Иран се закани дека ќе испрати американски носачи на авиони „на дното на морето“, додека започнуваат разговорите во Женева за да се избегне војна. Но, Хамнеи го отфрли американското воено засилување во Персискиот Залив откако Доналд Трамп минатата недела нареди распоредување на втор носач на авиони во регионот.
„Тие постојано велат дека испратиле носач на авиони во Иран“, рече врховниот лидер на Исламската Република. „Добро, носачот на авиони е опасна машина, но не е поопасно од оружјето што може да го испрати на дното на морето“.
Покрај тоа, Корпусот на исламската револуционерна гарда (ИРГЦ), елитна единица лојална на Хамнеи, започна поморски вежби во Ормутскиот теснец и објави дека привремено ќе затвори делови од клучната линија за превоз на нафта за време на вежбите со боева стрелба. Тоа би бил првпат тесниот влез во Заливот да биде блокиран од војните со танкери во 1980-тите.
Заканите на Хаменеи за потопување на американски воени бродови веројатно се насочени првенствено кон домашната публика, а не кон Вашингтон, но сепак ризикуваат да го налутат претседателот Трамп.
„Се чини дека американскиот претседател постојано повторува дека нивната армија е најсилна во светот“, рече Хаменеи. „Но, дури и најсилната армија во светот понекогаш може да добие шлаканица од која нема да се опорави.“
фото/ЕПА
Свет
Кремљ: Русија би можела да ја користи морнарицата ако Западот ги заплени нашите бродови
Русија би можела да ја користи својата морнарица за да ги спречи европските сили да ги запленат нејзините бродови, а исто така би можела да возврати и на европскиот превоз ако бидат запленети руски бродови, изјави Николај Патрушев, близок сојузник на претседателот Владимир Путин.
Западните земји се обидуваат да ја исклучат Русија од глобалната трговија и да ѝ го одбијат финансирањето со воведување на повеќе од 30.000 санкции поради војната во Украина.
Тие, исто така, се обидоа да ги блокираат танкерите за нафта за кои се сомнева дека превезуваат руски пратки нафта.
Во јануари, САД запленија танкер за нафта под руско знаме како дел од напорите за ограничување на извозот на венецуелска нафта.
Рускиот претседател Владимир Путин ги опиша ваквите дејствија како пиратство.
„Ако не им пружиме силен отпор, наскоро Британците, Французите, па дури и балтичките земји ќе станат толку арогантни што ќе се обидат да го блокираат пристапот на нашата земја до морињата, барем до оние во Атлантскиот басен“, рече Патрушев, советник на Путин и претседател на Рускиот поморски комитет, за рускиот медиум „Аргументи и факти“.
„Веруваме дека, како и секогаш, најдобриот гарант за безбедноста на пловидбата е морнарицата. Во главните поморски области, вклучувајќи ги и регионите далеку од Русија, мора трајно да бидат распоредени значајни сили, сили способни да ги смират страстите на западните пирати“, рече Патрушев.
Четворица кандидати во трката за државен јавен обвинител добија позитивно мислење
Обвинителките Анита Тополова-Исајловска, Ленче Ристоска и Лидија Раичевиќ и судијата Ненад Савески добија позитивно мислење од Советот за јавни обвинители....
Генерален штрајк во март ако до крајот на февруари не се зголеми минималната плата, ССМ најави блокади и во другите градови
Со тројца повеќе работници од вообичаено, 24 наместо досегашните 21, Сојузот на синдикати на македонија (ССМ) денес ја блокираше Владата,...
Авионот е користен согласно прописите, за секој лет постојат документи, велат од Владата
Јавно и недвосмислено укажуваме дека владиниот авион е користен исклучиво во согласност со прописите и актите за негово користење, согласно...
Скијач од Данска повреден во снежна лавина на Попова Шапка
Скијач од Данска е пронајден на Попова Шапка, а според информациите од полицијата тој бил повреден од снежна лавина и...
