Спорт
Јувентус ги започнаа преговорите со менаџерот на Погба
Челниците на Јувентус во понеделник ќе се сретнат со менаџерот на играчот од средниот ред на Манчестер Јунајтед, Пол Погба на почетокот на преговорите за негово евентуално враќање во Торино.
Договорот на 29-годишниот фудбалер со Манчестер Јунајтед истекува следниот месец и тој дотогаш не може официјално да преговара со ниту еден англиски клуб, поради што се поверојатно дека ќе ја напушти Премиерлигата.
Јувентус го направи првиот чекор со тоа што го повика неговиот менаџер Рафаел Пимента на разговори во Торино, пишува „Скај спорт“.
Пимента, бразилски адвокат, моментално се грижи за интересите на Погба, откако неговиот поранешен агент Мино Рајола почина во април.
Реал Мадрид и Пари Сен Жермен се уште се заинтересирани за ангажман на Погба, но не е исклучено евентуално останување во Премиер лигата.
Според „Скај спорт“, Јувентус не можат да му понудат на Погба подобар договор од конкуренцијата, но во клубот веруваат дека тој ќе донесе фудбалска одлука и дека ќе го избре нивниот проект.
Доколку дојде до овој трансфер, тоа ќе биде вторпат Јувентус да го носи Погба како слободен играч од Јунајтед.
Италијанскиот клуб, во 2012 година, потпиша договор со тогаш 19-годишниот Погба, а четири години подоцна го продаде во Јунајтед 94.500.000 милиони фунти.
Оваа сезона Погба се мачеше со повредите и лошата форма и постигна само еден гол и запиша девет асистенции во дресот на клубот од „Олд Трафорд“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.