Црна хроника
Запленети 2.579 кутии цигари на Богородица кај бугарски државјанин
Полицијата заплени 2.579 кутии цигари од камион на бугарски државјанин во четврток изутрина на граничниот премин Богородица, соопшти Министерството за внатрешни работи.
Утрово, околу 2 часот, за излез од државата на граничниот премин Богородица се пријавил Ж.Б.С. (66) од Бугарија со камион “мерцедес спринтер”.
По добиени оперативни сознанија дека лицето врши криумчарење на стока, полицијата во содејство со царинските органи извршила претрес на лицето и возилото, при што во камионот во посебно направен бункер во покривната конструкција биле пронајдени 2.579 кутии цигари.
Бугарскиот државјанин е уапсен и против него е поднесена кривична пријава за сторено кривично дело “криумчарење”.
Инаку, од први јануаридо први мај, годинава, полицијата заплени 26.980 кутии различни видови цигари.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Во Гостивар приведен криминалец баран со потерница, осуден на 10 години затвор
Полицијата синоќа го приведе М.М.(42) од гостиварско Дебреше.
Тој бил осуден на 10 години казна затвор за сторени повеќе кривични дела „тешка кражба“ и „кражба“, а бил баран по централна потерница врз основа на судска наредба поради бегство од Казнено – поправната установа Затвор Идризово за доиздржување на шест години од казната.
При приведувањето кај него биле пронајдени и одземени предмети кои потекнуваат од кривично дело.
Тој е задржан во полициска станица и по документирање на случајот ќе биде спроведен во Казнено – поправната установа Затвор Идризово за доиздржување на казната.
Црна хроника
Ограбени две жени во Скопје, при разбојништвото едната паднала и се повредила
Вчера во 17.15 часот во СВР Скопје, 63-годишната Ч.С. од Скопје пријавила дека околу 15.20 часот на подрачјето на Центар, едно лице со употреба на сила ѝ одзелo накит.
Исто така во текот на вчерашниот ден, во 14.15 часот во СВР Скопје, 62-годишната В.Т. од Скопје пријавила дека околу 12.45 часот на подрачјето на Гази Баба, едно лице со употреба на сила ѝ одзело накит, по што паднала и се повредила.
Се преземаат мерки за расчистување на случаите.
Црна хроника
Истепани двајца малолетници во Чаир: напаѓачите се обиделе да внесат еден од нив во „бмв“
Вчера, во 22.40 часот, полициски службеници од Единицата за интервентна полиција при СВР Скопје го лишиле од слобода 27-годишниот Г.Е., а денеска во полициска станица бил извршен службен разговор со малолетник, двајцата од Скопје, извести МВР.
– Тие се сомничат дека на 28.05.2024 околу 22.00 часот физички нападнале двајца малолетници на подрачјето на Чаир, по што се обиделе еден од нив да внесат во патничко возило „бмв“, соопшти МВР.
По целосно документирање на случајот, против нив ќе биде поднесена соодветна пријава.