Европа
(Од час во час) На Мариупол му се заканува епидемија, НАТО е подготвен да ја поддржува Украина со години
Шеесет и четврти ден од војната во Украина
Најжестоките битки се водат во Мариупол околу железарницата „Азовстал“. ОН се подготвуваат да ги евакуираат цивилите од железарницата.
Клучни податоци:
Генералниот секретар на ОН Антонио Гутереш е во Киев, ќе се сретне со Зеленски. Тој, исто така, ќе ги посети Буча и Ирпин, предградие на Киев, каде што Украинците велат дека Русите извршиле воени злосторства над цивилите.
Експлозија во близина на ТВ кула во окупираниот украински град Херсон. Русите тврдат дека Украинците истрелале три ракети кон градот.
Путин се закани со брза одмазда на сите вклучени во конфликтот во Украина
САД и околу 40 сојузнички земји од Германија соопштија дека испраќаат тешко оружје во Украина
Од час во час:
Украина нема да ги признае референдумите на териториите кои не се контролирани од Киев, изјави претседателот на Украина Владимир Зеленски.
21.10 https://makfax.com.mk/svet/путин-го-обвини-западот-дека-се-обидел/
За време на состанокот во московското Јавно обвинителство во понеделникот, рускиот претседател Владимир Путин упати шокантно обвинение, најавувајќи апсење на неколку обвинети атентатори кои наводно планирале да го убијат познатиот новинар на руската државна телевизија и жесток лојален на Путин, Владимир Соловјов.
21.00 Две експлозии во Киев за време на обраќањето до медиумите на Зеленски и Гутереш
Најмалку две експлозии се слушнале вечерва во главниот град на Украина, Киев, веднаш по средбата меѓу украинскиот претседател Володимир Зеленски и генералниот секретар на ОН Антонио Гутереш.
Локалните власти во украинскиот град Мариупол предупредија дека градот е подложен на епидемии поради ужасните санитарни услови во повеќето делови на градот и фактот што можеби илјадници тела сè уште не се подигнати.
17.40 Бајден: САД не ја напаѓаат Русија, туку и помагаат на Украина да се одбрани
Тој вели дека е од клучно значење Конгресот да одобри дополнителни 33 милијарди долари финансирање што е можно поскоро. Бајден вели дека поддршката за Украина „не е евтина“, но дека САД не можат да „стојат на страна
16.30 Столтенберг: НАТО е подготвен да ја поддржува Украина со години
НАТО е подготвен да ја поддржува Украина со години во војната против Русија, вклучително и обезбедување помош на Киев за да се префрли од старото оружје од советската ера на модерна западна воена опрема, изјави денеска генералниот секретар на Алијансата Јенс Столтенберг.
14:55 ЕУ: Плаќањето во рубли е заобиколување на санкциите
Плаќањето за гас според рускиот декрет, преку две сметки, едната во евра, а другата во рубли, ги заобиколува санкциите на ЕУ наметнати за Русија, изјави висок претставник на ЕУ.
Русија донесе декрет со кој се бара од европските компании кои купуваат гас од „Гаспром“ да отворат една сметка во евра, а друга во рубли. Русија смета дека исплатата е извршена дури откако еврата ќе се претворат во рубли.
14:30 Командантoт на „Азов“ бара итна помош од Киев за ситуацијата во фабриката „Азовстал“
Украинските лидери мора да најдат начин да му помогнат на полкот што ја брани фабриката за челик „Азовстал“ во Мариупол, која е опкружена од руските сили, рече командантот на „Азов“ во емотивното обраќање.
„Го повикувам воено-политичкото раководство да преземе решителни чекори за да ја прекине блокадата или да ги евакуира сите оние што се надеваат и веруваат во својата татковина“, рече заменик-командантот Свјатослав Паламар во видеопораката објавена денеска.
13:15 Две водечки енергетски компании од ЕУ потврдија дека разговораат за плаќање во рубли
Две водечки европски енергетски компании потврдија дека преговараат со рускиот државен енергетски гигант „Гаспром“ за начинот на плаќање на рускиот гас, додека во исто време тврдат дека сакаат да дејствуваат во согласност со санкциите на ЕУ, но и новите руски правила кои бараат од западните земји за гас да плаќаат во рубли.
