Европа
Путин: Русија ја почитува Украина, но некои сакаат Русија да се распадне
Рускиот претседател Владимир Путин изјави во четвртокот во годишното обраќање пред пратениците дека Москва ја почитува сувереноста на Украина, меѓутоа смета дека некои сили сакаат да предизвикаат распад на Русија, а смената на власта во Киев ја квалификуваше како државен удар.
Рускиот претседател Владимир Путин изјави во четвртокот во годишното обраќање пред пратениците дека Москва ја почитува сувереноста на Украина, меѓутоа смета дека некои сили сакаат да предизвикаат распад на Русија, а смената на власта во Киев ја квалификуваше како државен удар.
Русија ја почитува сувереноста на сите поранешни советски републики, вклучително и на Украина, изјави рускиот претседател Владимир Путин во говорот за состојбата на нацијата пред членовите на двата дома на рускиот парламент.
„Познато е дека Русија ги поддржуваше амбициите не само на Украина, туку и на другите поранешни советски републики да станат суверени држави“, изјави рускиот претседател.
Истовремено, предупреди дека некои држави посакуваат распад на Русија. „Некои земји би сакале Русија да се распадне како Југославија, но Русија нема да го дозволи тоа“, порача Путин. Во продолжение ги критикуваше плановите на САД за градење на ракетниот штит во Европа како акт насочен против руската безбедност и порача дека нена смисла да се разговара со Русија од позиција на сила.
Притоа Путин порача дека Москва нема слепо да му се потчини на притисокот од Западот во врска со ситуацијата во Украина. Истакна дека Русија „има право да побара одговор на прашањето поради што се случува трагедијата во Украина. Дали е можно да бидат решени проблемите, дури и спорните прашања во рамките на дијалогот на правната рамка и легитимните процеси?“
Во врска со придружувањето на Украина кон Европската унија, според рускиот претседател, неопходни биле преговори и земање предвид на ставот на Москва. „При преговорите за Спогодбата за стабилизација и асоцијација на Украина кон ЕУ воопшто не се водеше дијалог. Ни беше кажано дека тоа ’не е ваша работа’, зборувајќи едноставно“, соопшти Путин пред руските пратеници.
Рускиот претседател притоа изјави дека не е возможно Москва да го поддржи военото преземање на власта во Украина. „Да, ние го осудивме државниот удар, насилното преземање на власта во Киев во февруари годинава. И, она што сега го гледаме во Украина, трагедијата на југоистокот, потполно ја потврдува исправноста на нашата позиција. Како во однос на тоа е можно да се поддржи вооруженото преземање на власта… колку чини еден од најкрвавите настани во Одеса, кога луѓето беа изгорени..?“, праша рускиот претседател обраќајќи се пред Федералното собрание./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
„Неприфатливо, нема да помине без последици“: Бербок ја обвини Русија за сајбер напад врз Германија, руски дипломати повикани на разговор
Германското Министерство за надворешни работи ги покани претставниците на руската амбасада на состанок во врска со наводниот руски сајбер напад врз Социјалдемократската партија на Германија (СПД) минатата година.
„Руски државни хакери ја нападнаа Германија во сајбер просторот“, соопшти министерката за надворешни работи Аналена Бербок при посетата на Австралија.
СПД во јуни 2023 година објави дека е-поштата на извршниот директор на СПД претходно биле цел на сајбер напад во јануари, пренесува „Велт“. Портпаролката на СПД истакна дека постои можност да имало одлив на податоци за време на рускиот напад.
„Денес јасно можеме да го припишеме овој минатогодишен напад на групата „АПТ28“, која е контролирана од руската тајна служба „ГРУ“. Ова е целосно неприфатливо и нема да помине без последици“, изјави Бербок.
Според податоците на германската канцеларија за заштита на уставот, групата „APT28“ е активна ширум светот, пред се во областа на сајбер шпионажата, најмалку од 2004 година. Во минатото, според Канцеларијата, оваа група водела дезинформации и пропагандни кампањи во сајбер просторот и е „меѓу најактивните и најопасните сајбер актери во светот“.
Германската федерална канцеларија за заштита на уставот исто така смета дека „АПТ28“ е дел од руската воена разузнавачка служба „ГРУ“, пишува „Велт“. Се вели дека групата е обвинета за голем сајбер напад врз Бундестагот во 2015 година, а подоцна и во САД за напад врз Демократската партија пред претседателските избори во 2017 година.
Според информациите на германската новинска агенција, истрагата на федералната влада ги вклучила сите германски тајни служби, вклучително и Канцеларијата за заштита на Уставот, Федералната разузнавачка служба и Воената контраразузнавачка служба. „Велт“ наведува дека нападот врз СПД бил дел од кампањата „АПТ28“ во неколку европски земји, која е насочена против владините служби и компаниите кои се занимаваат со снабдување со енергија, ИТ, вооружување или авијација.
Европа
Орбан: Унгарија ќе ги зголеми трошоците за одбрана доколку војната во Украина продолжи
Унгарија ќе мора да ги зголеми трошоците за одбрана и следната година доколку војната во Украина продолжи до 2025 година, со што ќе се намали износот на расположливите средства за други трошоци, изјави денеска унгарскиот премиер Виктор Орбан.
Орбан изјави за државното радио дека доколку војната во Украина се пролонгира до 2025 година, нивоата на средства за одбрана на Унгарија за 2023 и 2024 година нема да бидат доволни и ќе мора да се зголемат, пренесува агенцијата МТИ. Орбан изјави дека е загрижен за иднината на Европа и дека унгарската влада нема да дозволи Унгарија да биде принудена да влезе во војна по трет пат, откако учествуваше во Првата и Втората светска војна.
Премиерот на Унгарија смета дека е потребно европско безбедносно решение во кое ќе биде вклучена Русија и дека американската воена индустрија најмногу профитирала од војната во Украина, откако САД испратија најголема воена помош во Киев.
„Нашето историско искуство со војната е дека можете само да изгубите. Колку сте поблиску до воената зона, толку е поголема цената што ја плаќате“, рече Орбан.
Унгарија значително ги зголеми одбранбените распределби минатата година на 2,43 отсто од БДП, што е над два отсто на кои се обврзаа членките на НАТО, наведува МТИ.
Европа
Шефот на британската дипломатија: Украина има право да го користи нашето оружје во Русија
Британскиот министер за надворешни работи Дејвид Камерон денеска вети три милијарди фунти (3,74 милијарди долари) годишна воена помош за Украина „колку што е потребно“ и додаде дека Лондон нема ништо против оружјето да се користи во Русија.
„Ќе даваме три милијарди фунти секоја година онолку колку што е потребно. Штотуку навистина исцрпивме се што можеме во однос на давање опрема“, изјави тој за Ројтерс во интервју за време на посетата на Киев, додавајќи дека пакетот помош е најголемиот од ОК до сега.
„Дел од таа (опрема) пристигнува во Украина денеска, додека јас сум тука“, рече тој.
Камерон рече дека Украина има право да користи оружје доставено од Лондон за да нападне цели во Русија и дека тоа зависи од Киев.
„Украина го има тоа право. Исто како што Русија напаѓа внатре во Украина, сосема е разбирливо зошто Украина чувствува потреба да се осигура дека е способна да се одбрани“, изјави Камерон за Ројтерс.
Камерон, кој го предводеше Обединетото Кралство од 2010 до 2016 година како премиер и се врати на политичкиот фронт пред само неколку месеци, се состана со украинскиот министер за надворешни работи Дмитро Кулебa и претседателот Володимир Зеленски во неговата втора посета на Киев како министер за надворешни работи.