Свет
(Oд минута во минута) ЕП бара ембарго за руските енергенси, Лавров го отфрла украинскиот предлог
Денеска е 42. ден од руската инвазија.
Најновите вести од минута во минута:
20:24 Украина: Најдовме 26 тела под две урнати згради во Бородјанка
Украинската државна обвинителка Ирина Венедиктова рече дека 26 тела биле пронајдени под две урнати згради во Бородјанка, околу 23 километри западно од Буча, пренесува Ројтерс.
19:40 Блинкен: САД ќе ѝ го испратат на Украина потребното оружје
Американскиот државен секретар, Ентони Блинкен, изјавил дека Вашингтон нема да дозволи ништо да застане на патот да ѝ го испрати на Украина оружјето што ѝ е потребно во борбата против Русија, пренесуваат американските гласила.
Тој рекол дека САД размислуваат какво ново оружје би можеле да ѝ испратат на Украина, пренесе „Ројтерс“.
19:20 Европскиот парламент ја прекинува соработката со руската научна заедница
На седницата во Стразбур пратениците на Европскиот парламент го поддржаа ставот дека ЕУ треба да ја прекине соработката со руската научна заедница и да ја прошири со украинската, пренесува АП.
18:20 Русија исклучена од Советот за човекови права
Генералното собрание на Обединетите нации денеска гласаше за суспендирање на Русија од Советот за човекови права на ОН, со седиште во Женева.
За иницијативата, предводена од САД, според новинарските извештаи, гласале 93 земји, 24 земји гласале против, а 58 земји биле воздржани, објави „Ројтерс“.
17:57 Градоначалникот на Днепар: Цивили, евакуирајте се додека можете
Во видео обраќање, градоначалникот на Днепар, Борис Филатов, рекол дека секој кој не е директно вклучен во работа на клучната инфраструктура треба да го напушти градот и да оди на побезбедно место на запад.
17:20 Рускиот премиер: Поради санкциите се наоѓаме во најтешката ситуација во последните 30 години
„Русија се соочува со најтешката ситуација во последните три децении поради невидените западни санкции, но обидите на странските земји да ја изолираат од глобалната економија ќе пропаднат“, изјавил рускиот премиер Михаил Мишустин, пренесуваат регионалните медиуми.
16:50 Украина ја обвини Унгарија дека му помага на Путин и го уништува единството на ЕУ
Киев ја обвини Унгарија дека му помага на Путин во војната против Украина еден ден откако Виктор Орбан изјави дека е подготвен да купува руски гас во рубли за разлика од другите земји од Европската Унија.
16:20 Украина со одговор на Лавров: Москва сака да го оттргне вниманието од настаните во Буча
Членот на украинскиот преговарачки тим, Михаил Подољак, одговори на критиките на рускиот министер за надворешни работи на Русија, Сергеј Лавров, кој претходно денеска изјави дека Киев отстапил од одредбите утврдени на средбата во Истанбул.
15:35 Русија го отфрли украинскиот предлог: „Ова ги покажува вистинските намери на Киев“
Рускиот министер за надворешни работи Сергеј Лавров рече дека нацрт-мировниот договор предложен од Киев до Москва содржи неприфатливи елементи, но додаде дека Русија сепак ќе продолжи со преговорите и ќе работи на исполнување на сопствените безбедносни барања.
„Мировните разговори Москва-Киев не напредуваат толку брзо како што се посакува“, рече Лавров, обвинувајќи го Западот дека се обидува да влијае со привлекување внимание на наводните воени злосторства за кои Москва негира одговорност.
14:50 Проруските сепаратисти тврдат: Главната битка во центарот на Мариупол е завршена
Проруските сепаратисти во источна Украина тврдат дека во голема мера го контролираат центарот на опколениот пристанишен град Мариупол, јави ДПА.
„Можеме да кажеме дека главната битка во централниот дел на градот е завршена“, изјави утринава за руската државна телевизија портпаролот на проруските сили во регионот на Донецк, Едуард Басурин. Украина ги отфрла таквите наводи.
