Европа
Биографот на Путин: „Како Хитлер пред крајот“
Од почетокот на руската воена операција во Украина, бројни аналитичари го коментираа однесувањето на Путин, пишуваат светските медиуми.
Според нив, „Дејли Мејл“ објавил компаративна анализа на однесувањето на германскиот фирер Адолф Хитлер и рускиот претседател Владимир Путин.
„И двајцата лидери ги игнорираат советниците и се вклучуваат во микро-менаџментот на воените операции и покрај недостатокот на искуство и воено знаење; Путин има свој тим, телохранители и дегустатори на храна, но министрите и помошниците се „исклучени“ со месеци; бункерот на Хитлер можеби го инспирира Путин дека рускиот претседател претпочита видеоконференции“, било наведено во анализата на медиумот.
Во опсежната анализа, професор на Универзитетот во Лондон кој се занимава со Словените и Источна Европа и кој има напишано 24 книги за Русија, вклучувајќи ја и биографијата на Владимир Путин, забележал дека рускиот претседател отсекогаш посветувал големо внимание на личната безбедност но во „специјалната воена операција“ во Украина за која може да се обвини само себеси бил попараноичен од кога било, било наведено во написот.
Професорот Марк Галеоти анализирал, според медиумот, дека Путин ретко доаѓал дури и во претседателската канцеларија на Кремљ и дека претпочитал да ги извршува државните работи од неговата вила во ексклузивното предградие на Москва, која е популарна меѓу руските олигарси и поп-ѕвезди.
„Луѓето доаѓаат кај него ако и кога сака да ги види. А тој, тоа се почесто не го прави. Има свои асистенти со кои често се консултира, свои телохранители, свој тим на дегустатори на храна, но луѓето со кои често се консултира, ги држи подалеку од себе“, пишува Галеоти.
Професорот од Лондон во анализата ваквата ситуација ја споредил со последните денови на Хитлер, кога ја загубил војната што ја започнал: „Јасно е дека непријателите на Путин не се пред портите на Москва како Хитлер во Берлин, но има сличности во одбивањето на двајцата лидери да слушаат совети, како и нивното инсистирање да управуваат со секој детал од воените операции, и покрај тоа што немаат искуство за тоа“.
Авторот на текстот предупредил и на огромната разлика меѓу Путин и Хитлер, меѓу Германија во 1940-тите и модерна Русија. „И покрај сета своја моќ, во Русија нема „путинизам“, ниту идеологија. Ова е значително различно од она што се случи за време на Втората светска војна. До крајот на војната во Германија имаше луѓе кои беа фанатични нацисти, кои веруваа не само во Хитлер, но и неговите идеали“, напишал Галеоти, пренесуваат регионалните медиуми.
Путин, според него е опкружен со немилосрдни прагматисти: „Она што сега е многу впечатливо е колку Путин изгледа изолирано. Нема многу луѓе околу него за кои верувам дека „би испиле куршум за Путин“. Штом Путин конечно ќе ја напушти власта, никој нема да плаче по него“, било напишано во анализата која ја пренесуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Зеленски предложи САД да го киднапираат Кадиров, стигна одговор од Чеченија
Украинскиот претседател Володимир Зеленски ги повика САД да го зголемат притисокот врз Русија со киднапирање на чеченскиот лидер Рамзан Кадиров, на ист начин како што направија со венецуелскиот претседател Николас Мадуро, верувајќи дека таквата операција би можела да влијае врз руското раководство.
„Еве еден пример со Мадуро. Да, тие спроведоа операција. Сите ги видоа резултатите, целиот свет. Го направија тоа брзо. Па, нека спроведат некаква операција врз овој, како се вика, Кадиров“, рече Зеленски, цитиран од РБК.
На 3 јануари, американската војска ги уапси Мадуро и неговата сопруга, Силија Флорес, во нивниот дом во Каракас и ги транспортираше во Њујорк, каде што соборениот лидер на републиката беше обвинет за „наркотероризам“. Самиот Мадуро изјави на суд дека останува претседател на Венецуела.
Одговор од Чеченија
Рамзан Кадиров одговори на предлогот преку својот Телеграм канал, тврдејќи дека Зеленски сака да ги постигне своите цели преку други. „Забележете дека тој дури и не се закани дека ќе го стори тоа самиот“, напиша чеченскиот лидер, истакнувајќи дека Зеленски претпочиташе да остане настрана „и да гледа од безбедно растојание“.
„Ме става на листата на барани лица и наметнува санкции. Сега бара помош од Американците, велејќи: „Ако не помогнаа со оружје, барем киднапирајте го Рамзан“, рече Кадиров.
