Свет
На Украина ѝ се испорачани делови за воените авиони, но никој не испраќа МиГ-29 кои Зеленски ги бара
![](https://makfax.com.mk/wp-content/uploads/2022/02/thumbs_b_c_685c9cc713a85d69abb5d014eab8f493.jpg)
Украинското воено воздухопловство приспособило уште 20-тина борбени авиони благодарение на приливот на резервни делови, изјави висок припадник на американската одбрана.
Иако офицерот не сакаше да прецизира која земја ги испорачала деловите за авионите, тој рече дека САД и другите земји работат на набавка на деловите потребни за украинската авијација.
„Приливот на резервни делови и овозможи на Украина да ја прошири својата флота од оперативни воени авиони, и покрај континуираните руски напади. Тие имаат повеќе авиони сега отколку пред три недели“, рече тој.
Ден претходно портпаролот на Пентагон, Џон Кирби, изјави дека Украина добила дополнителни борбени авиони, пренесува Си-ен-ен. Но, висок офицер за одбрана го негираше тоа, велејќи дека Украина не добила повеќе авиони, туку всушност добила делови за да ги направи функционални повеќе од нејзините постоечки авиони.
Сепак, тој навести дека барем една земја размислува да испрати повеќе авиони во Украина. Не е познато која држава понудила ваков вид помош.
Засега ниту еден од Миг 29.
САД се обврзаа да испратат 16 хеликоптери Ми-17 во Украина, но исто така одбија да учествуваат во трансферот на МиГ-29 од друга земја во Украина преку САД. Украинскиот претседател Володимир Зеленски постојано бара борбени авиони МиГ-29 од советската ера, со кои украинските пилоти веќе знаат да летаат. Ниту една од источноевропските земји се уште не се согласила на тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес со јачина од 3,6 степени во Босна и Херцеговина, почувствуван и во Хрватска
![](https://makfax.com.mk/wp-content/uploads/2023/08/zemjotres-1.jpg)
Земјотрес со јачина од 3,6 степени ја погоди денеска БиХ.
Епицентарот на земјотресот е регистриран на 17 километри северно од Зеница и 11 километри југозападно од Жепче, соопшти ЕМСЦ.
Земјотресот се случил во 12.29 часот. Потреси се почувствувани околу Зеница, Тешњ, Теслиќ, Какањ, Нови Травник, Вогошќе, Тузла, Градачац, дури и во соседна Хрватска, во Славонски Брод.
Регион
Работник загина на градилиште во Црна Гора: кран паднал од силните ветрови
![](https://makfax.com.mk/wp-content/uploads/2023/08/nevreme-polska.jpg)
Турски државјанин загина на градилиште во Чањ при силното невреме што ја зафати Црна Гора.
Според „Вјести“, работникот бил во кранот, кој се урнал за време на ураганските ветрови.
Порталот „Приморски“ јавува дека ветерот откорнал делови од дрвја во Бар и дека биле оштетени автомобили.
Се наведува дека поради невремето биле оштетени и неколку пловни објекти во пристаништето.
Исто така, невремето собори три крана во пристаништето и искрши претоварни мостови, се наведува во написите.
Регион
(Видео+фото) Силно невреме го пустоши регионот: поплава во Белград, силниот ветер корнеше дрвја во Хрватска, оштетени згради во БиХ
![](https://makfax.com.mk/wp-content/uploads/2024/07/Screenshot-2024-07-02-122039.jpg)
Невреме го зафати регионот – силните ветрови уриваа дрвја, згради и возила во Хрватска и во Босна и Херцеговина, а во Србија имаше вистинско невреме, пишуваат регионалните медиуми.
Многу силно невреме опустоши дел од Хрватска, поконкретно Славонија и областа Загреб, но и дел од Босна и Херцеговина.
Дожд, грмежи и дожд го погодија и главниот град на Босна и Херцеговина, а Тузла ја зафати силно невреме, јавува „Ослобоѓење“.
Многу бурно невреме утрово го зафати и Требиње. Причинета е голема материјална штета, јавува РТРС.
Од силниот ветер беа урнати голем број дрвја. Многу автомобили беа оштетени.
За неполни два часа наврнале 17 литри дожд на квадратен метар, а брзината на ветерот била 97 километри на час.
Што се однесува до Хрватска, лапавица, грмежи и врнежи придружени со град предизвикаа проблеми во Сисак, Винковци, Славонски Брод и Жупанија.
Најголеми штети се направени на подрачјето на Вуковарско-сремската жупанија, каде што е забележана штета на инфраструктурата, поплавени се дворови и крајбрежни површини. Силниот ветер корнеше дрвја, кои паднаа врз автомобили, пренесува „Кликс“.
Метеоролозите во Хрватска најавуваат дека денеска во поголем дел од земјата ќе продолжи нестабилното време.
Белград утрово е буквално под вода, со оглед на тоа што поради огромното количество дожд што наврна во текот на ноќта и утринава, реки течат на улиците, пишуваат тамошните медиуми.
Невремето најпрвин стигна до дел од Војводина, а најмногу беа погодени Нови Сад и Рума.
Дождот собори дрвја, а причинета е огромна штета на автомобили и возила.
Белградските медиуми пишуваат дека се работи за невидено невреме, кое за кратко време го зафати главниот град на Србија.
Бурата ја зафати и Словенија, според податоците на Агенцијата за заштита на животната средина, најсилното невреме било во Доленска.
Градот направил најмногу проблеми, особено во сообраќајот. Возачите пријавиле скршени шофершајбни, пренесува N1.