14:40 Европскиот парламент бара итно целосно ембарго на увозот на руска нафта, јаглен и гас
Европскиот парламент повика на уште посилни санкции на ЕУ против Русија, вклучително и целосен прекин на увозот на енергенси од таа земја, а да се вклучи и сојузникот на Кремљ, Белорусија.
Во резолуцијата усвоена денеска со 513 гласа „за“, 22 „против“ и 19 „воздржани“, европратениците повикаа на дополнителни санкции против Русија, вклучително и итно целосно ембарго за увоз на руска нафта, јаглен, нуклеарно гориво и гас што е можно поскоро, известија од Европскиот парламент.
14:25 Поранешни германски министри поднесоа кривични пријави против Путин и други руски претставници
Двајца поранешни министри на германската влада денеска поднесоа кривични пријави до германските сојузни обвинители, барајќи отворање истрага за воени злосторства против руски официјални лица, вклучително и претседателот Владимир Путин, поради конфликтот во Украина.
Tие сакаат да ги искористат германските закони кои дозволуваат кривично гонење за тешки злосторства извршени во странство за да ги изведат пред лицето на правдата оние што ги сметаат за одговорни за злосторствата во Украина, пренесува АП.
13:56 Кремљ: Американската воена помош за Украина ќе им наштети на мировните преговори
Кремљ соопшти дека одлуката на Вашингтон да продолжи со снабдување на Украина со оружје и воена помош веројатно ќе ги поткопа изгледите за успешни мировни преговори меѓу Русија и Украина.
„Испораките на оружје за Украина нема да придонесат за успехот на руско-украинските преговори“, изјави портпаролот на Кремљ Дмитриј Песков пред новинарите, одговарајќи на прашање за испораката на оружје од САД за Украина.
13:05 Украинските житарки заглавени на границата со Полска, нема доволно работници, ниту вагони
Околу 1.100 вагони со жито чекаат во западна Украина за да ја поминат границата со Полска, но не можат да се движат поради долгите бирократски процедури и логистички проблеми, јавуваат трговците и претставници на украинската железничка компанија.
Кога на тоа ќе се додадат вагони натоварени со растително масло, руда, метали, хемикалии и јаглен, бројката се искачува на 24.190 вагони, покажуваат неодамна објавените податоци на украинската државна железничка компанија Укрзализница.
Шефицата на германската дипломатија, Аналена Баербок, на денешниот состанок на министрите за надворешни работи на НАТО изјави дека алијансата се обидува да ја зголеми својата помош за Киев со различно воено оружје.
12:00 Путин излегува во јавност – ќе оди на погреб кај Владимир Жириновски
Рускиот претседател, Владимир Путин, дефинитивно ќе се збогува со лидерот на ЛДПР, Владимир Жириновски, изјави портпаролот на Кремљ, Дмитриј Песков.
Ова ќе биде неговото ново појавување во јавноста, по тоа на 18 март во Москва кога се одржа големиот митинг по повод анексијата на Крим и Светастопоље.
„Претседателот дефинитивно ќе се збогува со Жириновски“, рече Песков.
11:15 ЕУ сака да го прекине увозот на руски јаглен, Унгарија против
Се очекува денеска претставниците на ЕУ да ја одобрат забраната за увоз на руски јаглен, која целосно ќе стапи на сила од средината на август, еден месец подоцна од првично предложеното, по притисокот од Германија да се одложи мерката, објави „Ројтерс“, цитирајќи извор од ЕУ.
Постепеното укинување на рускиот увоз на јаглен е столбот на петтиот пакет санкции на ЕУ против Русија, предложен од Европската комисија оваа недела, како одговор на злосторствата во украинскиот град Буча.
Но, унгарскиот министер за надворешни работи рече дека земјата не ги поддржува предлозите за енергетски санкции кон Русија.
Петер Сијарто кажа и дека воведувањето санкции за какви било активности поврзани со нуклеарната енергија е „црвена линија“ за Унгарија.
