Регион
Потресни слики по земјотресот во БиХ – оштетени куќи и училишта, искршени возила
![](https://makfax.com.mk/wp-content/uploads/2022/04/mP6k9kpTURBXy9jMDJhZjM0MWEwNzA2YWEzN2VhM2NiZmIzZDMwZjIzNS5qcGeRkwLNAxYAgaEwAQ.jpg)
По синоќешниот силен земјотрес, тлото во Херцеговина се уште мирува, а жителите и локалните власти од раните утрински часови ја анализираат состојбата на терен.
Во Столац, во чија близина бил епицентарот на земјотресот, причинета е помала материјална штета на куќите, а најмногу се работи за оштетувања на фасадите.
U gotovo svakoj prostoriji Doma zdravlja u Ljubinju, popucali su zidovi. Strahuju od novog zemljotresa @N1infoSA pic.twitter.com/uSQurJ46Kk
— Adisa Imamović (@adisa_imamovic) April 23, 2022
Покрај материјалната штета на објектите, во земјотресот во Столац загина едно лице, додека неколку се здобиле со полесни повреди, пренесува Кликс.
На подрачјето на Мостар, припадниците на противпожарната служба имале само една интервенција, веднаш по земјотресот, кога се урнал оџакот.
Ekipa N1 je u Ljubinju nakon sinoćnjeg snažnog zemljotresa koji je pogodio BiH. Pogledajte šta smo zabilježili na terenu. pic.twitter.com/tVh8FsNPii
— TV N1 Sarajevo (@N1infoSA) April 23, 2022
Одрони имало и на патиштата кои водат кон Херцеговина, особено на патиштата кон Столац и Невесиње. Одронот е на патните правци Столац – Мостар, Столац – Неум, Столац – Љубиње и Столац – Берковиќи.
Шефот на противпожарната служба во Чапљина, Мате Јурковиќ изјави дека пожарникарите од синоќа имале повеќе од 60 интервенции.
Kancelarija načelnika opštine Ljubinje @novabhtv pic.twitter.com/85mHPfcINT
— djurdjijana vujovic (@djvujovic) April 23, 2022
– Сите екипи се на терен и се санира она што може да се поправи. Оштетени се многу куќи и згради, паднаа оџаци. Оштетено е основното училиште во центарот на градот – изјави Јурковиќ.
Според локалните власти, членови на Штабот за вонредни ситуации го посетиле подрачјето на Невесиње, каде што не биле забележани оштетувања на станбени згради.
За разлика од Невесиње, во Љубиње е забележана поголема материјална штета. Оштетени се куќи, станбени згради, како и општинската зграда.
?Oštećenja u Domu zdravlja Stolac nakon snažnog zemljotresa ⤵️ #zemljotres #BREAKING #BosnaiHercegovina #dnevniavaz #Earthquake pic.twitter.com/m0c803wEhs
— Dnevni avaz (@DnevniAvaz) April 23, 2022
Земјотресот го почувствувале и жителите на Требиње, зад кои исто така е непроспиена ноќ.
Началникот на Штабот за вонредни ситуации на градот Требиње, Стеван Бекан за РТРС изјави дека повеќето од граѓаните цела ноќ ја поминале на нозе, но најважно е дека нема повредени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Вучиќ го посети повредениот полицаец, му честиташе за неговата смиреност и храброст
![](https://makfax.com.mk/wp-content/uploads/2024/06/Vucic.jpg)
Претседателот на Србија, Александар Вучиќ денеска го посети повредениот припадник на Жандармеријата Милош Јевремовиќ (34), кој откако беше ранет од самострел, беше опериран и е во стабилна состојба.
„Пресреќен сум што Јевремовиќ Милош се чувствува добро по операцијата. Му честитав на Милош за неговата извонредна храброст, неговата смиреност и успешно завршената задача во борбата со терористот. Србија нема да има милост кон терористите“, напиша Вучиќ на фотографијата со ранетиот полицаец.
„Им честитам на командирите и на сите во полициските сили за исклучителното однесување на Милош Јевремовиќ, ќе му се оддаде почест штом ќе ја напушти болницата. Важно е што нашиот херој Милош е жив и здрав, покажа како треба да се реагира во таков момент“, изјави претседателот на Србија.
Непознато лице денес со самострел тешко го рани припадникот на жандармеријата кој бил на должност да ја обезбедува израелската амбасада.
Припадникот на жандармеријата употребил оружје во самоодбрана и го победил напаѓачот, кој од здобиените повреди починал.
Министерот за внатрешни работи на Србија Ивица Дачиќ изјави дека во Белград е уапсено уште едно лице под сомнение за терористичко здружување.
„Во Белград е уапсено уште едно лице осомничено за терористичко здружување. Станува збор за лице од Белград, родено 1999 година, кое веќе беше уапсено пред две години бидејќи бил администратор на неколку милитантни групи на Интернет кои повикувале на џихад“, соопшти Дачиќ.
Тој објасни дека случајот против него и понатаму се води, а тој е пуштен од притвор.
Регион
Голем шумски пожар на планина во северниот дел на областа Атика
![](https://makfax.com.mk/wp-content/uploads/2020/07/Screen-Shot-2020-07-16-at-6.49.52-PM.png)
Голем шумски пожар избувна на планината Парнита во северниот дел на областа Атика, поширокиот регион на Атина. Интервенираат противпожарни сили од копно и воздух, а силниот ветер дополнително го отежнува гаснењето, додека пак, иако пожарот е во планински дел, сепак од бројот 112 за итни случаи е испратена порака до жителите на околните населени места да бидат во состојба на готовност за евентуална евакуација.
Во гаснењето помагаат волонтери, цистерни и камиони од периферијата Атика и војската.
Планината Парнита беше зафатена од големи пожари лани во август, како и во текот на летото во 2021 година.
Регион
Непознато лице тешко рани припадник на жандармеријата пред израелската амбасада во Белград
![](https://makfax.com.mk/wp-content/uploads/2023/07/policija-belgrad.jpg)
Непознато лице, чиј идентитет се утврдува, со самострел тешко ранил припадник на жандармеријата кој бил на должност да ја обезбедува израелската амбасада.
Вицепремиерот на Србија и министер за внатрешни работи Ивица Дачиќ го посети повреден припадник на Жандармеријата. Дачиќ претходно изјави дека неидентификувано лице, чиј идентитет се утврдува, денеска околу 11 часот пукал со самострел во припадник на жандармеријата и го ранил во вратот.
Припадникот на жандармеријата М.Ј. (1990) употребил оружје во самоодбрана и го победил напаѓачот, кој од здобиените повреди починал.
„Специјалното обвинителство го презеде случајот, иако идентитетот на лицето не е утврден, но нема сомнеж дека се работи за терористички акт насочен и против државата Србија и против припадниците на Жандармеријата. Дали поединец делувал сам или групно ќе дознаеме наскоро… Превентивно уапсивме други лица кои беа во близина на полицискиот објекти. Некои сомнежи се веќе присутни и има индиции дека се работи за луѓе кои се познати на безбедносните служби и се работи за вахабистичко движење, но тоа не е потврдена информација. Ги зајакнавме сите безбедносни мерки во градот. Напаѓачот имал и нож. Заклучокот е дека станува збор за терористички напад во кој се вклучени лица кои имаат врски со вахабистичкото движење“, рече министерот Дачиќ.