Германскиот парламент денеска одобри испраќање на тешко оружје и сложени системи во Украина.
Испраќањето оружје го поддржаа пратениците на владејачката коалиција, но и најголемата опозициска партија ЦДУ. Против беше ултрадесничарската партија АФД, која смета дека со испраќање оружје во Украина, Германија е блиску до објавување војна.
11:45 Велика Британија: Руската морнарица сè уште може да нападне цели во Украина
Руската морнарица се уште може да погоди цели во Украина, иако загуби два воени брода, соопшти денеска британското Министерство за одбрана.
11:40 Захарова: Ќе одговориме на сите мерки на САД, па дури и на идиотските
Коментирајќи го предлогот на американскиот Конгрес, Русија да се прогласи за спонзор на тероризмот, портпаролката на руското МНР, Марија Захарова, изјави дека Русија ќе одговори на сите мерки, вклучително и на, како што рече, оние идиотските, пренесува „Спутник“.
11:30 Гроси за состојбата во нуклеарната централа: Тоа е црвено светло што трепка
Ситуацијата во украинската нуклеарна централа Запорожје, која е окупирана од руските сили, е неодржлива и може да се покаже опасна, предупреди генералниот директор на Меѓународната агенција за атомска енергија, Рафаел Гроси.
11:00 Шефот на ОН во Бородјанка: Си го замислувам семејството, внуците како бегаат, војната е лудост
Војната во 21 век е лудило, изјави генералниот секретар на ОН Антонио Гутереш по пристигнувањето во Бородјанка, предградие на Киев, каде Русите, според Украинците, извршиле злосторства за време на окупацијата на областа во март.
10:40 Големите земји од ЕУ се подготвуваат да го платат рускиот гас во рубли, тврди „Фајненшл тајмс“
Британскиот весник, повикувајќи се на извори запознаени со ситуацијата, пишува дека големите дистрибутери на гас во Германија, Австрија, Унгарија и Словачка планираат да отворат сметки во рубли кај „Гаспромбанк“ во Швајцарија за да го задоволат барањето на Русија за плаќање на гасот во таа валута.
Британската министерка за надворешни работи Лиз Трас на велигденскиот банкет зборуваше за војната во Украина. Таа ја истакна потребата од единство во светот што ја предизвика војната, со посебен акцент на состојбите во Западен Балкан.
Во извештајот на Институтот за војна за состојбата на боиштето во Украина се вели дека Русите бележат мали, но постојани успеси во источна Украина.
09:30 Поранешен командант на НАТО: Западот мора да се подготви за војна
Се пoбројни се реакциите на вчерашната изјава на британската министерка за надворешни работи Лиз Трус која порача дека руските сили треба да бидат протерани од цела Украина, пренесуваат агенциите во светот.
Русија ја предупреди Јапонија и се закани со одмазднички мерки доколку заедничките поморски вежби со САД се прошират во близина на источните граници на Русија, пишува Си-Ен-Ен.
08:15 Силна експлозија во Херсон
Силна експлозија одекна во центарот на окупираниот украински град Херсон. Според странските медиуми, експлозијата се случила во близина на голема ТВ кула.
Strikes reported in Kherson tonight, TV tower was hit pic.twitter.com/p7HRcdqSfX
— OSINTtechnical (@Osinttechnical) April 27, 2022
08:05 Путин се заканува со одмазда
Рускиот претседател Владимир Путин предупреди на молскавична одмазда доколку другите земји се вмешаат во конфликтот во Украина, додека европските лидери ја обвинија Русија за уцена поради нејзината одлука да го прекине снабдувањето со гас за Полска и Бугарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Руската елитна единица „Рубикон“ ја уништува клучната предност на Украина: „Многу е опасно да се биде оператор на дронови“
Елитната единица Рубикон на Русија, нова дивизија специјализирана за електронско војување и лов на оператори на беспилотни летала, драматично го менува балансот на моќ на бојното поле и ја уништува претходната предност на Украина во војувањето со дронови, објавува „Фајненшл тајмс“.
