Спорт
Барнс ја предводи најдобрата руки петорка
НБА го објави тимот на најдобрите дебитанти во сезоната 2021/22. Во најдобрата руки петорка се: Скоти Барнс (Торонто), Кејд Канингем (Детроит), Еван Моби (Кливленд), Франц Вагнер (Орландо) и Џејлен Грин (Хјустон).
Првите тројца ги добија сите 100 можни гласови, а изборот на најдобрите дебитанти не е позициски условен, како што е случајот кога се доделуваат други награди.
Барнс официјално ја освои титулата дебитант на годината и е првиот играч на Торонто што го направил тоа по Винс Картер во 1998 година – оваа сезона тој имаше просек од 15,3 поени и 7,5 скока.
Играјќи за Детроит, Канингем постигна 17,4 поени, 5,6 асистенции и 5,5 скока по натпревар и стана шестиот дебитант во историјата кој имал најмалку 20 поени и по пет скока и асистенции пред Ол-стар викендот.
Пред него тоа успеаја само Лука Дончиќ, Стеф Кари, Леброн Џејмс, Грант Хил и Мајкл Џордан.
Мобли е еден од само четворицата играчи кои успеале да забележат најмалку 100 блокади и 50 украдени топки. Во дресот на Кливленд имаше просек од 15 поени и фаќаше 8,3 топки по натпревар.
Вагнер е првиот играч на Орландо кој е избран во најдобриот руки тим по 2015 година, кога Елфрид Пејтон беше награден за добрите игри. Германецот во просек за Меџик бележеше 15,2 поени, 4,5 скока и 2,9 асистенции.
Грин имаше просек од 17,3 поени за Хјустон – само Канингем беше подобар од сите новајлии.
Во втората руки петорка се најдоа Херб Џонс (Њу Орлеанс), Џош Гиди (Оклахома Сити), Боунс Хајленд (Денвер), Ејо Досунму (Чикаго) и Крис Дуарте (Индијана).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баерн е во завршни преговори со Рагник
Претседателот на фудбалскиот клуб Баерн, Херберт Хајнер изјави дека клубот ги финализира преговорите со Ралф Рангник, кој од следната сезона треба да биде тренер на тимот од Минхен, пренесуваат германските медиуми.
Тренерот на Баерн, Томас Тухел ќе го напушти клубот од Минхен по крајот на сезоната. Рангник, кој моментално е селектор на австриската репрезентација, неодамна потврди дека преговара со тимот од Минхен.
„Рангник е извонреден познавач на фудбалската сцена. Тој има исклучителни вештини за развој на играчи и тимови. Сè што слушнав за австриската репрезентација под негово водство е многу, многу позитивно. Разговорите со него одат во вистинска насока. Ако дојде, тоа ќе биде многу добро решение за нас“, изјави Херберт за „Скај Спортс Германија“.
Германските медиуми тврдат дека Баерн до крајот на неделата би можел да објави дека Рагник ќе го преземе клубот.
„Се надевам дека нема да чекаме предолго. Ќе видиме кога ќе го објавиме конечниот резултат. Брзо ќе дознаеме во кој правец ќе одиме“, изјави Хајнер.
Фудбалерите на Баерн синоќа одиграа во Минхен со Реал без победник, 2:2 во првиот полуфинален натпревар од Лигата на шампионите. Реваншот е закажан за следната среда во Мадрид.
Рангник ја презеде австриската репрезентација во 2022 година, а претходно меѓу другите беше тренер на Манчестер Јунајтед, Лајпциг, Шалке, Хофенхајм, Хановер и Штутгарт. Тој има договор со Фудбалскиот сојуз на Австрија до јуни 2026 година.
Спорт
Шпанскиот сојуз го казни Атлетико Мадрид
Фудбалерите на Атлетико Мадрид ќе мора да ги играат последните два домашни натпревари оваа сезона во шпанската Ла Лига да ги одиграат пред делумно затворени трибини.
Фудбалскиот сјуз на Шпанија го казни клубот поради расиситичкиот испад на неговите навивачи, во саботрата на натпреварпт против Атлетик Билбао. Дел од навивачите го навредуваа Нико Вилијамс. Заедно со затворањето на дел од трибините, Атлетико ќе треба да плати и казна од 20.000 евра.
Последните два домашни натпревари оваа сезона Атлетико ќе ги одигра прптив Селта Виго во 35.коло и Осасуна во претпоследното, 37.коло.
Атлетико моментално е четврти во поредокот, на позиција која ќе води до настап во Лигата на шампионите следната сезона. Тимот на Диего Симеоне има шест бода повеќе од петтопласираниот Атлетик Билбао.
Спорт
Ред Бул и Адријан Њуи спогодбено се разделија
Адријан Њуи, најдобриот дизајнер во модерната ера на Формула 1, го раскина договорот со Ред Бул. Дека двете страни работата на спгодбен раскин на договорот се шепекулираше изминатите денови. Њуи бил решен да го напушти Ред Бул, а ниту Ред Бул не се обиделе да го задржат Њуи.
Ред Бул денеска потврди дека човекот чии креации освоија шест титули во Светскиот шампионат за конструктори и седум во конкуренција на 19. години поминати во лабораториите на Милтон Кејнс, ќе го напушти тимот на крајот на сезоната.
Тимот наведе дека „потребата да бара нов предизвик во кариерата“, го натерала Њуи да си замине, иако долго време се зборува за несогласување меѓу првиот човек на австрискиот тим Кристијан Хорнер според многу мислења најдобриот жив дизајнер на Формула 1 болиди.
„Сакаме да му се заблагодариме на Адријан за сите подвизи во времето кое го поминавме заедно. Тој одигра клучна улога во постигнувањето на неверојатни седум титули кај возачите и шест меѓу конструкторите со вкупно 118 победи, заедно со 101 пол-позиција, вклучувајќи ја и победата на Торо Росо од пол-позицијата во 2007 година“, стои во соопштението кое го обајви Ред Бул.
Допрва ќе се види каква ќе биде иднината на Њуи. Сигурно е дека тој нема да престане да работи. Според медиумите тој може да заврши во еден од овие три тема: Ферари, Мерцедес, Астон Мартин.
Наводно, 65-годишниот Англичанец веќе добиле понуда од Ферари, тим кој се засилува на сите нивоа.
Ако го доведат и Њуи по Луис Хамилтон од Мерцедес, Ферари ќе го добие најтрофејниот возач на сите времиња и најуспешниот шеф за технолошки развој на болидите во Формула 1 од редовите на двата најголеми ривали.