Европа
Британскиот министер за одбрана: Путин би можел да објави Трета светска војна во наредните денови
Владимир Путин може да објави нова светска војна во наредните денови, предупреди британскиот министер за одбрана Бен Валас, пренесуваат медиумите во светот.
Валас кажал дека рускиот лидер може да почне „масовна“ мобилизација и да го искористи први мај за да им објави војна на светските „нацисти“.
Рускиот министер за надворешни работи Сергеј Лавров изјави дека опасноста од нуклеарна војна е сериозна.
Сега Валас изјавил дека Путин, кој не успеа да ги постигне повеќето од своите цели во војната со Украина, може да им објави војна на „светските нацисти“, пишува „Мирор“.
Тој смета дека рускиот автократ би можел да го смета Меѓународниот ден на трудот како добар повод за таа најава.
„Не би бил изненаден. Можно е на 1 мај да изјави дека сега е во војна со светските нацисти и дека масовно го мобилизира рускиот народ“, изјавил Валас.
Тој додал дека Путин, бидејќи не успеал во своите цели досега, можеби „сака да го консолидира она што го има“.
Околу 8.000 војници на британската армија ќе учествуваат во вежби низ Источна Европа за борба против руската агресија во едно од најголемите распоредувања од Студената војна, пишуваат медиумите.
Според написите во светските гласила десетици тенкови летово ќе бидат распоредени во земји од Финска до Северна Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.