11.10 Украина тврди: Околу 18.900 руски војници загинале во војната
Украинскиот Генералштаб соопшти дека во војната во Украина загинале околу 18.900 руски војници
11:00 Украина: Потегот на Унгарија е непријателски чин
Министерството за надворешни работи на Украина утринава соопшти дека ја смета подготвеноста на Унгарија да плати за рускиот гас во рубли за „непријателски чин“ и дека односот на Унгарија кон руските злосторства го зајакнува чувството на неказнивост на Русија и ја охрабрува Русија „да изврши нови злосторства против Украинци“, пренесува „Гардијан“.
11:00 Западен експерт за Русија: Украина победува
Украина ја добива војната во својата земја, вели експерт за Русија и Источна Европа. Марк Војџер, од Трансатлантската програма за одбрана и безбедност во Центарот за европски анализи, за „Скај њуз“ изјави дека Украина победува на повеќе страни.
„Украина победува на теренот, тактички, оперативно, меѓународно, стратешки“, рече Војџер.
10.58 Претседателот на Чешка: Русите се луди, на Путин да му се суди
Чешкиот претседател Милош Земан, кој до нападот на Украина тврдеше дека „Русите не се луди да го прават тоа сега“, истакна дека „очигледно се луди“
10.45 Украинска армија: Руските војници копаат ровови во радиоактивна шума
Објавеното видео направено со помош на дрон наводно покажува докази дека руски војници ископале ровови во Црвената шума, една од најрадиоактивните области во светот.
Video proof. russian command did order its soldiers to dig fortifications near the Chornobyl nuclear power plant in the radioactive Red Forest in March, 2022. Complete neglect of human life, even of one's own subordinates, is what a killer-state looks like. pic.twitter.com/VLjNTaW3T3
— Defence of Ukraine (@DefenceU) April 6, 2022
10.35 Бајден: Целта на санкциите е да се задуши руската економија во годините што доаѓаат
За само една година, нашите санкции веројатно ќе ги избришат последните 15 години од економските придобивки на Русија и затоа што ја отсековме Русија од важни технологии како што се полупроводниците и безбедноста на шифрирањето и критичните компоненти на квантната технологија што им се потребни за да бидат конкурентни на 21-ви век
10:30 ЕУ ќе разговара за ембаргото на руската нафта
Нова рунда санкции на ЕУ кон Русија – вклучително и забрана за увоз на јаглен – би можела да биде договорена, рече шефот на европската дипломатија, Жосеп Борел.
10:30 Фон дер Лаен патува во Киев за да разговара со Зеленски
Украинскиот претседател Володимир Зеленски утре во Киев ќе разговара со претседателката на Европската комисија, Урсула фон дер Лаен, соопшти портпаролот на украинскиот претседател, Сергеј Никифоров.
Зборувајќи за националната телевизија, Никифоров рече дека од безбедносни причини не може да ги објави деталите за разговорот.
10.25 ДНР: Украинската армија запали брод на морнарицата
Украинската армија го запали командниот брод на украинската морнарица Донбас во пристаништето Мариупол, што може да биде дел од кампањата за дискредитација на руските вооружени сили, соопшти денеска самопрогласената Народна Република Доњецк (ДНР).
10.20 Евакуација на украинските цивили денеска преку 10 хуманитарни коридори
Украинската вицепремиерка Ирина Верешчук изјави дека се надева оти земјата ќе може да ги евакуира цивилите преку 10 хуманитарни коридори денеска.
10.15 Претседателот на Полска: Русите сакаат да ја снема украинската нација, тоа е геноцид
Полскиот претседател Анджеј Дуда изјави дека се согласува со украинскиот претседател Володимир Зеленски дека руските акции во предградијата на Киев и на други места во земјата претставуваат геноцид.
10:10 Владимир Кличко: Геноцидот се случува пред очите на Европа и светот
Владимир Кличко, поранешен светски шампион во бокс и брат на градоначалникот на Киев, Виталиј Кличко, ги осуди злосторствата извршени од руската армија и рече дека геноцид се случува пред очите на Европа и светот.
Тој објасни дека Русите не бираат цели и рече дека нивната агресија не смее да остане неказнета.
10:00 Захарова: Земјите што протераа руски дипломати ќе добијат тежок одговор
Земјите кои протераа руски дипломати нема да ги затворат руските амбасади, бидејќи во спротивно ќе видат катанец на нивните амбасади, изјави портпаролката на руското Министерство за надворешни работи, Марија Захарова.
