Европа
Израелскиот премиер трошел 7.400 долари месечно за храна од буџетот, се соочува со критики
Израелскиот премиер Нафтали Бенет се соочи со критики по објавено дека неговото семејство троши 7.400 долари месечно за храна од буџетот, јавува Би-би-си.
Имено, овој мултимилионер изјавил дека повеќе нема да троши буџетски пари за храна.
По преземањето на функцијата премиер, Бенет вети дека ќе биде поинаков, т.е. дека порационално ќе ги трошат парите. Но, и тој се соочува со критики бидејќи граѓаните сметаат дека неговите трошоци се превисоки.
Медиумите ги објавија трошоците за неговиот приватен дом, во кој моментно има статус на живеалиште. Тие објавија дека резиденцијата троши 26.400 долари месечно од буџетот, од кои 7.400 долари се трошат за храна.
Актуелниот премиер истакна дека драстично ги намалил трошоците и рече дека тоа е смешен обид да се прикаже како хедонист. Тој нагласи дека неговото шестчлено семејство не ангажирало готвач, туку дека нарачувале храна од ресторан.
Според него, Нетанјаху трошел 11.000 долари месечно за храна. Но, партијата на поранешниот премиер тврди дека месечните трошоци за храна не биле повеќе од 400 долари.
Бенет стана мултимилионер пред да стане активен во политиката. Тој основа и продаде две технолошки компании за 250 милиони долари. Платата на премиерот е 16.500 долари, а просечната плата во Израел е 3.400 долари, пренесува Би-би-си.
Поранешниот израелски премиер Бенјамин Нетанјаху беше уште поекстравагантен. Тој трошел 84.300 долари месечно. Новинарите објавија дека Нетанјаху потрошил многу и за храна, но и за нега на коса.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Европа
Украинската војска добива повеќе пари за борбата против рускиот напад
Украинската војска добива повеќе пари за борбата против рускиот напад според новиот закон потпишан од претседателот Володимир Зеленски, кој претходно беше усвоен од Парламентот, јави ДПА.
Локалните медиуми денеска објавија дека новиот закон ги зголемува воените трошоци за 500 милијарди гривни (околу 12 милијарди долари). Засилувањето ќе се финансира со заеми, даноци и зголемување на давачките за тутунот и горивото. Зголемувањето треба да се искористи за исплата на надоместоци за војниците во првите редови овој месец.
Земјата се брани од руска инвазија повеќе од две и пол години. Украина вели дека добила преку 98 милијарди долари финансиска помош од странство од почетокот на војната во февруари 2022 година.
Европа
Пристигна првата реакција на Русија на планот за победа на Зеленски
Русија го отфрли планот за победа на украинскиот претседател Володимир Зеленски и рече дека планот нема никаква врска со потрагата по дипломатско или политичко решение за ставање крај на војната и го опиша како себичен гамбит на Зеленски.
Зеленски рече дека неговиот план, чии детали допрва треба да се откриваат, е финализиран по долги консултации. Тој треба да му го претстави на американскиот претседател Џо Бајден и да се обрати на состанокот на Советот за безбедност на Обединетите нации во вторник. Зеленски рече дека неговата иницијатива е дизајнирана да создаде прифатливи услови за Украина, која е во конфликт со Русија повеќе од две и пол години.
Портпаролката на руското Министерство за надворешни работи, Марија Захарова, им изјави на новинарите дека планот изгледа како себичен гамбит на украинскиот лидер кого Москва го обвинува дека се обидува да го вовлече Западот во вистинска војна против Русија.
„Единствената цел е да се спречи распадот на антируската коалиција и тоа, се разбира, нема никаква врска со задачата да се најде политичко и дипломатско решение за ситуацијата во врска со Украина“, рече Захарова.
Таа го повтори ставот на Москва дека Западот треба да престане да го финансира и снабдува Киев со оружје и рече дека секоја иницијатива со наводна цел да се постигне мирно решение е бесмислена ако не ја вклучува Русија. Истовремено, таа рече дека Москва е загрижена за, како што наведува, зголемените провокативни активности на НАТО на границата со Белорусија и додаде дека не исклучува обиди за ескалација на конфликтот во регионот.
Москва, исто така, во петокот го повика Западот за притисок врз Кина поради Тајван, велејќи дека неговите „провокативни“ активности ја поткопуваат регионалната стабилност и меѓународната безбедност. Захарова истакна дека Русија ги поддржува потезите на Кина насочени кон одбрана на нејзиниот суверенитет.
Кинеското Министерство за одбрана во петокот соопшти дека продажбата на американско оружје на Тајван сериозно го прекршува принципот една Кина и одредбите од заедничката официјална комуникација меѓу Кина и САД. Кина во средата објави дека ќе преземе мерки против девет компании поврзани со американската војска за продажба на американско оружје на Тајван.