Украинските пилоти на беспилотни летала, кои успеаја да им нанесат големи загуби на руските единици речиси две години, сега се цел на интензивен надзор и напади. Рубикон ја комбинира сопствената флота од борбени беспилотни летала, напредни системи за електронско извидување и брза ротација на тимовите за да лоцира и елиминира оператори до 10 километри зад линијата на фронтот.
„Лесно е да се замени дрон, но тешко е да се замени пилот“, рече украинскиот пилот Дмитро, кој опиша како за малку избегнал смрт кога руски дрон почнал да го следи над шума во близина на фронтовската линија.
Moscow’s new Rubikon team has gained the upper hand in the ever-evolving drone war by operating beyond the front lines, locating, tracking and killing Ukrainian drone operators before they can launch their drones https://t.co/Au15Av4Fjl pic.twitter.com/XZs0sydpvg
— Financial Times (@FT) November 13, 2025
Појавата на Рубикон предизвика застрашувачки превирања на дигиталното бојно поле, уништувајќи една од најголемите тактички предности на Киев. Неговиот успех дополнително ја оптоварува украинската војска, која веќе е во дефанзива против поголемите и подобро финансирани Руси.
Рубикон е „нашиот главен проблем“, рече Артем Карјакин, украински војник во близина на Покровск во Донецката област, клучен град на фронтовската линија кој се чини дека е на работ на колапс по една година борби.
„Доколку Русите немаа толку способни оператори на беспилотни летала, нивната пешадија немаше да може да влезе во градот“, рече Карјакин. „Многу е опасно да се биде оператор на беспилотни летала во моментов“.
Рубикон наводно има околу 5.000 членови и огромни ресурси. Наместо да се фокусираат на пешадијата, тие се насочени кон клучните украински оператори и логистика, возила, беспилотни летала и опрема што ги снабдуваат првите линии. Во исто време, тие обучуваат други руски единици и развиваат тактики, технологија и процедури за напредна контрола на беспилотни системи.
Аналитичарите од RUSI и Foreign Policy Research институтот велат дека Рубикон е еден од ретките, но значајни докази дека руската војска почнала да воведува иновации, оддалечувајќи се од ригидните бирократски структури што ја придружувале во раните години од инвазијата.
Украина се обидува да одговори со формирање сопствени тимови против беспилотни летала и воведување нови правила за операторите, менување на рутините, подобро прикривање, потивка работа и избегнување на непотребно движење.
„Најдобро е да седите во ров и да не се движите“, рече Дмитро. „Мислев дека можам малку да се шетам, но тоа е многу лоша идеја.“
фото: принтскрин
Европа
(Фото) Русија го нападна Киев со стотици дронови и ракети: десетици повредени
Русија изврши масовен воздушен напад врз Киев во ноќта помеѓу 13 и 14 ноември, користејќи стотици беспилотни летала и повеќекратни ракети. Според официјални лица, во нападот загинало најмалку едно лице, а 24 се повредени, а пет лица, меѓу кои и бремена жена, се хоспитализирани.
Експлозиите одекнувале низ целиот град, а бројни станбени згради биле погодени, објавува „Киев Индепендент“.
Шефот на воената администрација на градот Киев, Тимур Ткаченко, за време на нападот предупреди: „Русите се насочени кон станбени згради“. Тој додаде дека бројни станбени згради се погодени низ Киев, во речиси сите области.
Градоначалникот на Киев, Виталиј Кличко, потврди дека најмалку 11 станбени згради се погодени во ноќниот напад.
Државната служба за вонредни состојби на Украина објави дека спасувачките екипи евакуирале повеќе од 40 лица од погодените згради.
Напади, пожари и евакуации се пријавени во областите Подилски, Днепровски, Десњански, Соломјански, Свјатошински и Оболонски. Во областа Десњански, избувна пожар кој се прошири на петтиот до осмиот кат од станбена зграда, при што загина едно лице.
Покрај станбените згради, нападите оштетија и болница, училиште и дрвени конструкции на спортски центар.
Градоначалникот Кличко, исто така, извести за штети на делови од градската мрежа за греење, а службите за итни случаи во моментов ја проценуваат големината на штетата.
За време на нападот, прекини на електричната енергија се регистрирани и во неколку градски области.
Во поширокиот регион на Киев, шест лица се повредени во нападот, вклучувајќи и едно дете, изјави гувернерот Микола Калашник.