09:50 Австриското Министерство за надворешни работи одлучи да протера четворица руски дипломати
Австриското Министерство за надворешни работи одлучи да ги следи европските земји и да протера четворица руски дипломати.
Станува збор за тројца дипломати во руската амбасада во Виена и еден од генералниот конзулат во Салцбург, кои ќе треба да ја напуштат Австрија најдоцна до 12 април.
09:40 Мишел: Членките на ЕУ треба да размислат за азил за руските војници кои ја напуштаат војната
Претседателот на Европскиот совет, Шарл Мишел, изјави дека земјите членки на Европската Унија треба да разгледаат начини да им понудат азил на руските војници кои се подготвени да ја напуштат војната во Украина.
9:30 Најмалку 24.000 руски војници се повлекоа од Киев и Чернихив
Американското Министерство за одбрана денеска соопшти дека руските сили целосно се повлекле од областите Чернихив и Киев.
– Руските сили кои беа во близина на Киев и Чернихив целосно се повлекоа од тие области со цел да се консолидираат и повторно да се подготват во Белорусија и Русија. Путин не успеа да постигне ниту една од своите стратешки цели. Единственото нешто што успеа да направи е да ја преземе контролата врз помалите места. Русите не го зазедоа Харков – изјави портпаролот на Пентагон Џон Кирби.
9:20 Австралија воведе санкции за 67 руски државјани
Австралиската министерка за надворешни работи Мери Пејн изјави денеска дека Австралија воведува санкции за 67 руски државјани поради рускиот напад врз Украина.
9:10 Столтенберг: Членките на НАТО повеќе да и’ помoгнат на Украина
Генералниот секретар на НАТО Јенс Столтенберг ги повика членките на алијансата да и’ дадат поголема помош на Украина. Тој додаде дека ќе и’ даде до знаење на Москва дека нема да има недоразбирања, погрешни проценки за подготвеноста на НАТО да ги заштити и брани сите сојузници.
„Постои итна потреба за дополнителна помош на Украина. На нашиот состанок во текот на денот со министрите за надворешни работи на земјите членки на НАТО, сигурен сум дека ќе ги решиме прашањата за дополнителни противвоздушни системи, противтенковско оружје, лесно, но и тешко оружје и разни форми на помош за Украина“, изјави Столтенберг.
9:00 Украинскиот министер: Мојата агенда има три точки – оружје, оружје и оружје
Министерот за надворешни работи на Украина, Дмитро Кулеба, е во Брисел на разговори со сојузниците во НАТО. Говорејќи на прес-конференција со генералниот секретар на НАТО, Јенс Столтенберг, тој рече дека неговата агенда е многу едноставна.
„Мојата агенда е многу едноставна. Има само три точки. Тоа се оружје, оружје и оружје. Знаеме како да победиме, но без доволни резерви на оружје, овие победи ќе бидат придружени со огромни жртви“, рече тој.
8:45 Четворица цивили загинаа во руски напад врз центар за помош
Четири цивили загинаа, а четворица се ранети во руско гранатирање на центар за хуманитарна помош во малиот град Вугледар во источна Украина, изјави гувернерот на Доњецката област Павло Кириленко.
-Утрово непријателот ги гаѓаше цивилите од Вуледар кои дојдоа да добијат хуманитарна помош. Во гранатирањето загинаа четири лица, а четворица се ранети – наведе Кириленко на Фејсбук.
8:40 Градоначалникот на Мариупол: Над 5.000 цивили се убиени во градот
Градоначалникот на Мариупол изјави дека бројот на убиени цивили во градот е повеќе од 5.000 лица.
Украинските власти собираат докази за можни руски воени злосторства во Украина. Неодамнешните обвинувања против режимот на Владимир Путин доведоа до дополнителни санкции од Западот.
8:30 Канада го повика рускиот амбасадор на разговор
Канада го повика рускиот амбасадор за убиствата на цивилите во киевските предградија Буча и Ирпин, изјави министерката за надворешни работи Мелани Жоли.