Автомобил удри во четиригодишно дете во Скопје, со тешки повреди е пренесено во болница
Четиригодишно дете со тешки повреди е пренесено во болница откако во него удрил автомобил. Според информациите на МВР, вчера околу...
(Видео) Левица: Жителите на Струга 10 дена се оставени без чиста вода за пиење
Жителите на Струга 10 дена се оставени без чиста вода за пиење поради сериозната еколошка хаварија со изворот на вода...
(Видео) Кузеска: За еден час пред Владата ќе започне протест за поголеми плати, нека се симне Мицкоски, нека ги погледне работниците кои едвај може да си ги прехранат семејствата
„Со владин авион и парите од граѓаните премиерот бил на Јадранско море. На одмор. Ова е срамна слика за една...
Од јули директни летови од скопскиот аеродром до атрактивните дестинации Алгеро и Палермо во Италија
Меѓународниот Аеродром Скопје, управуван од ТАВ Македонија, подружница на ТАВ Аеродроми и членка на Групацијата АДП ја проширува својата мрежа...
„Сѐ е исто како во времето на Груевски, затоа и постојано одат со владиниот авион во Будимпешта по нови задачи и насоки“, велат од СДСМ
„55 дена нема одговор од Обвинителството за криминалните тендери, молчи и Државната комисија за спречување на корупција. Нема одговори за...
Денеска посебен режим на сообраќај во Скопје
Денеска со почеток од 11:00 часот од страна на Сојузот на синдикати на Македонија ќе биде одржан протест пред Владата...
ВМРО-ДПМНЕ: Очекуваме Јавното обвинителство темелно и целосно да го расветли случајот со модуларната болница во Тетово
„Сведоштвата на поранешната обвинителка Лејла Кадриу отвораат сериозни прашања за причините и одговорноста за трагичниот настан во модуларната болница во...
Холандски министер: Не треба да го кажувам ова, но американските Ф-35 можат да се хакираат
Холандскиот министер за одбрана, Гијс Туинман, ја изненади јавноста тврдејќи дека софтверската независност за борбениот авион Ф-35 е можна, сугерирајќи...
Чешкиот претседател: Наивно е да се очекува брз мир во Украина
Чешкиот претседател Петр Павел изјави дека би било наивно да се очекува брз мировен договор меѓу Украина, Европа, Соединетите Американски...
Хилари Клинтон: Трамп го прикрива објавувањето на досиејата на Епстин, Бил и јас ќе сведочиме
Хилари Клинтон ја обвини администрацијата на претседателот Доналд Трамп за „прикривање“ во ракувањето со документите поврзани со покојниот сексуален престапник...
(Видео) Голем украински напад врз Русија: Гори рафинерија, пет аеродроми затворени
Синоќа, украински беспилотни летала нападнаа неколку локации во Русија, вклучувајќи ја и рафинеријата за нафта Илски во Краснодарскиот крај, каде...
Британија сака да ги забрани социјалните медиуми за лица под 16 години
Велика Британија би можела да воведе забрана за социјални медиуми за деца под 16 години уште оваа година, следејќи го...
Нова рунда мировни преговори меѓу Украина и Русија; Кремљ: Главното прашање е територијата
Претставници на Украина и Русија ќе се сретнат во Женева денес и утре на нова рунда мировни преговори со посредство...
(Видео) Пукање на хокеарски натпревар за млади во САД: има мртви и ранети
Во пукање на младински хокеарски натпревар во Потакет, во американската држава Род Ајленд, синоќа беа убиени две лица, а тројца...
40-годишниот прилепчанец пронајден починат: трагично заврши потрагата по Виктор Илиоски
Семејството и пријателите преку социјалните мрежи се збогуваат од Виктор Илиоски од Прилеп, кој последен пат бил виден во саботата...
ССМ утре од 11 часот ќе ја блокира Владата: Ќе донесеме и одлука за генерален штрајк, видовме дека на маса не нè слушаат
Сојузот на синдикати на Македонија (ССМ) утре во 11 часот со 21 работник ќе ги блокира влезовите во Владата оти...