Четири лица се хоспитализирани со посекотини, изгореници и контузии на главата, додека седумгодишно момче претрпело повреди на лицето и добива медицинска помош. Калашник додаде дека во регионот биле погодени куќи, магацини, индустриски погони и автомобили.
Додека зградите гореа во Киев, украинските воздухопловни сили пријавија бранови беспилотни летала насочени кон централните, јужните и источните делови на земјата.
Групите за мониторинг соопштија дека повеќе од 120 беспилотни летала и мамки биле насочени кон главниот град, а десетици крстосувачки и балистички ракети биле лансирани кон различни региони. Предупредувањата за воздушни напади беа во сила низ целата земја.
Европа
(Видео) Гори руски нафтен терминал на Црното Море: Украинците го нападнаа со дронови
Украински дронови го нападнаа рускиот пристанишен град Новоросијск во Краснодарскиот крај преку ноќ, оштетувајќи нафтен терминал и предизвикувајќи голем пожар, објавија неколку руски Телеграм канали и локални претставници.
Нападот го погоди нафтениот комплекс Шешарис, оштетувајќи ја инфраструктурата и предизвикувајќи пожар. Големиот извозен терминал служи како крајна точка на нафтоводот на државната компанија Транснефт, најголемата светска компанија за нафтоводи.
Оперативниот штаб на Краснодарскиот крај го потврди нападот врз терминалот и рече дека неколку крајбрежни објекти биле оштетени во нападот. Официјалните лица велат дека пожарот во комплексот Шешарис е изгаснат.
In only 3 weeks time, Ukraine has essentially created the blockade of Russian oil that the west still refuses to do.
Taking out export terminals operations in Crimea, Tuapse and now Novorossiysk.
At current rate, Russia's entire southern export operations will be gone in a… pic.twitter.com/1KbWGBMZx8
— Jay in Kyiv (@JayinKyiv) November 14, 2025
Рускиот државен медиум РИА Новости, исто така, објави дека цивилен брод во пристаништето бил погоден за време на масовниот напад со беспилотни летала, при што биле повредени тројца членови на екипажот. Руското Министерство за одбрана соопшти дека единиците за воздушна одбрана собориле 66 дронови над Краснодарскиот крај преку ноќ.
Андриј Коваленко, раководител на украинскиот Центар за борба против дезинформации, проговори за нападот на социјалните медиуми. „Ова е нафтениот терминал во Новоросијск по нападот“, напиша тој на Телеграм. „Во меѓувреме, Русија ги таргетира станбените згради и енергетската инфраструктура.“
Нападот врз Новоросијск се случи откако Русија истовремено го бомбардираше Киев со бранови беспилотни летала и ракети во масовен напад во кој беа повредени најмалку 14 лица и беа запалени десетина станбени згради.
Footage of a Ukrainian attack drone slamming into the Russian S-3/400 SAM battery protecting the port of Novorossiysk, causing a massive series of secondary explosions. pic.twitter.com/QmKKq3ubiX
— OSINTtechnical (@Osinttechnical) November 14, 2025
Новоросијск, клучен центар за руската логистика и енергетска инфраструктура на Црното Море, е цел на повторени украински напади. Киев ги смета руските рафинерии и петрохемиски фабрики за легитимни воени цели бидејќи тие обезбедуваат финансиска поддршка за воените операции на Русија.
фото: принтскрин
(Фото+видео) „63 сенки ќе ве следат – секој поглед бара правда“ – марш за загинатите во кочанската дискотека
Илјадници граѓани и родителите на жртвите од Кочани денеска маршираа во Скопје. Побараа правда и одговорност. Маршот во организација на...
(Видео) Манасиевски: Наместо свеж кадар и реформи, Филипче прибира негови лојални луѓе по насока на Заев
„Наместо свеж кадар, реформи и фокус на напредок, Филипче по насока на неговиот ментор Заев, го постави Александар Трајановски за...
(Видео) Цветановски: Зошто за шокантниот скандал со операциите веднаш не се поднесени кривични пријави, кој дал индикација?
„Се случи еден од најголемите и најшокантни скандали во здравството, откриени се најмалку 10 непотребни операции на срце. Но се...
