Црна хроника
Запалени киосци и ограбена обложувалница во строгиот центар на Скопје
Во недела навечер, околу 22.30 часот се запалени двата киоска на автобуската постојка спроти Градската болница, а две вооружени лица речиси истовремено ја ограбија обложувалницата „Корнер“ во центарот на Скопје
Во пожарот од запалените два кисока, вкупно целосно се изгорени сите шест обејкти на автобуската постојка „Зелен пазар“, спроти Општата градска болница во центарот на Скопје.Двајцата напаѓачи под закана со оружје влегле и ја ограбиле обложувалницата, која се наоѓа на улицата Луј Пастер, во непосредна близина на зградата на „Лотарија на Македонија“ и улицата Македонија во најстрогиот центар на главниот град. Тие од вработените одземале пари во вредност од 350 евра.Во скопската населба 11 Октомври граѓаните околу 23 часот пријавиле рафални истрели од пиштол кои се слушнале двапати.Се очекува утрово МВР да излезе со подетални информации за инцидентите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Судир меѓу две возила на „Цветан Димов“, скопјанец е тешко повреден
Скопјанец е тешко повреден во судрир меѓу две возила во Скопје.
– На 30.04.2024 во 12.35 часот во СВР Скопје било пријавено дека на ул.„Цветан Димов“ во Скопје се случила сообраќајна несреќа помеѓу патничко возило „форд“, управувано од Ј.Р.(51) од Скопје и патничко возило „фолксваген“, управувано од Б.Р.(67) од Скопје, двете со скопски регистарски ознаки. Во несреќата со тешки телесни повреди се здобил Б.Р., констатирани во Градската општа болница „Св.Наум Охридски“, информираа од полицијата.
Црна хроника
Удрена пензионерка во Скопје, со тешки повреди е пренесена во болница
Вчера во 14.20 часот во СВР Скопје било пријавено дека на ул.„Јустинијан Први“ во Скопје товарно возило „форд“ со скопски регистарски ознаки, управувано од А.М.(32) од Скопје удрило во пешакот Љ.В.(73) од Скопје.
Во несреќата Љ.В. се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.
Црна хроника
Претрес во Стојаково, пронајдена дрога, приведено едно лице
Вчера во 16.10 часот во село Стојаково, општина Богданци, полициски службеници од ОВР Гевгелија го лишиле од слобода В.К.(30) од село Стојаково.
При претрес на неговиот дом, извршен со судска наредба, била пронајдена марихуана. За настанот бил запознаен јавен обвинител од Основното јавно обвинителство Гевгелија и по документирање на случајот против него ќе биде поднесена соодветна пријава.