„Зачувајте го вашиот образ и не се понижувајте. Да имавте трошка машкост во вас, ќе разберевте колку понижувачки звучат вашите зборови и барања“, додаде тој.
За налогот на Украинската безбедносна служба
Ова не е прв конфликт меѓу Кадиров и украинските власти. Безбедносната служба на Украина (СБУ) претходно го прогласи Кадиров за барано лице, обвинувајќи го за спроведување „агресивни воени дејствија“ и кршење на законите и обичаите на војување.
Од друга страна, Истражниот комитет на Русија го окарактеризира тој потег како „свесно доведување на невино лице пред кривична одговорност“.
Европа
Сикорски: Варшава е отворена за распоредување германски трупи во Полска
Варшава е отворена за евентуално распоредување на германски трупи во Полска во обид да се обезбеди прекин на огнот во Украина, според полскиот министер за надворешни работи Радослав Сикорски.
„Германските војници се стационирани во Полска со години како дел од разни мисии на НАТО“, рече Сикорски, заклучувајќи дека присуството на трупи на Бундесверот на полска територија нема да биде новост. Сикорски ја даде изјавата вчера по состанокот во Париз со неговите француски и германски колеги, Жан-Ноел Баро и Јохан Вадефул, одржан во рамките на форумот за дијалог на Вајмарскиот триаголник, регионален сојуз што ги поврзува Полска, Франција и Германија од 1991 година.
Според министерот, воената соработка меѓу Полска и Германија веќе е воспоставена. „За време на заедничка вежба пред неколку години, германски генерал командуваше со полска тенковска бригада, додека полски генерал водеше германска бригада“, рече Сикорски.
Министерот за надворешни работи, исто така, ѝ се заблагодари на Германија за минатогодишното распоредување на трупи што помогнаа во обезбедувањето на аеродромот во југоисточна Полска во близина на Жешов, клучен центар за воена и хуманитарна поддршка на Украина.
Завчера, германскиот канцелар Фридрих Мерц првпат ја спомена можноста Бундесверот да учествува во мировни операции, не во Украина, туку на територијата на НАТО во близина на границата. Сикорски објасни дека неколку земји, предводени од Франција, веќе презеле подготвителни чекори во Полска, во случај да се постигне прекин на огнот и да се воспостави мировна мисија во Украина.
Тој додаде дека деталното планирање на крајот ќе го води воениот штаб на вклучените земји. Германската влада соопшти дека разговорите во Париз се фокусирале на развивање силни безбедносни гаранции за Украина по прекинот на огнот и на придонесот на Европа кон долгорочната безбедност.
Европа
(Видео) Руски независни медиуми: Путин го прослави Божиќ во тајна воена база
Рускиот претседател Владимир Путин очигледно не го прославил овогодинешниот православен Божиќ во една од познатите московски катедрали, туку во црква во рамките на воена база. Информацијата ја објави независниот руски истражувачки медиум „Агентство“, кој ги анализираше снимките објавени од Кремљ.
Анализата открива тајна локација
Според анализата, локацијата е идентификувана како црквата на Светиот великомаченик Георгиј Победоносец, сместена во основата на Центарот за специјални намени „Сенеж“ во Солнечногорск, град на околу шеесет километри северозападно од Москва.
За разлика од претходните години, овој пат Кремљ не прецизираше каде Путин присуствувал на црковната служба што била емитувана во живо на Божиќ, кој во Русија се слави на 7 јануари според јулијанскиот календар. Москва сè уште не одговорила на извештајот на „Агентство“, а „Киев Индепендент“ забележува дека не била во можност независно да ги потврди обвинувањата.
Putin Marks Christmas at a Church on a Military Base, Surrounded by GRU Officers
Vladimir Putin marked Christmas with members of the military for the third time, but unlike the previous two years the Kremlin did not name the church where the president attended the holiday… pic.twitter.com/7nu1Dm7CS8
— Новости «Агентства» (@agents_media) January 7, 2026
Кој бил со Путин?
И покрај тоа што руската војска претрпе огромни загуби на бојното поле, Путин, опкружен со група воени лица, жени и деца, рече дека неговите војници го слават Божиќ исто како што „сите се радуваме заедно на нашите заеднички победи“.
„Агентство“, врз основа на објавеното видео, извести дека и високи воени функционери учествувале во црковната служба со Путин. Меѓу нив беа идентификувани како генерал-мајор Алексеј Галкин, командант на Центарот за специјални намени „Сенеж“ роден во Украина, и Александар Матовников, командант на руските сили за специјални операции.
Трамп одобри нова казна за Путин? „Даде зелено светло“
Американскиот претседател Доналд Трамп даде зелено светло за законски предлог за нови санкции против Русија, изјави синоќа републиканскиот сенатор Линдзи...