Алиу: Специјализираната болница за геријатриска и палијативна медицина „13 Ноември“ е врвна установа
„Специјализираната болница за геријатриска и палијативна медицина „13 Ноември“ е врвна установа во нашата држава во оваа област. Со заеднички...
ССМ: Народните избраници со плата од над 2.000 евра ќе убедуваат дека работниците со 397 евра минимална плата живеат добро
Сојузот на синдикатите на Македонија (ССМ) повторно реагира дека минималната плата во земјава е најниска во регионот – 397 евра,...
Синоќа заседаваше Централниот Комитет на ВМРО-ДПМНЕ, донесени се неколку одлуки
Синоќа заседаваше Централниот Комитет на ВМРО-ДПМНЕ. Донесени биле повеќе одлуки во најголем дел активно поврзани со тековните подготовки за претстојниот...
Од денеска задолжителна зимска опрема за возилата
Од денеска стапува во сила обврската за задолжително користење на зимска опрема за возилата. Оваа обврска ќе трае до 15...
Времето денеска сончево, со температури до 19 степени
Времето денеска ќе биде сончево со мала до умерена локална облачност. Ќе дува слаб ветер претежно од југозападен правец. Минималните...
Кренар Лога се повлече од Алијансата за Албанците и од сите партиски функции
Поранешниот министер за правда, Кренар Лога, објави дека се повлекува од партискиот живот и од сите функции што ги извршувал...
Град Скопје го усвои ребалансот на Буџетот: предвидена набавка на 80 нови автобуси, реконструкција на улици, паркови
На денешната седница на Советот на Град Скопје беше усвоен ребалансот на Буџетот со еден глас против и еден воздржан....
(Видео) Кузеска: Итно да се објави целиот извештај за непотребните операции на срце
Се соочуваме со еден од најголемите скандали во здравството во историјата на државата. Министерот за здравство јавно соопшти дека се...
Осум дена притвор за насилникот кој претепа и му се закануваше со нож на дете во Скопје
Судот определи притвор од осум дена за насилникот кој нападна и му се закануваше со нож на 12-годишно дете во...
Гаши за барањата за датумот на одржување на изборите: Собранието постапува само врз основа на рокови
Во врска со сите барања и прашања што се однесуваат на одредувањето на датумот за изборите за градоначалник во Гостивар,...
Коцевски алармира: Недостигаат финансиски средства и кадар, вработените во обвинителствата работат со натчовечки напори
Јавниот обвинител Љупчо Коцевски, денеска, пред пратениците алармира за состојбата во која се наоѓаат обвинителствата. Тој укажа дека недостигаат финансиски...
Судиите со остра критика до Мицкоски: Вашите коментари ја преминаа границата на добро однесување
Судиите упатија остра критика до премиерот Христијан Мицкоски во врска со неговите изјави дека моралот не му дозволува да се...
Лекарите открија 10 непотребни операции на срце или неправилно упатени пациенти, засега велат дека не е етички да ги кажат болниците
Непотребно оперирани или неправилно упатени пациенти се пронајдени во десет од анализираните 19 случаи на кои работи домашната комисија формирана...
„Минималната плата оди на 26.400 денари, почнува новата економска ера“, велат од „Влен“
„По плебисцитната победа на локалните избори, каде што граѓаните албанци во секоја општина јасно ја искажаа својата доверба во ВЛЕН,...
„Скандалот со ИПАРД води до врвот на власта на Мицкоски“: СДСМ бара проширување на истрагата
„Корупцискиот скандал со ИПАРД фондовите не е изолиран случај, туку доказ за длабоко вкоренет, организиран систем на злоупотреби создаден и...
„Поранешни соработници му го свртија грбот на Филипче поради недоверба во него и влијанието на Заев“, велат од ВМРО-ДПМНЕ
„Расте незадоволството во СДС и потребата од итни реформи во врвот на СДС. СДС е во длабока криза која е...
(Фото) Турски пилот загина во Хрватска, а преживеа пад на авион пред 2,5 месеца
Авионот „Ер Трактор АТ-802“ се урна во близина на Сењ, додека беше на повратен лет помеѓу Риека и Загреб, соопшти...
