Европа
Рускиот амбасадор во САД: Вооружувањето на Киев може да доведе до конфликт меѓу САД и Русија
![](https://makfax.com.mk/wp-content/uploads/2022/04/873x400-1-6.jpg)
Месец и пол по почетокот на руската инвазија врз Украина, рускиот амбасадор во САД, Анатолиј Антонов, за „Њузвик“ објаснуваше зошто Русија започнала, како што ја нарекуваат, „специјална воена операција“, пренесуваат медиумите.
Според нив, Антонов детално ги опишал барањата кои, доколку се исполнат, би можеле да го прекинат конфликтот. Антонов кажал дека украинскиот режим не е подготвен да го запре геноцидот.
„Специјалната операција во Украина е резултат на неподготвеноста на режимот во Киев да го запре геноцидот врз Русите со исполнување на обврските кон меѓународните партнери. Очигледна е и желбата на земјите-членки на НАТО да ја искористат територијата на соседната земја за да воспостават упориште во борбата против Русија“ изјавил Антонов.
Тој во интервјуто оценил дека западните земји се директно вклучени во настаните во Украина бидејќи продолжуваат да го снабдуваат Киев со оружје и со тоа го поттикнуваат на натамошни конфликти.
Рускиот амбасадор посочил дека ваквите акции се опасни и провокативни бидејќи, како што навел, се насочени против Русија. Тој посочил дека тоа може да доведе до директен воен конфликт меѓу САД и Русија.
Антонов го повторил ставот на Москва дека „сите конвои на територијата на Украина со оружје и воена опрема што пристигнаа од Запад се легитимна воена цел на руските вооружени сили“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Германската полиција уби навивач кој со секира влегол во фан-зоната на Европско првенство (ВИДЕО)
![](https://makfax.com.mk/wp-content/uploads/2024/06/germanija.jpg)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
![](https://makfax.com.mk/wp-content/uploads/2024/06/soobrakajka.jpg)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.
Европа
Без пратеници Роми остана Европскиот парламент
![](https://makfax.com.mk/wp-content/uploads/2022/04/evropski-parlament.jpg)
Со приближно 10 до 12 милиони жители во Европа, од кои околу шест милиони живеат во ЕУ, Ромите се едно од најбројните европски етнички малцинства. Сепак, во новиот состав на Европскиот парламент, избран минатата недела, првпат по 2004 година нема ниту еден европратеник припадник на ромската заедница.
Еден од најгласните застапници за правата на Ромите во Европскиот парламент досега беше Интергрупата за антирасизам и различности (АРДИ), чии цели се промовирање на расната еднаквост и информирање за проблемите со кои се соочуваат малцинствата. Без претставници на Ромите во ова тело, постои стравување од потенцијално поместување на приоритетите, како и намалување на сфаќањето на вистинските предизвици со кои се соочува ромската заедница.
Вклучувањето на претставниците на Ромите во процесот на одлучување би овозможил посеопфатно разбирање за потребите на заедницата, која има тешка историја низ целиот европски континент. Припадниците на ромската заедница се соочуваат со дискриминација низ цела Европа – 68 отсто од Ромите предвремено го напуштаат образовниот систем, а 80 проценти од нив живеат под прагот на сиромаштија.
Ваквите предизвици се вкоренети во стотиците години систематски предрасуди и социјална исклученост, кои продолжуваат да се одржуваат дури и до денес.
Една од земјите со процентуално најголема застапеност на Ромите во ЕУ е Романија. Според официјалните статистичките податоци 2,99 проценти од жителите на Романија се Роми, но според ромските организации реалната стапка на припадници на ромската заедница во земјата надминува осум отсто од вкупното население. Но, меѓу кандидатите за европратеници од Романија немаше ниту еден Ром, што е уште еден доказ за маргинализација на ромската заедница во земјата.
За споредба, унгарското малцинство кое сочинува 5,25 отсто од населението, освои два од вкупно 33-цата романски европратеници.
Отсуството на ромски кандидати за европратеници може да се припише на предизвиците со кои се соочуваат Ромите во политичкото мобилизирање, како поради систематското угнетување кое го одржува циклусот на сиромаштија во заедницата, така и поради бројните стереотипи кои ги спречуваат гласачите да се одлучат за ромските партии.