Зеленски предложи САД да го киднапираат Кадиров, стигна одговор од Чеченија
Украинскиот претседател Володимир Зеленски ги повика САД да го зголемат притисокот врз Русија со киднапирање на чеченскиот лидер Рамзан Кадиров,...
(Видео) Топлотен бран ја погоди Австралија, властите предупредуваат на „катастрофален“ ризик од пожари
Делови од Австралија в петок го очекуваат катастрофални услови на избувнување пожари, бидејќи топлотен бран го погоди поголемиот дел од...
Сикорски: Варшава е отворена за распоредување германски трупи во Полска
Варшава е отворена за евентуално распоредување на германски трупи во Полска во обид да се обезбеди прекин на огнот во...
(Видео) Руски независни медиуми: Путин го прослави Божиќ во тајна воена база
Рускиот претседател Владимир Путин очигледно не го прославил овогодинешниот православен Божиќ во една од познатите московски катедрали, туку во црква...
Поради снег забранет сообраќај за камиони на патниот правец Струга – Граничен премин Ќафасан
Од 05.15 часот поради врнежи од снег се воведува забрана за сообраќај за тешки товарни возила на патниот правец Струга...
Трамп: Венецуела од профитот од нафтата ќе купува само американски производи
Претседателот на САД, Доналд Трамп извести дека Венецуела ќе ги користи своите приходи од нафта за купување исклучиво американски производи....
Одрони, излевања и поплави на повеќе локации – во Кичево евакуирани 60 луѓе во спортска сала поради поплавени домови
Директорот на Центар за управување со кризи, Мухамед Али, заедно со дежурните екипи на бројот за итни повици 112 и...
Поплавени улици во Битола, мобилизирани јавните претпријатија
По обилните врнежи од дожд што вечерва предизвикаа поплавување на улици низ Битола, екипи на ЈП „Нискоградба“ и други јавни...
Мицкоски најави лидерска средба на која би се зборувало за укинување на техничката влада
Премиерот Христијан Мицкоски во текот на утрешниот ден ќе упати покани до политичките партии за лидерска средба, на која би...
Мицкоски за бугарската формулација „достапен јазик“ наместо македонски: Не е во прашање само Уставот, туку редефинирање на македонскиот идентитет
Премиерот Христијан Мицкоски, одговарајќи на новинарско прашање, ја коментираше формулацијата „достапен јазик“, наместо македонски јазик, што ја употреби Министерството за...
МВР ќе утврдува зошто новите службени возила биле осветувани со верски обред
Одделот за внатрешна контрола, криминалистички истраги и професионални стандарди при Министерството за внатрешни работи презема мерки и активности за целосно...
Државниот врв со божиќни честитки: Пораки за мир, семејство и солидарност
Претседателката на државата Гордана Сиљановска-Давкова, претседателот на Владата Христијан Мицкоски и претседателот на Собранието Африм Гаши упатија божиќни честитки до...
Трамп: Постигнавме договор за нафтата од Венецуела, ние ќе ги контролираме приходите
Каракас и Вашингтон постигнаа договор за извоз на венецуелска сурова нафта во САД во вредност до две милијарди долари, изјави...
Денеска е Божик – денот на христовото раѓање
Православните христијани во светот, во Македонија и црквите кои се раководат по Јулијанскиот календар денеска го слават Рождеството Христово –...
Коалицијата на волните договори што по мирот во Украина
Триесет и пет земји од таканаречената Коалиција на волните во вторникот ја поддржаа Париската декларација во која се детално опишани...
Берни Сандерс: Шест причини зошто нападот на Трамп врз Венецуела е погрешен
Нападот на САД врз Венецуела во текот на викендот предизвика остри осуди од целиот свет, а критики беа упатени и...
(Видео) Маж избол до смрт кондуктер во Италија, па избегал со воз: во тек е масовна потрага по Хрват
34-годишниот кондуктер Алесандро Амброзио беше избоден до смрт синоќа на главната железничка станица во Болоња. Полицијата го идентификуваше осомничениот напаѓач...
(Видео) Николоски: 40 километри од автопатот Охрид – Кичево се веќе во функција
Вицепремиерот и министер за транспорт Александар Николоски на својот фејсбук профил објави ноќно видео од автопатот Охрид-Кичево, каде истакнува дека...
(Фото) Мицкоски: Бадник не е само ден, туку порака дека заедништвото, љубовта и солидарноста нe прават посилни
„Во пресрет на Бадник, денеска поделивме пакети помош во Карпош, Гази Баба, Чаир, Аеродром, Ѓорче Петров, Кисела Вода, Бутел и...
