Спорт
Леклер со рутинска победа во Мелбурн, предвремен крај за Ферстапен
![](https://makfax.com.mk/wp-content/uploads/2022/04/FP9n6SOX0AMc2S1.jpg)
Шарл Леклер ја забележа својата втора победа во првите три трки од новата Формула 1 сезона, доминирајќи на Австралиското ГП во Мелбурн за победа пред Серхио Перез во Ред бул и Џорџ Расел во Мерцедес, откако не видовме битка со светскиот шампион, Макс Ферстапен во Ред бул, кому му откажа моторот за одбраната на светската титула да му тргне навистина лошо.
Луис Хамилтон заврши на четвртото место пред двојката на Мекларен, Лендо Норис и Даниел Рикардо, а во поени беа и Естебан Окон (Алпине), Валтери Ботас (Алфа Ромео), Пјер Гасли (Алф Таури) и Александер Албон (Вилијамс).
Ферари повторно покажаа дека имаат најбрз болид, откако Леклер немаше проблеми на стартот да го остави Ферстапен зад него, по што ги надмина излегувањата на сигурносното возило во неколку прилики на Алберт Парк, за да стане првиот фаворит за светската титула по само три трки, посебно бидејќи неговиот колега Карлос Саинс Јуниор кошмарот во Мелбурн го заврши со откажување, а главниот ривал, Ферстапен откако не успеа да го предизвика возачот од Монако, не ја заврши трката со проблеми со моторот на десет круга пред крајот.
CHARLES LECLERC WINS THE AUSTRALIAN GRAND PRIX! ?
He takes home his first-ever Grand Slam victory – pole, win and fastest lap!!! ?#AusGP #F1 @Charles_Leclerc pic.twitter.com/3uSxV281VL
— Formula 1 (@F1) April 10, 2022
LAP 42/58
A difficult end for Max Verstappen after running in P2 for majority of the race #AusGP #F1 pic.twitter.com/iGAxuxw9ox
— Formula 1 (@F1) April 10, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Кек: Не очекував пласман во осминафиналето
![](https://makfax.com.mk/wp-content/uploads/2024/06/AFP0238537622979790740028738371097241441819-1.jpg)
Репрезентацијата на Словенија постигна историски успех на Европското првенство во Германија. Словенците прв пат се пласираа во нокаут фазата на едно големо натпреварување.
Избраниците на Матјаж Кек, во Ц групата, ремизираа со Данска 1:1, Србија 1:1 и Англија 0:0, што им беше доволно за пласман во нокаут фазата. .
„Не очекував дека ќе поминеме. Сепак, со играта заслуживме да одиме понатаму. Игравме против Англија, еден од фаворитите на турнирот. Покажавме ментална сила. Ги анализиравме, но кога станавме пасивни имавме проблеми“, изјави селекторот на Словенија Матијаж Кек и додаде:
„Горд сум на овој тим. Ја видовте енергијата што играчите ја добиваат од нашите навивачи од првиот натпревар. Се радуваме на тоа, но од утре се враќаме на тренинзите, ќе се подготвуваме за следниот натпревар. Имавме тешка група, но имаме врвен тим. Мислам дека ова е почеток на нова и убава ера за словенечкиот фудбал“, рече Кек.
Словенија, која беше трета во групата, заедно со првопласираната Англија, денеска ќе ги дознаат имињата на своите ривали во осминафиналето. Данска од втората позиција оди во Германија.
Спорт
(Видео) Лаутаро го реши Чиле, Канада го победи Перу
![](https://makfax.com.mk/wp-content/uploads/2024/06/12327435.jpg)
Аргентина е првата репрезентација која обезбеди четвртфинале на Копа Америка. Актуелните светски и јужноамерикански шампиони го совладаа Чиле со 1:0 на стадионот „Мет Лајф“ во Њу Џерси.
Решавачкиот момент се случи во 88.минута. По корнерот кој го изведе Меси и една флипер ситуација во шеснаесетникот на Чиле, најдобро се снајде Лаутаро Мартинез кој од неколку метри го совлада голманот Браво.
Аргентина доминираше во текот на целиот натпревар, Меси и колегите упатија 21 удар кон противничкиот гол.
Натпреварот го следеа повеќе од 80 илјади навивачи, а се подразбира дека повеќе од 90 отсто навиваа за Аргентина, од кои најголем број во дресови со број 10.
Еден гол го реши победникот и во вториот натпревар во оваа група. Канада беше подобра од Перу со 1:0. На Перуанците, кои од 59. минута играа со играч помалку, бидејќи беше исклучен Араухо, им пресуди Џонатан Дејвид, со гол во 74. минута.
Натпреварот се одигра на стадионот во Канзас Сити.
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.