8:20 САД ја предупредија Индија да не се приближува до Русија
Главниот економски советник на американскиот претседател, Џо Бајден, рече дека САД ја предупредиле Индија дека не сакаат земјата премногу да се доближи до Русија.
„Нашата порака до индиската влада е дека трошоците и последиците од преминот кон поексплицитно стратешко партнерство со Русија ќе бидат значајни и долгорочни“, изјави за новинарите во средата директорот на Националниот економски совет на Белата куќа, Брајан Дис.
8:10 Украина може апсолутно да победи во војната против Русија, тврди Пентагон
Украина може апсолутно да ја добие војната против Русија, изјави портпаролот на Пентагон Џон Кирби на денешниот брифинг.
„Се разбира дека тие можат да го добијат ова. Доказот е буквално во резултатите што ги гледате секој ден. Апсолутно можат да победат“, рече Кирби.
8:00 Зеленски го повика Западот да се договори за ембарго на руската нафта
Украинскиот претседател Володимир Зеленски го повика Западот да се договори за ембарго на руската нафта бидејќи војната во Украина влегува во својата шеста недела.
Во своето обраќање, Зеленски рече дека Москва заработува толку многу пари од извозот на нафта што не мора сериозно да ги сфаќа мировните преговори и го повика демократскиот свет да се држи настрана од руската нафта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мерц: САД се подготвени за обврзувачки безбедносни гаранции за Украина
САД се подготвени да преземат правни безбедносни гаранции слични на член 5 од Договорот за НАТО. Ова го изјави германскиот канцелар Фридрих Мерц, цитиран од „News.LIVE“. Повоениот мир за Украина мора да биде обезбеден со материјални и правни гаранции од САД и Европа, нагласи германскиот канцелар Мерц, додавајќи дека сојузниците повеќе нема да ги повторуваат „грешките од Минските договори“.
Овие гаранции треба да бидат сеопфатни, истакна Мерц, додавајќи дека нивната специфична содржина ќе биде разгледана подоцна: „Во случај на нов напад од страна на Руската Федерација, Украина би можела да се одбрани не само сама, туку и со поддршка на оние земји што ќе ги преземат обврските“.
Според канцеларот, Европејците ѝ ги предале на Русија своите предлози за обезбедување безбедносни гаранции и „топката сега е во дворот на Москва“. Мерц го повика Кремљ да покаже дека навистина сака мир и да се согласи на целосно прекин на огнот со Украина за време на божиќните празници.
Веќе има сигнали од украинската страна и од водечките земји од ЕУ дека е можно на крајот да има договор меѓу САД и Украина за тоа како треба да изгледа идниот мир. Но, Русија сепак ќе мора да биде убедена, дури и ако Украина и САД на крајот постигнат договор за Донбас. Американската страна, исто така, била задоволна од тоа како се одвивале преговорите, тврди Ројтерс, врз основа на свои извори.
„Разговорите не се лесни, но се продуктивни“, коментираше украинскиот претседател Володимир Зеленски и потврди дека Украина и САД имаат различни ставови за судбината на Донбас.
depositphotos
Свет
Зеленски: Не е постигнат компромис за територијалното прашање за време на преговорите во Берлин
Украинскиот претседател Володимир Зеленски изјави дека позициите на САД и Украина за поделбата на териториите сè уште се разликуваат. Тој го објави ова за време на заедничката прес-конференција со Фридрих Мерц на Германско-украинскиот економски форум, пренесува „Европејскаја правда“.
Тој нагласи дека САД дејствуваат како посредник во овие преговори.
„Секако, не сите прашања се едноставни. Постојат сложени работи, особено во врска со териториите. Секако, сите го покренуваат ова прашање. И тука е важно сите ние да работиме на тоа ваквите прашања да се решат апсолутно праведно. Дијалогот за териториите не беше доволен и ми се чини дека досега имаме различни позиции, да бидам искрен, но мислам дека колегите го слушнаа мојот личен став“, рече Зеленски.
Во исто време, тој истакна дека е постигнат напредок по многу прашања за време на неодамнешните преговори.
