Регион
Турција: Уапсени 11-те командоси кои се обиделе да го заробат Ердоган
Турските специјални сили уапсиле 11 командоси во бегство, кои биле вмешани во обидот да го заробат претседателот Реџеп Тајип Ердоган во текот на неуспешниот воен преврат од ноќта на 15-ти кон 16-ти јули, објави агенцијата Anadolu во понеделникот.
Единаесетте воени командоси биле дел од групата која го извела нападот врз хотелот во кој турскиот претседател Реџеп Тајип Ердоган отседнал ноќта на 15-ти јули во југозападното летувалиште Мармарис. Ердоган, кому му било дојавено дека е во опасност, го напуштил хотелот до моментот кога тие пристигнале.
Нивното апсење следува откако турските власти отпуштија уште 1.400 припадници на вооружените сили и како мерка за јакнење на контролата во војската по неуспешниот обид за пуч во неделата го пополни воениот совет со владините министри.
Агенцијата известува дека бегалците се уапсени во округот Ула во покраината Мугла, откако жандармериските специјални сили, поддржани од хеликоптери и беспилотни летала, по дојава биле испратени во споменатата област.
Избувнала престрелка кога специјалните сили се судриле со командосите бегалци, но засега нема извештаи за евентуални жртви.
Неколку десетици демонстранти се собрале и бучно протестирале пред жандармериската станциа во која биле донесени командосите, пред да бидат одвеени во полициската станица во истата област.
Наводно вкупно 37 војни се вмешани во неуспешната операција за заробување на Ердоган во Мармарис и 25 од нив беа претходно уапсени, наведува Anadolu.
Последиците од неуспешниот пуч притворања и суспендирање од должностите на повеќе од 66.000 луѓе од војската, правосудството, јавните служби и образовните институции, што ги вознемирува турските сојузници во НАТО и создаде тензии меѓу Анкара и Западот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.
Регион
Почина мајката на осомничениот убиец на малата Данка
Во Злот денеска починала Светлана Драгичевиќ, мајката на Дејан Драгичевиќ ненадејно починала, осомничениот за убиството на малата Данка Илиќ, неофицијално дознава порталот Нова.рс.
Светлана во април го погреба својот син Далибор, кој беше осомничен дека го криел телото на малата Данка, а почина во полицијата на Бор на распит, поради што Секторот за внатрешна контрола (СУК) го истражува случајот.
Светлана даде изјава дека не знае ништо за убиството на малата Данка и доби статус на привилегиран сведок.
Дејан Драгичевиќ и Срѓан Јанковиќ се осомничени дека со автомобил го удриле девојчето, по што ја внеле во автомобил и се упатиле на непозната локација. Телото на девојчето сѐ уште не е пронајдено.
Тие се во притвор, како и таткото на Д.Д., кој е осомничен дека помогнал да се премести телото на девојчето од една на друга локација.
Обвинителството претходно соопшти дека Дејан Драгичевиќ го признал делото, додека Јанковиќ се бранел молчејќи.
Регион
Српските медиуми: Вучиќ и Орбан планираат посета на премиерот на Словачка кој денес беше застрелан
Српскиот претседател Александар Вучиќ и унгарскиот премиер Виктор Орбан во следните денови ќе го посетат словачкиот премиер Роберт Фицо, кон којшто денес беше пукано, дознава „Еуроњуз Србија“, а веста ја пренесоа и неколку други српски медиуми.
Вучиќ денеска веднаш по објавувањето на веста реагираше на социјалната мрежа „Икс“.
„Шокиран сум од атентатот на Роберт Фицо, голем пријател на Србија и мој лично. Драг пријателе, се молам за тебе и за твоето здравје“, напиша Вучиќ.
Премиерот Роберт Фицо беше застрелан по состанокот на владата, на околу 150 километри североисточно од Братислава. Атентатот се случил кога Фицо отишол меѓу насобраниот народ. Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница во Братислава, каде лекарите се борат за неговиот живот.
Напаѓачот е уапсен на лице место.