„Навистина имаше напредок по многу прашања. Искрено, не знам како Русија ќе го перцепира ова – во однос на релевантните резултати од нашите разговори“, нагласи украинскиот шеф на државата.
Во Берлин се одржа состанок на украинската делегација предводена од Володимир Зеленски со претставници на тимот на американскиот претседател Доналд Трамп.
Специјалниот претставник на американскиот претседател Стив Виткоф денес објави значителен напредок во преговорите.
depositphotos
Свет
САД: Разговараме за договор што обезбедува силни гаранции за безбедноста на Украина
САД соопштија дека ѝ понудиле на Украина силни безбедносни гаранции слични на оние од НАТО, а Вашингтон изрази увереност дека Русија ќе ги прифати. САД го опишаа потегот како потенцијален пробив во напорите за завршување на војната, објави „АФП“.
Американските претставници ги опишаа часовите разговори во Берлин со претседателот Володимир Зеленски како позитивни и рекоа дека претседателот Доналд Трамп ќе оствари телефонски разговори подоцна на 15 декември и со украинскиот лидер и со европските партнери за да го унапредат договорот.
Во исто време, американските претставници нагласија дека Украина исто така мора да го прифати договорот, за кој велат дека ќе обезбеди безбедносни гаранции во согласност со Член 5 на НАТО – принципот на колективна одбрана, според кој нападот врз еден сојузник се смета за напад врз сите.
„Основата на овој договор е во суштина да обезбеди навистина, навистина силни гаранции – слични на Член 5 – како и многу силно одвраќање преку обемот на украинските вооружени сили“, рече американски функционер, зборувајќи под услов на анонимност.
„Овие гаранции нема да бидат на маса засекогаш. Тие се на маса токму сега, ако се постигне заклучок на правилен начин“, додаде тој.
Трамп претходно ја отфрли можноста Украина формално да се приклучи на НАТО, идентификувајќи ги аспирациите на Киев за членство во алијансата како една од причините за инвазијата на Москва во 2022 година.
Сепак, друг американски функционер изрази увереност дека Русија ќе го поддржи предложениот договор.
„Мислам дека Украинците, како и Европејците, би ви кажале дека ова е најробусниот пакет безбедносни гаранции што некогаш го виделе. Ова е исклучително силен пакет“, рече вториот претставник.
„Се надевам дека Русите ќе го разгледаат и ќе речат: „Ова е прифатливо бидејќи немаме намера – им веруваме на збор – да го прекршиме“. Но, ако има прекршувања, тие ќе бидат решени преку овој безбедносен пакет“, додаде тој.
Првиот американски функционер призна дека сè уште нема договор за прашањето за територијата. Трамп постојано изјавуваше дека Украина неизбежно ќе мора да отстапи територија на Русија, исход што е неприфатлив за Зеленски по речиси четири години одбрана на земјата.
Истиот извор посочи дека САД разговарале со Зеленски за идејата за создавање „економска слободна зона“ во областите што моментално се предмет на воен спор.
„Поминавме многу време дефинирајќи што би значело тоа и како би функционирало. На крајот, ако можеме да го разјасниме тоа, тогаш од страните ќе зависи да ги решат конечните прашања поврзани со суверенитетот“, рече тој.
Разговорите во Берлин ги водеа Стив Виткоф – деловниот партнер на Трамп и патувачки глобален преговарач – и Џаред Кушнер, зет на американскиот претседател.
Зеленски: Не е постигнат компромис за територијалното прашање за време на преговорите во Берлин
Украинскиот претседател Володимир Зеленски изјави дека позициите на САД и Украина за поделбата на териториите сè уште се разликуваат. Тој...
(Фото) Фудбалер на македонскиот клуб „Рокдејл Илинден“ меѓу жртвите во нападот на плажата Бонди во Австралија
Меѓу убиените во вчерашниот терористички напад на плажата Бонди е и фудбалер на Рокдејл Илинден – клуб на македонската дијаспора...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
Вечерва почнува зимска бајка на Плоштад Македонија: Елката ќе светне во 18 часот, Дедо Мраз ќе стигне на 27 декември
Елката на Плоштад Македонија вечерва во 18 часот ќе биде осветлена со свечена церемонија, најави градоначалникот на Скопје, Орце Ѓорѓиевски....
(Видео) Мицевски: Поднесовме Резолуција за осуда на манипулациите на опозицијата и за потврда на политиките против нелегалната миграција
Пратеничката група на ВМРО-ДПМНЕ, заедно со пратеници од коалицијата ВРЕДИ и ЗНАМ, ја поднесовме „Резолуцијата за осуда на манипулациите на...
(Видео) Крај на мигранти во Македонија се става само ако се потпише резолуцијата на СДСМ, рече Кузеска
„Со договорени мигранти за пари ДПМНЕ ја предаде Македонија, ја продаде за пари, за скапи кредит врз грбот на народот....
(Фото) 10-годишно девојче, двајца рабини и маж што го преживеал холокаустот: познати жртвите од Сиднеј
Во терористичкиот напад на плажата Бонди вчера беа убиени најмалку 15 цивили, од кои многумина го славеа првиот ден од...
(Видео) Татко и син убија 15 луѓе во Сиднеј: „Се заколнале на верност на ИСИС“
Таткото и синот кои убија 15 лица на еврејски фестивал на плажата Бонди во Сиднеј во неделата можеби имале врски...
(Видео) Снимено уривањето на огромен руски воен транспортен авион, се преполови во воздухот
Рускиот канал на Телеграм „Маш“ објави снимка од падот на рускиот воен транспортен авион Ан-22 во регионот Иваново. Снимката го...
Земјотрес почувствуван во Македонија
Утрово во 7.20 часот беше почувствуван земјотрес на територијата на Македонија, објави ЕМСЦ. Според ЕМСЦ земјотресот бил со јачина од...
(Видео) Нападот врз Бонди е чин на чисто зло, вели австралискиот премиер
Австралискиот премиер Ентони Албанез и началниците на полицијата одржаа прес-конференција во Сиднеј. „Она што го видовме вчера беше чин на...
(Видео) Преживеан од холокаустот загина штитејќи ја сопругата на плажата Бонди
Една од жртвите на терористичкиот напад во неделата за време на прославата на Ханука во Австралија беше Алекс Клајтман, преживеан...
(Видео) Американски режисер и неговата сопруга пронајдени мртви: полицијата се сомнева дека е убиство
Полицијата на Лос Анџелес истражува нешто што го опишува како очигледно убиство откога две тела беа пронајдени во домот на...
Неправилности и проблеми со „Безбеден град“ ќе се пријавуваат преку специјален пункт или на интернет
Министерот за внатрешни работи, Панче Тошковски, е задоволен од резултатите од тест-периодот на проектот „Безбеден град“. Тошковски вели дека граѓаните...
Мицкоски: Буџетот е ликвиден, трезорот нема да се затвори на 15 декември
Премиерот Мицкоски изјави дека Буџетот е ликвиден и сите обврски се извршуваат тековно. Како што појасни Мицкоски, 15 декември не...
(Видео) ВМРО-ДПМНЕ предлага Резолуција за осуда на дезинформациите за мигранти
ВМРО-ДПМНЕ денеска претстави „Резолуција за осуда на манипулациите на опозицијата и за потврда на политиките против нелегалната миграција“. „Во изминатите...
(Видео) Димитријевиќ: Власта носи мигранти за пари
„Во буџетот нема пари. За првпат во историјата, утре – 15 декември – се затвора Трезорот. Државата доцни со сите...
Oбвинителство: За насилство во училиште во Сарај, побарана судска постапка спрема пет деца
Основното јавно обвинителство Скопје до судијата за деца при Основниот кривичен суд Скопје поднесе Барање за поведување подготвителна постапка за...
АХВ: Спречен увоз на над 26 тони замрзнато пилешко месо од Бразил
Инспекциските служби на Агенцијата за храна и ветеринарство (АХВ) спречија увоз на над 26 тони замрзнато пилешко месо од Бразил...
(Видео) Пукање на универзитет во САД – има загинати и повредени, напаѓачот е во бегство
Најмалку две лица се убиени, а девет се повредени во вооружен напад што се случи во саботата попладне на кампусот...
